Daniel 4:27 - Zokam International Version

²⁷ Tua ahi ciangin kumpipa aw, kong gen bangin lungkimin hong mangin. A manin gamta in a kinengniamte tungah migitna tawh na mawhnate kipuahpha in. Tua bangin hi lecin na nopsakna kizomsuak ding hi," a ci hi.

LAISIENGTHOU CL Bible (BSI)

²⁷ Tuaziehin Aw leengpa ka hing thuhilna nanga dingin pomtah hihen; na khelnate tawpsan inlen sildih bawlin, na gitlouna tawpsan inlen, mi genthei tung ah khotuona langsah in. Tamte’n na nopsahna asusau khamaw sih ding hi,” a chi hi.

Zo Bible

²⁷ Tua ahi ziehin kumpipa aw, nang tunga kang thuhilna ei sanpieh in: Na mawnate adingin dihna tawh mawsut inlen, na nopsahna sawtvei na khom nadingin a kibawlsie mite tungah hepina tawh na khielnate sut in. Tua hile na nopsahna sawtvei na khom ding hi,” a ci hi.

Daniel 4:27 ပူးပေါင်းရင်းမြစ်များ

Piancilna 11:4

Tua khit ciangin amaute in, "Hong pai un, leimaitangte ah i kithehthang loh nadingin i min dingin khuapi khat lamin a dawn in van aban tausang khat neisak ni," kici uh hi.

1 Kumpite 21:29

"Ka mai-ah Ahab a kiniamkhiat lam na phawk hiam? Amahmah kiniamkhiat ahi manin hih siatna ama hun sungin ka tungsak kei ding hi, ahi hangin a tapa hunin a innkuan tungah ka tungsak ding hi," a ci hi.

Phatna-late 119:46

Kumpite mai-ah na ngeinakipte ka gen dinga, hong kimaizumsak kei ding hi,

Paunakte 11:2

Kisaktheihna in hong maimawlsak a, kiniamkhiatna ahileh pilna ahi hi.

Paunakte 16:6

Itna le muanhuaina tawnin mawhna maisiang a, TOPA kihtakna tawnin mihing in gitlohna a peel hi.

Paunakte 28:13

A mawhnate a impa daupai lo a, pulaaka a tawpsan peuhmah ahileh kilainat hi.

Isaiah 10:13

Ahang in, amah in: "‘Keimah in theihtelna ka neih manin ka pilna le ka khut thahatna tawh ka hih zo hi. Minamte gamgite ka suankhia a, a goute uh ka laksak hi; a thahatpa khat bangin a kumpite uh ka thuzawh b gawp hi.

Isaiah 47:10

Na gitlohna muangin, ‘Kuamah in hong mu kenteh’ na ci hi. ‘Kei bek ka hi hi, kei lo kuamah om kei’ na cih ciangin na pilna le na theihna in hong makaih khial hi.

Isaiah 47:8

"Tua ahi ciangin no awlmawh a nei lo nuamtaka tu hithiat ganhingte, ‘Kei bek ka hi hi, kei lo kuamah om kei, ka meigong ngei kei dinga, ka tate ka sihsuah kei ding hi’ a ci note in ngai un.

Jeremiah 29:7

Sal-a kong puakna khuapi kilem nading le a phattuam nading zong na zong ding uh hi. TOPA tungah thu ngetsak un; khuapi a nopsak leh no zong na nuamsa ding uh hi," a ci hi.

Jeremiah 38:20

"Hong ap peuhmah lo ding uh hi," Jeremiah in ci a, "Kong gen bangin TOPA thu mang in. Tua hileh nang adingin hoih dinga na nuntakna hong kihawisak ding hi.

Ezekiel 18:7

Kuamah nengniam loin sum leitawite vankhapte pia kik zaw hi. Amah in kuama aa sut loin gilkialte an pia zaw a, puan nei lote puan a guanzaw hi.

Ezekiel 29:3

Amah hopih inla: ‘Hih in Thupipen TOPA gen ahi hi: "‘Egypt kumpipa Pharaoh aw, nang na luite sunga a bok ganhing lianpi na hi a, nang langah ka pang hi. Nang in, "Nile kei aa ahi hi; keima adinga ka bawlsa ahi hi," na ci hi.

Ezekiel 29:9

Egypt-te a kinusia gamval a suak ding uh hi. Tua ciangin amaute in keimah TOPA ka hilam a thei ding uh hi. "‘Bang hang hiam cih leh nang in, "Nile kei aa hi a; keima bawlsa ahi hi," na ci hi.

Joel 2:14

A lungsim khelin hong hehpih kha thei lo ding hiam? An-a biaknate le dawntheih-a biakna ding TOPA note Pasian piak dingin a thupha hong nusiat mawh ding hiam?

Amos 6:13

Lo Debar a la zo in note na lungnuam uh a, "Eima thahatna tawh Karnaim b la hi lo i hi hiam?" na ci uh hi.

Jonah 3:9

Eite i siat loh nadingin a hehluatna panin kihei-in Pasian in hong khuatuah loh ding kua in thei ahi hiam?" a cisak hi.

Habakkuk 1:11

Tua ciangin huih nung bangin paisuak uh a - amau hatna pasian-a a nei mikhialte ahi uh hi," ci-in a dawng hi.

Zephaniah 2:15

Bangmah a awlmawh lo lungmuangtaka tenna khuapi hizahta a suak hi. Tuanu amah le amah, "Keimah bek, kei bang kuamah om kei," kici hi. Tua khua nak siat nah e, gamsate omna lah a suak tazen a! Tua lai a tawnkha peuhmah in selpho-in a khut uh lehsan uh hi.

Matthew 3:8

Kisikna tawh kilawm gah na gah un.

Luke 11:41

Ahi hangin kuang a sunglam-a omte mizawngte na pia un. Tua hileh note adingin na khempeuh a siang ding hi.

Nasepte 24:25

Paul in, thumaanna, ei le ei pumpi ki-ukna le hong tung ding thukhenna thute a gen ciangin Felix lau a, "Pha zo! Ciah ta in. Hun hoih ka sak ciangin kong sam kik ding hi," a ci hi.

Nasepte 26:20

Amaute kisik a Pasian lamah a kihei nading uh le a kisikna uh, a gamtatna uh tawh a lah nadingun a masa in Damascus-ate kiang, tua khit ciangin Jerusalem-ate kiang le Judea gam khempeuh le Gentile-te kiangah zong ka hilh hi.

Nasepte 8:22

Hih tatsiatna pan kisik inla, Topa tungah thu ngen in. Na lungsungah tua bang ngaihsutna na neih, amah in hong maisak kha thei ding hi.

2 Corinth-te 5:11

Tua ahi ciangin kote in Topa kihtakzia ding thei ka hi manun mite zol ding ka hahkat uh hi. Kote ka hi bangun Pasian mai-ah a kiteltakin ka kilang uh a, tua pen mah note in zong na lungsim uh tawh na theihtel ding uh ka lamen hi.

Galatia-te 5:13

No ka sanggamte aw, a suakta dinga hong kisam na hi uh hi. Ahi zongin na suahtakna uh mawhdim pianngei c deihna-a bualna in zang kei unla, tua sangin ki-itna tawh khat le khat na kisepsak thuk un.

Galatia-te 5:22

Ahi hangin Kha gah in: itna, lungnopna, kilemna, thuakzawhna, citna, hoihna, muanhuaina,

Galatia-te 5:6

Ahang in, Christ Jesu sungah vunat, ahi zongin, vunat loh ahi zongin kimanna a nei kei hi. Itna tungtawna kipulak tua upna bek in kimanna a nei hi.

Ephesa-te 4:28

A guta densa pa in gu nawn peuhmah loin a kitangsamte na khatpeuh a hop theih nadingin ama khut tawh, kimanna a nei na khatpeuh sem pelmawh hen.

Thupiakkikna 24:13

Nitum ma-in zana a luppih dingin a puantualpi pia kik in. Tua hileh amah nang tungah lungdam dinga, tua in TOPA note Pasian muhna ah thumaana gamtatna ahi hi.

Thupiakkikna 32:27

Ahi hangin lah a galte un a galte uh phinin, ‘Ko khut mah a gualzo hi; hih khempeuh TOPA sepsa hi kei,’ ci-a a theihkhialh ding ka lau zel hi," a ci hi.

Thupiakkikna 8:17

No le no in, "Ka vangliatna le ka khut thahatna tawh kei ading hauhna hizah hong piangkhia hi," na ci thei ding uh hi.

1 Peter 4:8

Tuate khempeuh banah, itna thukpi-in khat le khat na ki-it un, bang hang hiam cih leh itna in mawhna tampitak a khuh hi.