Daniel 2:44 - Zokam International Version

⁴⁴ "Tua kumpite hun sungin vantunga Pasian in a kisusia zo lo ding, midangte zong a kiluahsak lo ding kumpi-gam khat a phut ding hi. Tua in tua huna kumpi-gamte khempeuh suzan dinga bei mangsak ding hi; ahi hanign tua gam a kip tawntung ding hi.

LAISIENGTHOU CL Bible (BSI)

⁴⁴ Tam leengte vaihawm hun sungin, van Pasian in bangchihtan a susiet ngailou ding leenggam khat aphutdoh dinga, tua leenggam khu midangte kung a nuasie ahisih ding. Tam leenggam in leenggam dangte zousie a gawtguoi sieng dinga, asubei sieng ding a, ama pen kumtawn in ading den ding hi.

Zo Bible

⁴⁴ Tua kumpite khan sungin vantung Pasien in a kisusie ngai nawn lo ding kumpi gam khat phut ding a, tam kumpi gam pen midang khat’ khut sungah kinuasie lo ding hi. Tua in tami kumpi gam teng zosie satguoi-in maimangsah ding a, tua gam a kip tawntung ding hi;

Daniel 2:44 ပူးပေါင်းရင်းမြစ်များ

Piancilna 49:10

Judah panin ukna sikciang- khut kikhenkhia lo dinga, a khepekte kikal pan ukna ciangkhut zong a neipa b kiang a tun mateng le minamte in ama thu a man mateng amah tawh a kikhenkhia kei ding hi.

2 Samuel 7:13

Amah in ka Minin inn khat lam dinga ama kumpi-gam tokhom ka kipsak tawntung ding hi.

2 Samuel 7:16

Ka b mai-ah na innkuan le na kumpi-gam a kip tawntung ding hi; na kumpi tokhom a kip den ding hi,’ ci-in gen in," a ci hi.

Phatna-late 145:13

Na kumpi-gam pen tawntung kumpi-gam hi-a, na kumpi ukna zong khang tawntungin a kip hi. A thuciam khempeuh ah TOPA muanhuai-a, a bawlsate khempeuh a it hi, e

Isaiah 60:12

Ahang in, nang na a sem lo minam ahikeh kumpi-gam peuhmah mangthang dinga; a kisiamang ding hi.

Ezekiel 37:25

Ka nasempa Jacob ka piaksa na pate uh tenna gamah amaute a teng ding uh hi. Amaute le a tate uh le a tute uh tua lai-ah teng tawntung ding uh a, ka nasempa David a ukpa uh hi tawntung ding hi.

Daniel 2:28

ahi hanign thuthukte a laakkhia vantungah Pasian khat a om hi. Amah in Kumpi Nebuchadnezzar tungah mailam huna thu piang ding hong lak khin hi. Na mang le lupna tungah na lup laitaka na lungsim sunga na mangmuhte hihte ahi hi:

Daniel 2:34

Na vil gige laitakin mihing khuta kikhuk lo suangtum khat hong tuksuk hi. Tua in sik le buan kihel milim khepek a khazan hi.

Daniel 2:35

Tua ciangin tua sik, tua buan, tua sumngo, tua ngun le tua kham-te thakhatin kitamzan a, khuakhal lai-a ancilna-a ansi leng tawh kibang hi. Huih in mutmang a, amel-amang kimu nawn lo hi. Ahi hangin tua milim a dengkham suangtum mual lian mahmah khat suaka leitung buppi a dim hi.

Daniel 2:37

Kumpipa aw, nang kumpite kumpipa na hi hi. Vantunga Pasian in nang tungah kumpi-gam, vangliatna, thahatna le minthanna hong pia khin hi;

Daniel 2:43

Sik le tungman kihel khawm na muh bang tektekin mite kihelzau dinga kipawl thei loin sik le tungman mah a bang ding uh hi.

Daniel 4:3

Hong lah ama limte lian lua a, ama nalamdangte thahat na lawmlawm e! Ama kumpi-gam a kip tawntung kumpi-gam hi a; ama ukna khang khat khit khang khat kizomsuak hi.

Daniel 4:34

Tua hun a bei ciangin keimah Nebuchad­nezzar van lamah ka dakto a, ka khuatheihna ka ngah kik hi. Tua ciangin Sang penpa ka phat-a a tawntunga nungta pa pahtawi-in a min ka thangsak hi. Ama ukna gam kip tawntung hi; a kumpi-gam khang khat khit khang khat kizomsuak hi.

Daniel 6:26

"Thukip khat kong piak inah: Ka kumpi-gam mun tuamtuama mite khempeuh in Daniel Pasian kihta in a zahtak pelmawh ding uh hi. "Ahang in, amah a nungta Pasian hi a, a om tawntung ahi hi; a kumpi-gam kisusia ngeilo dinga, ama ukna a bei ngei kei ding hi.

Daniel 6:27

Amah in hu-in honkhia hi; vante le leitungah lim le a lamdangte a bawl hi. Amah in humpinelkaite vangliat na panin Daniel a hukhia hi," ci-in a gelh hi.

Daniel 7:27

Tua ciangin van kikupsin nuai-a kumpigam thupi-penna, vangliatna le liatnate Sang Penpa mi misiangte tungah ki-ap ding hi. Ama kumpi-gam in tawntung kumpi-gam hi dinga gam-ukte khempeuh in amah bia-in a thu a mang ding uh hi,’ ci hi.

Daniel 8:25

Amah in zuauthu khangsak dinga amah le amah a kiliansak ding hi. Amaute a lung muan uh ciangin amah in tampi that dinga uliante Ukpa langah pang ding hi. Amah a tua cih hangin mihing thahatna kizang loin a kisusia ding hi.

Micah 4:7

Khebaite a baanglai-in ka bawl dinga, gamlapi-a minam khauhin ka bawl ding hi. Tua ni-a kipan Zion mual tungah TOPA in a uk tawntung ding hi.

Haggai 2:22

Keimah in kumpi tokhomte lumletin, gamdang kumpi-gamte’ vangliatna ka beisak ding hi. Sakollengte le a hawlte ka lawnthal ding hi; sakolte le a tunga tuangte ama sanggampa namsau mahin a tuk ding uh hi.

Haggai 2:7

Minam khempeuh ka lok dinga minam khempeuh deihna hong tungin hih inn minthanna tawh a kidim ding hi,’ Thahatpen TOPA in ci hi.

Matthew 28:18

Tua ciangin amaute kiangah Jesu pai a, "Vantung le leitungah thuneihna khempeuh kei hong kipia khin hi.

John 12:34

Mihonpite in, "Thukham sungah, ‘Christ, a a om tawntung ding hi,’ cih ka za uh hi. Tua hi napi bang dinga, ‘Mihing Tapa kikhaito ding,’ ci thei na hi hiam? Hih Mihing Tapa kua ahi hiam?" a ci uh hi.

Hebrews 12:28

Tua ahi manin eite, a kiling thei lo gam a ngah i hi nungsangin lungdam ni. Tua ciangin zahtakna le launa tawh san theih dingin Pasian bia ni.

Kilaakna 11:15

Vansawltak a sagihna in a pengkul muta, vantung ah aw ngaih mahmah in: "Leitung gam teng i Topa gam le ama Christ gam suak zo a, amah in a tawntung in uk den ding hi,"a ci hi.

Kilaakna 2:27

"‘Amah in amaute tungah sikciang tawh uk dinga; leibeel bangin amaute a satzan ding hi’ a - tua in ka Pa tung pana thuneihna ka ngah bang tektek ahi hi.