Daniel 2:28 - Zokam International Version

²⁸ ahi hanign thuthukte a laakkhia vantungah Pasian khat a om hi. Amah in Kumpi Nebuchadnezzar tungah mailam huna thu piang ding hong lak khin hi. Na mang le lupna tungah na lup laitaka na lungsim sunga na mangmuhte hihte ahi hi:

LAISIENGTHOU CL Bible (BSI)

²⁸ Hinanleh thuguhte kilangsah leh leengpa Nebukadnezzar kunga, ni nukhia lam chienga, bang hing um ding ahiei chi theisah van ah Pasian khat a um hi. Na mang leh na lupna tunga na mengmute khu tamte ahi.

Zo Bible

²⁸ Hinanle a kisel thusimte a pholah thei vantungah Pasien khat om a, ama in Nebuchadnezzar Kumpipa kungah mailam huna a pieng ding thute a pholah zo hi. Na mang le lupna tunga na lup laitaha na lungsim sungah na mangmute tam teng ahi hi:

Daniel 2:28 ပူးပေါင်းရင်းမြစ်များ

Piancilna 40:8

Amaute in, "Ka nih un mang ka man tuak uh a, ahi hangin a khia thei khat beek a om kei hi," ci-in a dawng uh hi. Tua ciangin Joseph in amaute kiangah, "Mang khiatna Pasian aa hi lo ahi hiam?" Na mang uh hong gen un," ci hi.

Piancilna 41:16

Joseph in, "Ken ka hih thei kei hi; ahi hangin Pasian in ama deih bangin Pharaoh hong dawng ding hi," ci-in dawng hi.

Piancilna 41:25

Tua ciangin Joseph in Pharaoh kiangah, "Pharaoh mangte khat hi-a, a kibang ahi hi. Pasian in a hih dingte Pharaoh tungah hong laakkhol ahi hi.

Piancilna 49:1

Tua khit ciangin Jacob in a tapate samsak a: "Mailam huna hong piang ding thute kong gen theih nadingin hong ki-um dih un.

Phatna-late 115:3

Eite Pasian vantungah om a; ama lungkim bangbang a sem hi.

Isaiah 2:2

Ni nunungte ah TOPA’ biakinnpi mual, mualliante laka a lian pen bangin kikipsak dinga; mual neute tungah kisangsakin minamte khempeuh in a zuan zuahzuah ding uh hi.

Jeremiah 10:7

Minamte’ Kumpipa aw, kua in hong kihta lo ding ahi hiam? Nang lah kihtak ding mah na hi hi. Minamte’ mipilte khempeuh lak le amau kumpi-gam khempeuh sungah nang tawh a kibang khat beek a om kei hi.

Jeremiah 30:24

TOPA in a lungsima a tupna a kim dipdep matengin a hehluatna a kileh kik kei ding hi. Hong tung lai ding hunte ah hih thu na theitel ding uh hi.

Jeremiah 48:47

"Tua hi napi hong tung ding mailam hunah Moab angei kong bangsak ding hi," TOPA in cikhia hi. Moab tunga thukhenna hih ciangah beita hi.

Ezekiel 28:3

Nang Daniel a sangin pilzaw na hi hiam? Na theih loh om lo ahi hiam?

Ezekiel 38:16

Meii in leitung a tuam bangin ka mi Israel-te sim dingin na kuan ding uh hi. Gog aw, hong tung ding nite ah ka sianthona hong kitheih nadingin minamte mitmuhin nang tungtawna ka kilah theih nadingin ka gam sim dingin kong puak ding hi.

Ezekiel 38:8

Ni tampi khit ciangin galhiam hong kitawisak ding hi. Sawtpi hun lai-a gamkhing a suaksa Israel mualliante tunga om minamte pana kikaikhawm gal sunga a suaktate’ gam khat mailam hun ciangin kong simsak ding hi. Amaute pen minamte lak pana kikaikhia hi uh a, tu-in a vekun lungmuangtakin teng uh hi.

Daniel 1:20

Pilna nam tuamtuam le a thudotnate ah kumpipa in a kumpi gam sung khempeuh-a mitphial siamte le aisan siamte zah sawmin a siam zawk lam uh a mu hi.

Daniel 10:14

Tu-in na mangmuhna mailam hun tawh kisai ahi manin, mailam hun ciangin na mite tungah bang thu piang lai ding hiam cih a hilhcian dinga hong pai ka hi hi," hong ci hi.

Daniel 2:18

Amah in Babylon a mipil dangte tawh amah le a lawmte a kithahkhawm loh nadingin thuthuk tawh kisai-in van a Pasian tungah lainatna a nget dingun amaute a kun hi.

Daniel 2:22

Amah in thuthukpi-a a kisel nate laakkhia a; khuamial sunga kikoihte thei-in, amah tawh khuavak a teng hi.

Daniel 2:44

"Tua kumpite hun sungin vantunga Pasian in a kisusia zo lo ding, midangte zong a kiluahsak lo ding kumpi-gam khat a phut ding hi. Tua in tua huna kumpi-gamte khempeuh suzan dinga bei mangsak ding hi; ahi hanign tua gam a kip tawntung ding hi.

Daniel 2:45

Hih in mihing khuta kisukha lo mualtung pana tuksuk suangtumpi khiatna hi a - tua suangtum pen sik, sumngo, tungman, ngun le kham a khazan pen ahi hi. "Mai lama thupiang ding a lian Pasian in kumpipa tungah hong lak khin zo hi. Tua mang thumaan hi-a, a khiatna zong muantak hi," a ci hi.

Daniel 2:47

Kumpipa in Daniel kiangah "Na Pasian, pasiante’ Pasian hitakpi-in kumpite’ Topa hi a, thuthuk a laakkhiapa ahi hi; ahang in, note in hih thuthuk nong laakkhia thei tazen uh hi," a ci hi.

Daniel 4:5

Kei hong patausak mang khat ka man hi. Ka lupna tungah ka lup hithiat laitakin ka lungsim ah milimte le mangmuhnate hong suaka kei hong dipkuasak hi.

Hosea 3:5

Tua khit ciangin Israel-te kihei kik ding uh a, TOPA amaute Pasian le a kumpi uh David a zong ding uh hi. Nitawp ni ciangin amaute TOPA le a thuphate zuanin ling kawmin hong pai ding uh hi.

Amos 4:13

Mualte bawlin huihte piangsaka ama ngaihsutna mite tungah a pulakpa, nisuak tung khuamial suaksaka leitungah a niam a sang a bawlpa - ama min TOPA Thahatpen Pasian, ahi hi.

Misimna 24:14

Tu-in ka mite kiangah ka ciah ding hi, ahi hangin hong pai dih in, mailam hunah hih mite in na mite bang cih ding hiam kong hilhkhol ding hi," ci-in a dawng hi.

Matthew 6:9

Note in hih bangin thu na ngen un: "‘Vantunga om kote Pa aw, nangma min kisiangthosak ta hen;

Thupiakkikna 31:19

"Tu-in nang mahmah in hih la gelh inla Israel-te hilh in; amau langah ka teci ahi thei dingin amaute sasak in.

Thupiakkikna 4:30

Note tungah hih na khempeuh hong tungin na lungdon khit uh a ni nunung ciangin TOPA note Pasian kiangah na kileh kik ding uh a, ama thu na mang ding uh hi.

2 Timothy 3:1

Ahi hangin hih thu ciamteh in: ni nunungte ah a lauhuai hunte hong piang ding hi.

Hebrews 1:1

A beisa hunin Pasian in kamsangte tungtawnin i pu i pa-te tungah lam tuamtuamin thu na gen a,

2 Peter 3:3

A masa penin ni nunungte ah mi zahpihhatte hong pai dinga, mite zahpih in amau gilo lunggulhnate zui ding uh hi, cih na theitel pelmawh un.

Kilaakna 1:1

Pasian in a sawt lo-a tung pah dingte a nasemte tungah lak dingin amah a piak Jesu Christ kilaakna ahi hi. Amah in ama vansawltakte sawlin ama nasem John tungah theisak a,