Daniel 3:17 - Zokam International Version

¹⁷ Pummei kuanglai sungah hong kikhul leh tua panin a na ka sep uh Pasian in kote hong honkhia zo dinga nang khut panin hong hukhia ding hi, kumpipa aw.

LAISIENGTHOU CL Bible (BSI)

¹⁷ Tuabang ding ahitahleh zong, ana ka sep uh Pasian in, haltuina meiphuolpi apat ahing hundoh thei a, tualeh Aman na khut apat ahing hundoh ding hi, Aw leengpa.

Zo Bible

¹⁷ Kumpipa aw, a na ka sep uh kote’ Pasien in meilipi pan le na khut sung panin ei hutkhiet zo leh kote ei hunkhie taheh.

Daniel 3:17 ပူးပေါင်းရင်းမြစ်များ

Piancilna 17:1

Abram kum sawm kua-le-kua a phak ciangin ama kiangah TOPA kilanga, "Keimah, a Thahat pen e Pasian ka hi hi; ka mai-ah pai inla kawkbaang kei in.

Piancilna 18:14

TOPA adingin na khatpeuh haksa lua ahi hiam, mai kum ciang a kisehsa hunin kong pai kik dinga Sarah in tapa khat nei ding hi," ci hi.

Job 34:29

Ahi hangin amah in bangmah hih ta kei leh kua in amah mawhpaih thei ding hiam? A maitang sel leh amah kua in mu thei ding ahi hiam?

Job 5:19

Tuahsiatna lianpi guk panin nang hong hu dinga; a sagihna ah lauhuaina na tuak kei ding hi.

Phatna-late 115:3

Eite Pasian vantungah om a; ama lungkim bangbang a sem hi.

Phatna-late 37:39

A thumaante’ hotkhiatna TOPA kiang pan hong pai-a, amaute lungkham hunin amah a kulhpi uh ahi hi.

Phatna-late 37:40

TOPA in amaute huhin hukhia a; amaute in amah bel uh ahi manin migilote panin amaute hu-in a honkhia hi.

Phatna-late 73:20

Mi khat khanglo a, mangmat bang hi, TOPA aw, na thawh ciangin sunmangte bangin amaute na thupisim kei ding hi.

Isaiah 12:2

Pasian lah ka hotkhiatna hi taktak a; amah muangin ka kihta kei ding hi. TOPA, TOPA ka thahatna le ka la ahi hi; amah ka hotkhiatna suak ta hi," na ci ding uh hi.

Isaiah 54:14

Thumaanna-in nang hong kikipsak dinga, ukcipna tawh na kigamla ding hi; bangmah na kihta kei ding hi. Gamlapi ah launa kikhinkhia dinga, nang kiang hong tung kei ding hi.

Jeremiah 1:8

Amaute kihta kei in, nang kong ompih dinga kong hu ding hi," TOPA in cikhia hi.

Jeremiah 15:20

Keimah in hih mite adingin kulh, khuapi umna sumngo kulh kong suaksak ding hi; nang hong hu-in hong suaktasak dingin hong ompih ka hi manin amaute in nang hong do uh hangin hong zozo lo ding uh hi," TOPA in cikhia hi.

Jeremiah 15:21

"Keimah in migilote khut panin kong honkhia dinga mi kheltatte khut panin kong tankhia ding hi," hong ci hi.

Daniel 3:26

Tua ciangin Nebuchadnezzar in pummei kuanna vang lam manawh in, "Shadrach, Meshach le Abednego no Sangpen Pasian nasemte aw, hong paikhia un! Hih lai-ah hong pai un," ci-in a awng hi. Tua ciangin Shadrach, Meshach le Abednego-te meikuang lak panin paikhia uh a,

Daniel 4:35

Leitunga mite khempeuh bangmah in kisim lo hi. Amah in vantung vangliatna le leitunga mihingte tawh a lungkimna bangin a sem hi. Kuamah in ama cih nial thei lo a, "Nang bang hih na hi hiam?" a ci thei kei hi.

Daniel 6:16

Tua ciangin kumpipa in thu pia a, amaute in Daniel paipihin humpinelkai kua sungah a lawn uh hi. Kumpipa in Daniel kiangah, "A tawntunga ama na na sep na Pasian in nang hong hukhia ta hen!" a ci hi.

Daniel 6:23

Kumpipa lungdam lua a, humpinelkai kua sung pan Daniel a kaihkhiat nadingun thu a pia hi. Humpinelkai kua sung pan Daniel a kikaihkhiat ciangin a Pasian a muan manin a ci tungah liamma khat beek a kimu kei hi.

Daniel 6:27

Amah in hu-in honkhia hi; vante le leitungah lim le a lamdangte a bawl hi. Amah in humpinelkaite vangliat na panin Daniel a hukhia hi," ci-in a gelh hi.

Micah 7:7

Ahi zongin ke’n ka hileh lametna tawh TOPA ka en gige a, ka honpa Pasian ka ngak hi; ka Pasian in ka thu hong ngai ding hi.

Luke 1:37

Ahang in, Pasian in hih theih loh a nei kei hi," ci-in a dawng hi.

Nasepte 20:24

Ahi zongin tai kidemna man thei in Topa Jesu in ka sep dinga hong piaksa Pasian hehpihna lungdamna-thu teci ka pan ding mansiang khin peuh leng kei adingin ka nuntakna bangmah man loin ka ngaihsun hi.

Nasepte 21:13

Tua ciangin Paul in, "Bang hangin note kapa, ka lungtang tamkhamsak na hi uh hiam? Hong kihen bek tham loin Topa Jesu min hangin Jerusalem a sih ding nangawn a kigingkholsa ka hi hi," hong ci hi.

Rome-te 8:31

Tua ahileh hih thu dawn nadingin bang i gen ding hiam? Pasian eite lamah a pan leh ei langah kua pang zo ding ahi hiam?

2 Corinth-te 1:10

Amah in kote tua banga lauhuai sihtheihna panin hong hukhia khin a, hong hukhia lai ding hi. Na thungetna uh tawh nong huhna uh hangin amah in hong hukhia lai ding ci-in amah ka lamen uh hi.

Hebrews 7:25

Tua ahi manin ama tungtawnin Pasian kianga a paite khempeuh kicingtakin b honkhia thei hi; bang hang hiam cih leh amaute tanga a thumsak dingin a nungta tawntung hi.

1 Samuel 17:37

Humpi khecin pan le vompi khecin pana hong hukhia TOPA in hih Philistia-pa khut panin kei hong hu ding hi," a ci hi. Saul in David kiangah, "Va kuan in, TOPA in nang hong ompih ta hen," a ci hi.

1 Samuel 17:46

Tuni-in TOPA in kei khutah nang hong pia dinga, nang hong sattukin na lu ka tan ding hi. Tuni-in Philistia galkapte luangte huihlak vasate le leitung gamsate ka pia dinga, leitung buppi in Israel sungah Pasian khat a om lam a thei ding uh hi.