Daniel 2:23 - Zokam International Version

²³ Ka pate Pasian aw, ka lungdamin nang kong phat hi. Pilna le vangliatna nong pia khin a, nang kong dot uh kei tungah nong theisak zo hi. Kumpipa mang kote nong theisak khin hi," a ci hi.

LAISIENGTHOU CL Bible (BSI)

²³ Aw ka pu ka pate uh Pasian, Na tungah ka kipah a, Nang kang phat hi. Pilna leh vangletna nang pie a, Na kunga ka hing ngette uh, tuin na hing theisah a, leengpa thu ka kung uah na hing theisah ta hi,” achi hi.

Zo Bible

²³ Ka pu ka pate’ Pasien aw, nang tungah ka lungdam a, nang kang phat hi. Pilna le vanglietna nei pieh ziehin nang kunga kang nget uh pen kei tungah nei pholah zo hi. Azieh pen kumpipa thupieh kote tungah nei theisah zo hi,” a ci hi.

Daniel 2:23 ပူးပေါင်းရင်းမြစ်များ

Piancilna 18:17

Tua ciangin TOPA in, "Ka hih dek thu Abraham tungah im ding ka hi hiam?

Piancilna 31:42

Ka pa’ Pasian, Abraham’ Pasian, Isaac Kihtakpa kei tawh om lo hileh kei khut guaka hong ciahsak ding na hi hi. Ahi hangin Pasian in ka haksatna le haksapi a na ka sepnate mu-in zan zanin nang hong tai ahi hi," ci hi.

1 Kumpite 18:36

Biak piak hun ciangin kamsang Elijah mailam ah paikhia in thu ngen a: "TOPA, Abraham, Isaac le Israel Pasian aw, Israel sungah nang Pasian na hina le kei nangma nasem hi-in nangma sawlna tawh hihte sem ka hilam tuni-in kitheisak in.

1 Kumpite 8:57

TOPA eite Pasian in i pate a ompih bangin eite hong ompih ta hen; eite hong nusia-in hong taisan kei hen.

1 Khangthute 29:10

A kikhawm mipi bup omin David in TOPA phat a, "Kote pa Israel Pasian TOPA aw, tawntung pan a tawntung dongin nang hong kiphat hen.

1 Khangthute 29:13

Kote Pasian aw, tu-in nang tungah lungdam kong ko uh a, a minthang na min ka phat uh hi.

2 Khangthute 20:6

"TOPA ka pate uh Pasian aw, vantung a om Pasian nang hi lo na hi hiam? Minamte kumpi-gam khempeuh nangma uk ahi hi. Thahatna le vangliatna nangma khutah oma, kuamah in nang hong nang zo kei hi.

Phatna-late 21:2

Ama lungsim deihna amah na pia a’ a mukte hong ngetna na deek kei hi.

Phatna-late 21:4

Amah in nuntakna hong ngena ama nite a tawntungin na sawtsak den hi.

Phatna-late 25:14

TOPA in amah a kihtate muang a; a thukhun amaute a theisak hi.

Phatna-late 50:14

Pasian tungah lungdam koh biakpiakna pia un, Sangpen Pa tungah na thuciamte uh tangtun unla,

Paikhiatna 3:15

Pasian in Moses kiangah, "Israel-te tungah, ‘TOPA c na pate uh Pasian- Abraham’ Pasian, Isaac le Jacob’ Pasian in note kiangah kei hong sawl zo hi,’ ci in. Hih in khang khat pan khang khat dongin a kiphawk gige ka min ahi tawntung hi.

Paunakte 21:22

Mipil in mi thahatte khuapi sim-a, amau muan, kulh muanhuai a kaipuk hi.

Paunakte 24:5

Mipil in vanglianpi nei a, theihna nei mi in thahatna a khangsak hi;

Paunakte 8:14

Thu kikuppih le amaana thukhenna kei aa hi-a; theihtelna le vangliatna kei aa ahi hi.

Thuhilhna 7:19

Pilna in, khuapi khat sunga gam-uk sawm sangin mipil khat vangliansak zaw hi.

Thuhilhna 9:16

Tua ahi ciangin, "Hatna sangin pilna hoihzaw hi," ka ci hi. Ahi hangin mizawngpa pilna kisimmawh a, ama kampaute a kithu simsak nawn kei hi.

Thuhilhna 9:18

Galhiamte sangin pilna hoihzaw a, ahi hangin mawhneipa in na hoih tampitak a susia hi.

Isaiah 12:1

Tua ni ciangin, "TOPA aw, nang kong pahtawi ding hi. Kei tungah na heh ngei zongin na hehna dam ta a, kei nong hehnem zo hi.

Jeremiah 33:3

‘Kei hong sam un, kong dawng dinga na theih loh uh a kimukhia thei lo na lianpite kong gen ding hi,’ ci hi.

Daniel 1:17

Hih khangno lite tungah Pasian in theihna le lai nam khempeuh theihtelna le laisiamna a guan hi. Tua banah Daniel in mangmuhna le mangnamte khempeuh a theitel thei hi.

Daniel 2:18

Amah in Babylon a mipil dangte tawh amah le a lawmte a kithahkhawm loh nadingin thuthuk tawh kisai-in van a Pasian tungah lainatna a nget dingun amaute a kun hi.

Amos 3:7

Hi takpi hi, Thupipen TOPA in ama geelna, a nasem kamsangte tungah a laak lohin bangmah a sem kei hi.

Matthew 11:25

Tua hun laitakin Jesu in, "Leitung le vantung Topa, Pa aw, mipilte le misiamte tungah hih thute na im a, naupangnote tungah lakkhia na hi manin nang kong phat hi.

Luke 10:21

Tua hun laitakin Khasiangtho tungtawnin Jesu lungnuam mahmah a, "Vantung le leitung’ Topa, ka Pa aw, hih thute mipilte le theihna sangte tungah na im-a, naupangte tungah pholak na hi manin nangmah kong phat hi. Hi mah hi, Pa aw, hih in nangma deihna ahi hi.

John 11:41

Tua ciangin suang a likkhia uh hi. Tua khit ciangin Jesu dakto a, "Pa aw, kong ngetna hong zazo na hi manin ka lung dam hi.

John 15:15

Silate in a pu nasep thei lo uh ahi manin note silate kong ci nawn kei hi, tua sangsikin ka Pa tung pana ka theih khempeuh note hong theisak khin ka hi manin lawmte kong ci ta hi.

Kilaakna 1:1

Pasian in a sawt lo-a tung pah dingte a nasemte tungah lak dingin amah a piak Jesu Christ kilaakna ahi hi. Amah in ama vansawltakte sawlin ama nasem John tungah theisak a,

Kilaakna 5:5

Tua ciangin tua upate khat in kei kiangah, "Kap kei in! En in, Judah beh a Humpinelkai, David Zungpi gualzo ta hi. Amah in tua laizial le a ciamtehna sagihte a hong thei hi," hong ci hi.