Daniel 3:28 - Zokam International Version

²⁸ Tua ciangin Nebuchadnezzar in, "Shadrach, Meshach le Abednego-te’ Pasian, a vansawltak sawl-a, a nasemte a hukhiapa kiphat ta hen! Amaute in amah muang uh a, kumpipa thupiak nialin amau Pasian longal Pasian dangte na sep ding le biak ding sangin singam zaw uh hi.

LAISIENGTHOU CL Bible (BSI)

²⁸ Tuachi’n Nebukadnezzar in thu agen a, “Shadrak, Meshak leh Abednego Pasian phat in umta hen, Ama’n avansawlsieng ahing sawl a, Ama muong asuohte ahundoh hi. Tualeh amaun leengpa thu asang sih ua, tualeh amaun a Pasian uh chilou pasien dang mawngmawng abieh louna dingun leengpa thupieh sulamdangin atahsa uh apephal uhi.

Zo Bible

²⁸ Nebuchadnezzar in, “Shadrach, Meshach, le Abednego-te’ Pasien, a vantungmi sawlin ama a muong a nasemte a hunkhie pa in thupha nga taheh. Amate in a Pasien uh longal pasien dangte khatpo’ na semin a bieh ding uh sangin kumpipa thupiehna mang loin a pumpi uh a si ngamzaw uhi.

Daniel 3:28 ပူးပေါင်းရင်းမြစ်များ

Piancilna 9:26

Amah in, TOPA, Shem’ Pasian in thupha ngah ta hen! Shem’ sila in Canaan omsak ta hen. b

1 Khangthute 5:20

Amaute sim dingin huhna ngah uh a, Hagri-te le amau kipawlpihte khempeuh amau tungah Pasian in a pia hi, bang hang hiam cih leh galsim laitakin amaute in ama tungah a ko uh hi. Amaute in amah muang uh ahi manin a thungetna uh a dawng hi.

2 Khangthute 20:20

Amaute zingsang tungin Tekoa Sehnel-gam zuanin a pai uh hi. A kuankhiat laitakun Jehoshaphat dingin, "Judah le Jerusalem a mite aw, ka thugen na ngai un! TOPA note Pasian muang un, na dingkip ding uh hi; ama kamsangte muang un, na gualzo ding uh hi," a ci hi.

2 Khangthute 32:21

Tuateh TOPA in Assyria kumpipa giahphual-a om galkapte le makaite le uliante khempeuh a susiamang ding vansawltak khat a sawl hi. Tua ciangin amah lungkia-in a gamah a nungkik ta hi. Tuateh ama pasian biakinn sungah a pai ciangin a tapate pawlkhat in namsau-in amah a thatlum uh hi.

Ezra 1:3

Note laka om ama mi peuhmah - a Pasian in ompih henla, Judah gama Jerusalem ah paito-in, TOPA, Israel Pasian - Jerusalem a om Pasian biakinnpi lam hen.

Ezra 6:11

Tua ban lai-ah hih thukip a khel khatpeuh a om leh a innkhuam khat kibot dinga, a tungah amah kihencipin kikhai ding hi. Hih a bawl mawhna hangin ama inn ninkholna kisuaksak ding hi.

Phatna-late 103:20

No ama vansawltakte, ama thu bang a sem a thahat ama thu a mangte aw TOPA phat un.

Phatna-late 147:11

TOPA nopsakna ahileh amah kihta a, ama itna kip a lamente tung ahi hi.

Phatna-late 33:18

Ahi hangin TOPA mit in amah a kihtate, ama itna kip a lamente mitsuan a,

Phatna-late 33:21

Ama min siangtho muang i hi manin ama sungah i kipak hi.

Phatna-late 34:22

TOPA in ama nasemte tankhia a; amah a beelte khat beek a kimawhpaih kei ding hi.

Phatna-late 62:8

Mite aw, hunte khempeuh ah amah muang un; Eite belhna Pasian ahi manin na lungsimte uh ama tungah sung un.

Paikhiatna 20:5

Tuate mai-ah na kun kei ding uh a, zong na bia kei ding uh hi; ahang in, keimah TOPA, note Pasian, kei hong mudahte a pate uh mawhna, a khang thumna le a khang lina donga, a tate uh tunga a thuk a aam Pasian ka hi hi.

Isaiah 12:2

Pasian lah ka hotkhiatna hi taktak a; amah muangin ka kihta kei ding hi. TOPA, TOPA ka thahatna le ka la ahi hi; amah ka hotkhiatna suak ta hi," na ci ding uh hi.

Isaiah 37:36

Tua ciangin TOPA vansawltak paikhia a, Assyria-te giahphual ah mi tulza le tul sawmgiat le nga a that hi. A zingciang mite a thawh uh ciangin tua lai-ah misi-luang vive na om hi!

Isaiah 50:10

TOPA kihta-a a nasempa thumang no lakah kua ahi hiam? Khuamial sunga lam pai, khuavak nei lo mi in TOPA min muang henla, ama Pasian tungah kinga hen.

Daniel 2:47

Kumpipa in Daniel kiangah "Na Pasian, pasiante’ Pasian hitakpi-in kumpite’ Topa hi a, thuthuk a laakkhiapa ahi hi; ahang in, note in hih thuthuk nong laakkhia thei tazen uh hi," a ci hi.

Daniel 3:25

Amah in, "En dih un! Mei kuang sungah mi li a vak kawikawi ka mu hi, kihen loin zong liam lo uh hi; a linapa hoh pasiante tapa khat sun!" a ci hi.

Daniel 4:34

Tua hun a bei ciangin keimah Nebuchad­nezzar van lamah ka dakto a, ka khuatheihna ka ngah kik hi. Tua ciangin Sang penpa ka phat-a a tawntunga nungta pa pahtawi-in a min ka thangsak hi. Ama ukna gam kip tawntung hi; a kumpi-gam khang khat khit khang khat kizomsuak hi.

Daniel 6:16

Tua ciangin kumpipa in thu pia a, amaute in Daniel paipihin humpinelkai kua sungah a lawn uh hi. Kumpipa in Daniel kiangah, "A tawntunga ama na na sep na Pasian in nang hong hukhia ta hen!" a ci hi.

Daniel 6:26

"Thukip khat kong piak inah: Ka kumpi-gam mun tuamtuama mite khempeuh in Daniel Pasian kihta in a zahtak pelmawh ding uh hi. "Ahang in, amah a nungta Pasian hi a, a om tawntung ahi hi; a kumpi-gam kisusia ngeilo dinga, ama ukna a bei ngei kei ding hi.

Matthew 4:10

Jesu in, "Satan, paikhiamang in! ‘Na Topa Pasian bia inla, ama na bek sem in,’ f ci-in kigelh hi," a cih san hi.

Nasepte 4:19

Ahi hangin Peter le John in "No le no kingaihsun dih un, Pasian mitmuhna ah Pasian thu sangin no thu kong man ding uh, koi maanzaw ding ahi hiam?

Nasepte 5:19

Ahi hangin Topa vansawltak khat in zan laitakin thong kongkhakte hongin a paikhiatpih hi.

Rome-te 12:1

Tua ahi manin sanggamte aw, a siangtho le Pasian lungkimna ahi a nungta biakpiakna ahi dingin na pumpi uh na piak nadingun Pasian lainatna hangin kong kun hi. Tuamah lah na khalam d biakna uh ahi hi.

1 Corinth-te 13:3

Ka neihsa khempeuh mizawngte pia-in ka pumpi mei-a hal d dingin ka pumpiak hangin itna ka neih kei leh bangmah ka lawhtak kei hi.

Philippi-te 1:20

Ka pumpi ah nuntakna ahikeh sihna in ahi densa bangin tu-in Christ a kipahtawi theih nadingin a kicing hanna ka nei ding cih maizum loin lawptakin kihehnemna le lametna ka nei hi.

Hebrews 1:14

Vansawltakte khempeuh, hotkhiatna luah dingte nasem dinga, kisawl khate hi lo ahi hiam?

Hebrews 11:37

Amaute suang e in kideng, amaute singat tawh tumnih kisuah; amaute namsau tawh kithat hi. Amaute in tuu vun, keel vunte silhin vakvai uh a, gentheih bawlna, bawlsiatna le khel bawlna kithuaksak hi.

1 Peter 1:21

Ama tungtawnin misi panin amah thosaka, a minthangsak pa Pasian na um uh a, tua na up uh le na lamet uh Pasian ahi hi.

Kilaakna 12:11

Amaute in, Tuuno sisan hang le amaute teci panna thu hangin amah a zo uh hi; amaute in sihna thuak ngam zahin a nuntakna uh a it kei uh hi.