Daniel 3:7 - Zokam International Version

⁷ Tua ahi ciangin amaute in saki, tamngai, zither, lyre, harp le tumtheih namkim ging a zak phetun mi khempeuh, minamte, pau nam khempeuh boksukin Kumpipa Nebuchadnezzar phuhsa kham milim a bia uh hi.

LAISIENGTHOU CL Bible (BSI)

⁷ Tuachi’n mi zousiein Pengkulte, theilete, kaigingte gosemte, nawtgingte leh silging chinteng gin azah tahun, mipi zousie, nam zousie leh ham chin a mite, abohkhup ua, leengpa Nebukadnezzar milim tundoh khu abeta uhi.

Zo Bible

⁷ Tua ahi ziehin mipi zosie in sielkii gin, theile gin, lyre gin, trigon gin, harp gin, tawm gin, le tumging namcin’ gin a zah behun mipite, minamte, le ham nam zosie bawhsuhin Kumpi Nebuchadnezzar’ phusa tua kham milim a bie uhi.

Daniel 3:7 ပူးပေါင်းရင်းမြစ်များ

Jeremiah 51:7

TOPA khut sungah Babylon kham hai khat hi a; tuanu in leitung buppi zu a khamsak hi. Minamte in ama zu dawn uh a; tua hangin tu-in mihai suak khin uh hi.

Daniel 2:46

Tua ciangin Daniel mai-ah Kumpipa Nebuchadnezzar a khup lamin bok a, ama pahtawi-in biak-piakna le gimnamtui-a biakna a piak dingin thu a pia hi.

Daniel 3:10

Kumpipa aw, saki, tamngai, zither, lyre, harp, gawsem le tumtheih namkim kitum a za mi peuhmah boksukin kham milim bia dinga

Daniel 3:4

Tua ciangin tangkopa in angaih mahmahin tangko-a, "Mite aw, minamte aw, pau namkimte aw, hih in na hih dingua hong kisawl ahi hi:

Daniel 3:5

Saki, tamngai, zither, lyre, harp, gawsem le tumtheih nam khempeuh ging na zak phetun boksukin Kumpipa Nebuchadnezzar phuhsa kham milim na bia ding uh hi.

Daniel 3:6

Boksuk-a a bia lo peuhmah pummei kuanglai sungah kilawn ding hi," a ci hi.

Daniel 3:8

Hih hunin aksi-ensiamte b pawlkhat in mipi mai-ah pai-in Jew-te a hek uh hi.

Nasepte 14:16

Amah in a beisa hunin, minam khempeuh amau ut bangbangin gamtasak hi.

1 John 5:19

Eite Pasian tate i hilam le leitung buppi gilopa ukna nuai-a om ahilam i thei hi.

Kilaakna 12:9

Gulpi-sikhiam kilawnsuk a - tua dawimangpa ahikeh Satan kici leitung buppi lampialsakpa tua tanglai gulpi ahi hi. Amah ama vansawltakte tawh lei-ah kilawnkhia suk hi.

Kilaakna 13:14

Tua limte hangin a masa gamsa tangin vangliatna kipia-a, leitunga tengte a khem hi. Amah in amaute tungah namsau ma tawh liam napi-a, a nungta lai gamsa pahtawina milim khat a bawl ding uh thu a pia hi.

Kilaakna 13:3

Tua gamsate lutangte khat ah sihna khop zah liamma nei a, ahi hangin tua liamma a dam ta hi. Leitung bup in lamdang sa in tua gamsa a zui uh hi.

Kilaakna 13:8

Leitung kipiansaka kipan a kigosa Tuuno nuntakna laibu sunga a min a kigelh lote khempeuh - leitunga a tengte khempeuh in tua gamsa bia ding uh hi. b

Kilaakna 17:8

Khat vei lai-a na muhsa tua gamsa, tu-in a om nawn kei hi. Kawhawmpi sung pan hong pusuakkhia-in ama kisiatna ah a pai ding hi. Lei kipiansak cila kipan, nuntakna laibu sunga a min kigelh nai lo leitunga teng mi khempeuh in, tua gamsa a muh uh ciangin, khat vei a om khin, tu-in om nawn lo napi hong pai ding ahi manin lamdang a sa mahmah ding uh hi.

Kilaakna 19:20

Ahi hangin tua gamsa kiman ta a, amah tawh ama tunga lim lamdang a bawl zuau kam sangpa kiman hi. Amah in hih limte tawh gamsa ciamtehna ngahsate le a lim a biate a khem hi. Amaute lakah tua nihte a hingtangin a kihtakhuai kaat kuanglai lipi sungah kipai hi.