Amos 9:14 - Zokam International Version

¹⁴ Saltang ka mi Israel-te amau gamah ka puak kik ding hi; b amaute in a kisusiasa khuapite puah kik ding uh a, tuate ah a teng ding uh hi. Amaute in lenggui suanin tuate zu a dawn ding uh hi; huan bawl ding uh a, amau neihsa singgahte a ne ding uh hi

LAISIENGTHOU CL Bible (BSI)

¹⁴ Ka mi Israelte asaltanna uapat in ka puikia dinga, khopi sesate alam tha ding ua, asungah ateng ding uhi; Grep guite asuon ding ua, uoin adawn ding uhi, huonte zong abawl ding ua, agate ane ding uhi.

Zo Bible

¹⁴ Agam vuah ka mi Israel-te ka tutkia ding a, amate in a kisiesa khuopite lamphakia-in a tang ding uhi. Amate in lenggui suonin a zute a dawn ding vua, um bawlin a gate a ne ding uhi.

Amos 9:14 ပူးပေါင်းရင်းမြစ်များ

Isaiah 61:4

Amaute in tanglai-a kisiasate bawlpha in, a maimangsate a ding kiksak ding uh hi; amaute in khuapi kisiate puah kikin, khang tampi a maimangsa khuapite a puahpha ding uh hi.

Jeremiah 30:3

TOPA in kong cih inah: Ka mi Israel le Judah, a saltanna a panun ka lakhia kik dinga a pute uh neih dinga ka piaksa gamah ka tut kik hun a tung ding hi,’ TOPA in ci hi," a ci hi.

Jeremiah 30:18

"TOPA gen hih ahi hi: "‘Jacob puanbuk angei ka bangsak dinga, a tenna ka khuatuah ding hi; a kisiatna mun mah ah khuapi kilam kik dinga, kumpi inn, ama mun mah ah a ding kik ding hi.

Ezekiel 28:26

Tua munah lungmuangin teng ding uh a, inn lamin lenggui suan ding uh hi; amaute a khelbawl a gamvengte dan ka thuaksak hun ciangin amaute lungmuangtakin a teng ding uh hi. Tua ciangin keimah TOPA amaute Pasian ka hilam a thei ding uh hi,’ ci in," hong ci hi.

Jeremiah 31:28

Amaute ka en dinga, ka bawhkhiatna, ka balzanna, lawnkhia in, susia-a gimna ka thuaksak bang tektek in amaute ka en dinga, lam kikin ka suanpha ding hi," TOPA in cikhia hi.

Isaiah 65:21

Amaute in inn lamin a sungah teng ding uh hi, lengguite suan ding uh a, a gah a ne ding uh hi.

Phatna-late 53:6

Ehei, Israel hotkhiatna Zion pana hong paikhia lah ahi a! Pasian in ama mite nopsakna a piak kik ciangin Jacob nuam henla, Israel kipak hen!

Ezekiel 39:25

"Tua ahi ciangin hih in Thupipen TOPA gen ahi hi: Keimah in Jacob a saltanna a panin ka paikhiatpih dinga Israel mite khempeuh khuatuahin ka min siangtho ka aam ding hi.

Ezekiel 16:53

"‘Bangbang ahi zongin Sodom le a tanute le Samaria le a tanute a ngeina ka bangsak dinga, nang aa zong tuate mah ka bangsak ding hi.

Jeremiah 31:23

Hih in Thahatpen TOPA Israel Pasian gen ahi hi: "Amaute saltanna b pan ka suahtaksak kik ciangin, Judah gam le a khuapite a om mite in, ‘Thumaan a tenna aw, Mual siangtho aw, TOPA in nang thupha hong pia hi, a cih kammal a zang kik ding uh hi,’ ci hi.

Zephaniah 1:13

A hauhna uh kilaksak dinga, a innte uh a kisiagawp ding hi. Amaute in inn a lam uh hangin a sungah teng lo ding uh hi; lenggui a suan uh hangin a zu a dawn kei ding uh hi.

Amos 5:11

Mizawngte na tuancil uh a, a antang teng uh ut lopipi-in na kipiasak uh hi. Tua ahi manin suang kiseek inn na lam uh hangin a sungah na teng kha kei ding uh hi; lenggui hoihna lo na neih uh hangin lenggahzu na dawn kha kei ding uh hi.

Phatna-late 107:37

Amaute in khaici vawhin lenggui suan uh a, tuate in lak ding tampi a gah hi;

Isaiah 60:4

"Dakto inla en kawikawi in: A vekpi-un kikaikhawmin nang hong zuan uh hi; gamlapi pan na tapate hong pai uh a, na tanute ong khuttawi uh hi.

Jeremiah 12:15

Ahi hangin ka bawhkhiat khit ciangin amaute khuatuah kikin ama gam a luahna munuah ka puak kik ciat ding hi.

Jeremiah 23:8

ahi hangin amaute in, ‘Gam leilu lam le amaute a hawlkhiatna gamte khempeuh panin Israel suante a paikhiatpih TOPA nuntakna lo-in,’ a cih ding hun hong tung ding hi. Tua ciangin amaute amau gamah teng ta ding uh hi," a ci hi.

Jeremiah 24:6

Amaute hoihna limtakin ka encik dinga hih gamah ka puak kik ding hi. Amaute ka lam dinga ka sumang kei ding hi; amaute ka suan dinga ka botkhia kei ding hi.

Jeremiah 31:5

Samaria mualneute tungah lenggui na suan kik dinga, lokhote in tuate suanin a gah ne-in nuam a sa ding uh hi.

Jeremiah 32:15

Ahang in, Thahatpen TOPA Israel Pasian thugen hih ahi hi: Hih gam sungah innte lote le lenggui lote a kilei kik ding hi,’ ci hi.

Jeremiah 32:37

Heh lua thangpai lua-a ka nawhkhiatna gam khempeuh panin amaute ka kaikhawm dinga; hih munah maute puak kikin lungnuamtakin ka tengsak ding hi.

Jeremiah 33:7

Keimah in a saltanna d panun Judah le Israel ka lakhia kik dinga, a saltan ma uh ka bangsak kik ding hi.

Ezekiel 37:21

amaute kiangah, ‘Hih in Thupipen TOPA gen ahi hi: Keimah in Israel mite a tunna mun uh minamte lak panin ka lakhia ding hi. A omna munmun panun amaute ka kaikhawm dinga amaute gamah ka puak kik ding hi.

Jeremiah 16:15

‘Israel mite leilu lam pan le eite hong hawlkhiatna gam khempeuh panin hong paikhiatpih TOPA nuntakna lo-in,’ ci-in a kiciam hun uh hong tung ding hi,’ ci hi. Ahang in, a pute uh ka piaksa gamah amaute ka pi kik ding hi.

Jeremiah 29:14

Note in kei nong mu ding uh a, na saltanna panun kong puak kik ding hi," bTOPA in cikhia hi. "Sal-a kong hawlkhiatna minamte le munte khempeuh panin kong kaikhawm kik ding hi," TOPA in cikhia a, "Sal-a kong puakkhiatna mun mah ah kong puak kik ding hi," a ci hi.

Jeremiah 33:11

lungdamna le kipahna awging, zi nei thakpa le mothaknu aw le TOPA inn a, lungdamkoh biakna puaktote awging kiza kik dinga, "TOPA hoih ahi manin Thahatpen TOPA tungah lungdam ko un; ama itna kip tawntung hi," a ci ding uh hi. Ahang in, mailam hunah gamsung a ngei ka bangsak ding hi,’ TOPA in ci hi.

Zephaniah 2:7

Judah innkuan a omlaisunte in tuate a tang ding uh hi; tualai lonona munin a zang ding uh hi. Nitak ciangin amaute Asklon-te inn sungah a lum ding uh hi. TOPA amaute Pasian in kem dinga, a mailam hun b uah angei a bangsak ding hi.