Daniel 10:1 - Zokam International Version

¹ Persia kumpipa Cyrus kumpi a suah zawh kumthumna kumin (Belteshazzar zong a kici) Daniel tungah kilaakna khat a tung hi. Tua thu kipuak thumaan hi-a, gal k lianpi tawh kisai ahi hi. Tua thu teng a theihtel nadingin mangmuhna khat a tungah tung hi.

LAISIENGTHOU CL Bible (BSI)

¹ Persia leengpa Sairas vaihawm kum thumna ah amin Belteshazzar kichi Daniel kungah kilahna khat pieh in a um hi. Tua kilahna thupuoh adih a, hinanleh ahun kiguot asau a, tualeh aman tua thupuoh khu atheisiem a, tualeh mengmuna theisiemna anei hi.

Zo Bible

¹ Persia kumpipa Cyrus kumpi a suo zaw a kum thumna kumin Belshazzar kici Daniel kungah thu khat kihil hi. Tua thu thuman hi a, kidona lienpi khat tawh kisai ahi hi. Ama in tua thu thei a, mangmuna sunga a mu zong theitel hi.

Daniel 10:1 ပူးပေါင်းရင်းမြစ်များ

Piancilna 41:32

Pharaoh tunga nam nih a hong kipia mangmatna Pasian in kiptaka a khentatsa thu hi a, Pasian in a tangtungsak pah ding hi.

2 Khangthute 36:22

Persia kumpipa Cyrus kumpi a suah a kum masapenin, Jeremiah gen TOPA kammal a tangtun theih nadingin TOPA in Persia kumpipa Cyrus lungsim hei-a a kumpi-gam sung tengah tangkosakin lai-in zong koihsaka tua lai sungah:

Ezra 3:7

Tua ciangin amaute in suangseek-te le khut siamte sum pia uh a, Sidon le Tyre mite in Persia kumpipa Cyrus tungpan a thu ngahna bangun tuipi-in Lebanon pan Joppa ah tamtak singluang a puaksuk nadingun annek tuidawn le sathau a pia hi.

Ezra 4:3

Ahi hangin Zerubbabel, Jeshua le adang Israel innkuan lutangte khempeuh in, "Kote Pasian biakinnpi lamna ah nong kihel kei ding uh hi. Tua ah Persia kumpipa Cyrus hong thupiak bangin TOPA Israel-te Pasian ading ko guakin ka lam ding uh hi," ci-in a dawng uh hi.

Ezra 4:5

Amaute langah a ngimna uh a siasak dingin Perisa kumpipa Cyrus hun sung teng Persia kumpipa Darius hun dong amau ngimna a tangtun loh nadingin a genpih ding mi a cial uh hi.

Ezra 6:14

Tua bangin kamsangpa Haggai le Iddo suante Zechariah thuhilhna zui-in Jew upate in inn lam zom uh a, ama uh a telh mahmah uh hi. Amaute in Israel Pasian thupiakna le Persia kumpite - Cyrus, Darius le Artaxerxes thukipna bangin biakinnpi lam a mansiang uh hi.

Ezra 6:3

Kumpipa Cyrus a kum masapen kumin Jerusalem a Pasian biakinnpi tawh kisai thukip khensatna kumpipa in koih hi: Biakinnpi a munah kilam kikin innbul kinga henla biakna kipia hen. A sanna pi d sawmkua hi-in a zaina pi sawmkua mah hi dinga,

Isaiah 44:28

Cyrus tungah, ‘Amah ka tuucingpa hi a, ka lungkimna khempeuh kimsakin, Jerusalem tungah, "Kilam kik in," ci a, biakinnpi tungah, "Na bulpi kiphut ding hi," a cipa ka hi hi.

Daniel 1:17

Hih khangno lite tungah Pasian in theihna le lai nam khempeuh theihtelna le laisiamna a guan hi. Tua banah Daniel in mangmuhna le mangnamte khempeuh a theitel thei hi.

Daniel 1:21

Tua hi-a, Kumpipa Cyrus kumpi a suah zawh a kum masapen dong tua lai-ah Daniel a om hi.

Daniel 1:7

Zum ukpipa in amaute minthak phuah a: Daniel min Belteshazzar; Hananiah min Shadrach; Mishael min Mashach, le Azariah min Abednego a phuak hi.

Daniel 10:14

Tu-in na mangmuhna mailam hun tawh kisai ahi manin, mailam hun ciangin na mite tungah bang thu piang lai ding hiam cih a hilhcian dinga hong pai ka hi hi," hong ci hi.

Daniel 11:2

"Tua ciangin, tu-in thutak kong geninah: Persia ah kumpi dang thum hong khang dinga, tua khit ciang adang khempeuh sangin a hauzaw tham ding alina hong khang ding hi. Ama hauhna hangin a vangliat ciangin Greece kumpi-gam langpang dingin mi khempeuh a tokbuai ding hi.

Daniel 12:4

Ahi hangin nang Daniel aw, a beina hun mateng laizial-a thute khakcip inla a tungah ciamteh in. Pilna behlap dingin mi tampi a suktai a totai ding uh hi," hong ci hi.

Daniel 12:9

Amah in, "Daniel aw, pai ta in, bang hang hiam cih leh a beina hun mateng kikhakcipin kiciamteh hi.

Daniel 2:21

Amah in hun le khuahunte a khel hi; kumpite koiha zong a hemkhia hi. Amah in mipilte tungah pilna guana theihsiamna neite tungah theihna a guan hi.

Daniel 4:8

A nunung penin ka omna ah Daniel hong pai-a ka mang ka gen hi. (Amah pen ka pasian min tamin, a siangtho pasiante’ kha ama sungah om cihna-in Belteshazzar kici ahi hi.)

Daniel 5:12

Tua Daniel, kumpipa in Belteshazzar a cih pa, a lungsim navakin theihna le theihtelna nei a, mang zong khia thei in, dotna haksa pipi dawng thei a, thu haksa pipi vengsak thei hi. Daniel samsak lecin lai kigelh a khiatna hong gen thei ding hi," a ci hi.

Daniel 5:17

Tua ciangin Daniel in kumpipa kiangah, "Na letsongte nang kem inla, na pahtakmante midang khatpeuh pia in. Tua hi taleh kumpipa adingin lai kigelhte kong simsak dinga a khiatna zong kong gen ding hi.

Daniel 6:28

Tua ciangin Darius le Persia mi Cyrus a in kumpi a sep hun sungin Daniel a lamzang mahmah hi.

Daniel 8:16

Tua ciangin Ulai panin mihing aw khat ka za a, "Gabriel aw, hih mipa tungah mangmuhna a khiatna gen in," a ci hi.

Daniel 8:26

Na mangmuhna-a nang hong kimusak zingsang le nitakte a maan ahi hi, ahi hangin mailam hun sawtpi cianga tung pan ding ahi manin imcip phot in," hong ci hi.

Luke 1:20

A hun a cin cianga a tung takpi ding ka thugente um lo na hi manin hih thu a tun mateng pau thei loin na daicip ding hi," ci-in a dawng hi.

Kilaakna 19:9

Tua ciangin vansawltak in kei kiang ah, "Gelh in: ‘Tuuno mopawi sim dinga kisamte thupha ngah ahi hi!’ hong ci a, "Hihte amaan Pasian kammalte ahi hi," hong cih beh lai hi.