Amos 8:8 - Zokam International Version

⁸ "Hih thu hangin lei kiling loin a sungate thum lo ding uh ahi hiam? Nile bangin gam buppi a khang ding hi; khangto dinga Egypt gun bangin a kiamsuk kik ding hi.

LAISIENGTHOU CL Bible (BSI)

⁸ Tam ziehin gam sung kiling in asunga, tengte chintengin asuun sih ding amah? Nile luipi bangin gam buppi akhang dinga, Izipt luipi banga khangin akiemsuh kia ding hi.”

Zo Bible

⁸ Tami ziehin lei kiling loin a sunga a teng zosie kapin, tuate a unpi-un Nile gun bangin khang a, tui tungah lam kawikawi-in, Egypt gama Nile gun bangin kiemsuhkia lo ding uh amah?

Amos 8:8 ပူးပေါင်းရင်းမြစ်များ

Phatna-late 18:7

Lei lingin kilok a, mual bulpite a kising hi; amah heh ahi manin amaute a ling uh hi.

Isaiah 5:25

Tua ahi ciangin TOPA hehna a mite langkhatah kuangin a khut vikto-a amaute a sattuk hi. Mual liante kiling a, misi luangte kongzinga nin lompi bang hi. Hizahta khit nangawnin a hehna dam nai lo lai-a, a khut a vikto lailai hi.

Jeremiah 12:4

Bangtan vei gamsung vuaigawpin a lo sunga lopate vulgawp lai ding ahi hiam? Bang hang hiam cih leh tua gama tengte gilo uh a, vasate le gamsate mangthang khin ta uh hi. Tua tham loin mite in, "Ei tunga piangte hong mu kei na’nteh," ci uh hi.

Jeremiah 46:7

"Nile banga khang kua hi a, guntui phulto abang kua ahi hiam?

Jeremiah 46:8

Nile bangin Egypt khanga, guntui phulto bang hi. Tuanu in, ‘Khangin leitung khempeuh ka tuam dinga; khuapite le a sunga teng mite ka susia ding hi,’ ci hi.

Jeremiah 51:29

Babylon tungah TOPA ngimna tung ahi manin a gam kilingin kinuaigawp a - tua lai-ah kuamah a ten nawn loh nadingin Babylon gam, gam simtham a suak hi.

Daniel 9:26

Sawmguk le nih ‘sagihte’ khit ciangin Sathau-kinilh Pa kithat dinga, bangmah f a nei kei ding hi. Hong pai ding gam-ukpa’ mite in khuapi le munsiangtho a susia ding uh hi. Tuikhang bangin a beina tungin: A bei dongin gal kido ding hi, siatmang ding thukip a kisehsa ahi hi.

Hosea 10:5

Samaria a teng mite in Beth Aven a a bawngno lim a kihta uh hi. Tua pen amau kiang pan kila in saltang ahi manin ama thupina nuam a sa mite hangin thum ding uh a, tua milim bia siampite zong a tuaci ding uh hi.

Hosea 4:3

Hih thu hangin leitang thum b in, a tunga teng khempeuh a maimang hi; gam sunga gamsate, huih lak-a vasate le, tuipi sunga ngasate a si ding uh hi.

Amos 8:10

Na biakna pawite uh thumna ka suaksak dinga, na la saksakte uh kahna ka suaksak ding hi. Na vekun puan hampi silh kong suaksak dinga na lu uh na mettol ding uh hi. Tua hun ciangin tapa khat neihsun hanga thum kong bangsak dinga, a tawpna ah khaatna ni a bang ding hi.

Amos 9:5

Topa, Thahatpen TOPA in leitung a lawn ciangin tuisuak a, a sunga om khempeuh thumin leitung buppi Nile bangin khanga, tua ciangin Egypt gun bangin kiam a -

Nahum 1:8

ahi hangin Nineveh tuikhang tuumsakin a beisak ding hi; a galte khuamial sungah a delhkek ding hi.

Matthew 24:30

"Tua hun ciangin vanah Mihing Tapa lim hong kilang dinga, leitung a om minam khempeuh a kap ding uh hi. Vangliatna le minthanna lianpi tawh Mihing Tapa vana meii tungah tuanga hong pai amaute in a mu ding uh hi.