Daniel 2:45 - Zokam International Version

⁴⁵ Hih in mihing khuta kisukha lo mualtung pana tuksuk suangtumpi khiatna hi a - tua suangtum pen sik, sumngo, tungman, ngun le kham a khazan pen ahi hi. "Mai lama thupiang ding a lian Pasian in kumpipa tungah hong lak khin zo hi. Tua mang thumaan hi-a, a khiatna zong muantak hi," a ci hi.

LAISIENGTHOU CL Bible (BSI)

⁴⁵ Muol a kipat, mihing khut a laidoh hilou, suongtum na mu khu akhiehna tami ahi. Tua suongtumin, siate, sum-eng te, tungmante, dangkate leh sanate, agawtguoi mabangin, Pasian thupitah in tunua chienga bang hing um ding ahiei chi leengpa kung ah, a theisah ta ahi. Tualeh mang khu akichien a ahilchienna zong adih ahi” achi hi.

Zo Bible

⁴⁵ muol tung panin mihing khuta kisui lo suongtum khat ang lengkhie-in sia, sumngo, tungman, ngun, le khamte a satguoina na mu bang lienin a lien Pasien in mailam thu pieng dingte kumpipa kunga ang theisah ahi hi. Na mang pen mangpi ahi a, a khietna zong muontah ahi hi,” a ci hi.

Daniel 2:45 ပူးပေါင်းရင်းမြစ်များ

Piancilna 41:26

Bawngpi hoih sagihte kum sagih hi a, buhvui hoih sagihte kum sagih ahi hi; tua pen mang kibang hi a, khat ahi hi.

Piancilna 41:28

"Pharaoh tunga ka gensa bang tektek ahi hi: Pasian in a hih dingte Pharaoh tungah hong lak zo hi.

Piancilna 41:32

Pharaoh tunga nam nih a hong kipia mangmatna Pasian in kiptaka a khentatsa thu hi a, Pasian in a tangtungsak pah ding hi.

2 Samuel 7:22

"O Thuneipen TOPA, lian si cia maw? Nang tawh kibang khat beek om lo-a, ka bil-ua ka zaksa bangun nang longal Pasian dang a om kei hi.

1 Khangthute 16:25

Ahang in, TOPA liana, a phattak pen ahi hi; pasiante khempeuh khengin kihtak ding ahi hi.

Nehemiah 4:14

Nate ka et dimdem khit ciangin ding in zaliante, uliante le mite khempeuh tungah, "Amaute kihta kei un. A lian mahmah a kihtakhuai Topa phawk unla na sanggampate, na tapate, na tanute na zite le na inn uh adingin do un," ka ci hi.

Nehemiah 9:32

"Tua ahi ciangin kote Pasian, a lian mahmah a thahat a kihtakhuai, itna thukhun a palsat lo Pasian aw, Assyria kumpipa huna kipan tuni dong kote tung, ka kumpite uh le ka makaite uh tung, ka siampite uh le kamsangte tung, ka pate uh le na mite khempeuh tunga hong tung hih haksatnate hong neu muhsak kei in.

Job 36:26

Eite theihtel zawh loh - Pasian lian na lawmlawm e! Ama kumte zonkhiat zawh hi lo hi.

Phatna-late 135:5

TOPA a liat lam ka thei-a, pasiante khempeuh sangin i Topa lianzaw hi.

Phatna-late 145:3

TOPA lian hi, a phattak pen ahi hi; ama liatna kuamah in teh thei lo hi.

Phatna-late 2:9

Amaute sik ciangkhutin f na uk dinga, belseek bangin amaute na dengzan ding hi," hong ci hi.

Phatna-late 48:1

TOPA lian hi, eite’ Pasian khuapi sunga ama mual siangtho ah a phattakpen ahi hi.

Phatna-late 96:4

Ahang in TOPA lian a, a phattak pen ahi hi; pasiante khempeuh khengin kihtak ding ahi hi.

Isaiah 28:16

Tua ciangin Thupipen TOPA gen hih ahi hi: "En un, a kizia-etsa, inn bulpi dinga a muanhuai, suang manpha suangtum khat Zion ah ka nga khin hi; a muang mi peuhmah a zahlaak ngei kei ding hi.

Daniel 2:24

Tua ciangin kumpipa in Babylon mipilte that dinga a sehpa Arioch kiangah, Daniel pai a, "Babylon mipilte that kei in. Kumpipa kiangah kei hong paipih in, a mang ka khiatsak ding hi," a ci hi.

Daniel 2:28

ahi hanign thuthukte a laakkhia vantungah Pasian khat a om hi. Amah in Kumpi Nebuchadnezzar tungah mailam huna thu piang ding hong lak khin hi. Na mang le lupna tungah na lup laitaka na lungsim sunga na mangmuhte hihte ahi hi:

Daniel 2:29

"Kumpipa aw, tua muna na lup laitakin mailam a piang ding thu na ngaihsun hi; thuthukte a lakkhiapa in a piang ding thu hong lak hi.

Daniel 2:44

"Tua kumpite hun sungin vantunga Pasian in a kisusia zo lo ding, midangte zong a kiluahsak lo ding kumpi-gam khat a phut ding hi. Tua in tua huna kumpi-gamte khempeuh suzan dinga bei mangsak ding hi; ahi hanign tua gam a kip tawntung ding hi.

Daniel 8:25

Amah in zuauthu khangsak dinga amah le amah a kiliansak ding hi. Amaute a lung muan uh ciangin amah in tampi that dinga uliante Ukpa langah pang ding hi. Amah a tua cih hangin mihing thahatna kizang loin a kisusia ding hi.

Haggai 2:22

Keimah in kumpi tokhomte lumletin, gamdang kumpi-gamte’ vangliatna ka beisak ding hi. Sakollengte le a hawlte ka lawnthal ding hi; sakolte le a tunga tuangte ama sanggampa namsau mahin a tuk ding uh hi.

Zechariah 12:3

Leitunga minam khempeuh amah do dinga a kikhop hun tua ni ciangin minam khempeuh adingin Jerusalem a kiliikkhia zo lo suangpi ka suaksak ding hi. Liikkhiat a sawm khempeuh amau le amau a kiliamsuah ding uh hi.

Malachi 1:11

Minamte lakah nisuahna-a kipan nitumna dong ka min a lian ding hi. Mun khempeuh ah ka min, gimnamtui le biakna siangtho a kipuak ding hi, bang hang hiam cih leh minamte lakah ka min a lian ding hi," Thahatpen TOPA in a ci hi.

Matthew 21:24

Jesu in, "Kei zong khat kong dong ding hi. Nong dawn uh leh bang thuneihna tawh hihte hih ka hi hiam, cih kong gen ding hi.

Matthew 24:35

Van le lei a mangthang ding hi; ahi hangin ka thute a mangthang ngei kei ding hi.

Luke 17:20

Khat vei Pharisee-te in Pasian gam hong tun ding hun a dot uh ciangin Jesu in, "Pasian-gam mit-a kimu thei-in hong tung lo ding hi.

Thupiakkikna 10:17

Ahang in, TOPA note Pasian ahileh pasiante’ Pasian, topate’ Topa, thahatin a kihtakhuai, kuamah deidan a nei lo, golhsum a sang lo a lian mahmah Pasian ahi hi.

Kilaakna 1:19

"Tua ahi manin na muhsate, tu laitak a om le tu nung cianga hong om dingte gelh in.

Kilaakna 19:17

Tua ciangin ni sunga ding van sawltak khat ka mu hi. Vankimlai-a leng vasa khempeuh kiangah amah ngaihtakin kiko a "Hong pai un, Pasian nitak-an thupi ne dingin hong kikhawm un.

Kilaakna 4:1

Hih teng khit ciangin ka et leh vantung ah kong kihongsa khat ka mai-ah ka mu hi. Ka aw zak masak pen in pengkul bangin kei tungah, "Hih lai-ah hong paito in, hih khit cianga a tung pelmawh ding kong lak ding hi," hong ci hi.