Daniel 12:6 - Zokam International Version

⁶ Amaute khat in saihadial puan silh gun tui tunga mipa kiangah, "Hih a tuampian nate a tangtun ma bangtan sawt lai ding hiam?" a ci hi.

LAISIENGTHOU CL Bible (BSI)

⁶ Tualeh khat in, puonmalngat sil a lui tuite tunga umpa kungah, Tam sil lamdangte tawpna ding bangtan a sawt ding ahiei?” achi hi.

Zo Bible

⁶ Amate lahah saihadiel puon a sil luinah lama a ding mipa in, “Tam sil lamdangte a tawp nading bang tanvei sawt ding ahei?” ci-in dong hi.

Daniel 12:6 ပူးပေါင်းရင်းမြစ်များ

Phatna-late 74:9

Kote, lim lamdangte lah hong kipia loin kamsangte lah om nawn lo a, hih hun bangtan sawt ding cih a thei ka om kei uh hi.

Ezekiel 9:2

Tua ciangin leilu lam a nga kongpi tungnung lam panin mi guk pai uh a, a khut-uah sih theihna hiam khat ciat a tawi uh hi. Amaute tawh saihadial puan silh a, a pangah lai gelhna bawm a nei mi khat a om hi. Hong tum uh a, sumngo biakna-tau gei-ah a ding uh hi.

Daniel 12:5

Tua ciangin keimah Daniel in ka et leh ka mai-ah midang nih kei lam galah khat a galkhat lamah khat a na ding hi.

Daniel 12:8

Ka zak hangin ka telcian kei hi. Tua ciangin, "Ka topa aw, hihte khempeuh hong bangci piankhiat ding hiam?" ci-in ka dong hi.

Daniel 8:13

Tua ciangin a siangthopa khat kiko ka za a, a siangthopa khat mah in kei kiangah, "Hih mangmuhna - nisim biak piakna, a hawmmangsak lehdona, munsiangtho le mihonte a kituatcilna mangmuhnate a tangtun ding hun bang tanvei sawt lai ding hiam?" hong ci hi.

Daniel 8:16

Tua ciangin Ulai panin mihing aw khat ka za a, "Gabriel aw, hih mipa tungah mangmuhna a khiatna gen in," a ci hi.

Matthew 24:3

Olive Vum tungah Jesu a tut laitakin a nungzuite ama kiangah a paisim uh hi. Amaute in "Hih thu cik cianga piang dinga, nong pai kik nading le khanghun bei nading lim bang hi ding hiam, hong hilh in," a ci uh hi.

Mark 13:4

"Hihte cik cianga piang ding ahi hiam? Tua teng a tangtun kim nading bang lim hong hi ding hiam hong hilh in," ci-in a dong sim uh hi.

Ephesa-te 3:10

Ama ngimna in Pasian pilna thuap tampite pawlpi tungtawnin vanlam gam sunga thuneihna neite le ukna a neite tunga theihsak ding deihna hi a,

1 Peter 1:12

Vantung pana kisawl Khasiangtho tawh note tunga lungdamna-thu hong hilhte in, tu-a no tunga hong kigensate hong gen lai-un, amaute na a sem hi loin no na a sem uh ahilam amaute tungah a kilaak hi. Vansawltakte nangawn in tua nate a encian nuam uh hi.

Kilaakna 15:6

Vansawltak sagihte biakinnpi pua-ah gimna sagih tawh hong paikhia uh hi. Amaute in puansiang le a tang saihadial puan silh uh a, a awm uhah kham dialpek a baat uh hi.

Kilaakna 19:14

Vantung galkapte sakol kang tungah tuangin, asiang apak mahmah saihadial puan hoih silh uh a, amah a zui kawikawi uh hi.

Kilaakna 6:10

Amaute in, "A siangtho le a thumaan Thuneipipen Topa aw, leitunga tengte thu na khen ding le kote sisan phu na lak ma bang tan sawt lai ding hiam?" ci-in nakpi in a kiko uh hi.