Amos 8:3 - Zokam International Version

³ "Tua ni ciangin biakinnpi sunga la kisa khempeuh thumna e suak ding hi. Misi luang tam na lawmlawm e - mun khempeuh lah a dim a! Dai dide tah!" TOPA in a ci hi.

LAISIENGTHOU CL Bible (BSI)

³ Tuani chiengin biehinn a la kisate Kalemauna asuoh ding a,” “Mun chinteng ah mishi luong tampi sip dide a paithang ahi ding hi,” Mangpa’n achi hi.

Zo Bible

³ Tua ni-in biehinn sunga la kisate kaala a suoh ding hi, Topa Pasien in ci hi; “Misi luong tam ding a, mun zosie-ah kipaithang ding hi. Gamdai un!” a ci hi.

Amos 8:3 ပူးပေါင်းရင်းမြစ်များ

Phatna-late 39:9

Ka dai dide hi; nang sem khin na hi manin ka kam ka kek kei ding hi.

Isaiah 37:36

Tua ciangin TOPA vansawltak paikhia a, Assyria-te giahphual ah mi tulza le tul sawmgiat le nga a that hi. A zingciang mite a thawh uh ciangin tua lai-ah misi-luang vive na om hi!

Jeremiah 22:18

Tua ahi ciangin Judah kumpipa Josiah’ tapa Jehoiakim tawh kisai-in TOPA gen hih ahi hi: "Amaute ama adingin thumin: ‘Ka sanggampa tazen aw! Ka sanggamnu tazen aw! A ci kei ding uh hi. ‘Ka pu aw tazen aw! A thupina aw, tazen aw! ci-in a thum kei ding uh hi.

Tamlawhna 2:10

Zion Tanu upate daitakin lei lakah a tu uh hi. A lutung uah leivui theh uh a, ippi puan a silh uh hi. Jerusalem numeite leilak lam nga-in a kun uh hi.

Joel 1:11

Lokhote aw, dah un; lenggui cingte aw, thum un; mangbuh le mangbuh-ham cingte aw, dah un; bang hang hiam cih leh lo-a an lak ding khempeuh kisia ta hi.

Joel 1:13

Biakna-tau mai-a nasem no siampite aw, puan hampi silhin thumin tau un. No Pasian mai-a nasemte aw, hong pai unla zan tawntung puan hampi silh un. Ahang in, an-a biakna le dawntheih-a biaknate note Pasian inn ah kibansam ta hi.

Joel 1:5

No zukhamte aw, khanglo unla kap un! Lenggahzu dawnte khempeuh aw, mau un, na mukte pan un zuthak kila mangta ahi manin mau un.

Siampi Laibu 10:3

Tua ciangin Moses in Aaron kiangah, "Hih in TOPA thugen ahi hi, amah in: ‘Kei hong naihte lakah, kei a siangtho ka hina ka lak ding hi; mite khempeuh muhna-ah kei hong kipahtawi ding hi,’ ci hi," a ci hi. Aaron a daidide hi.

Amos 4:10

"Egypt gama ka tunsak bangin note lakah gimna ka tungsak hi. Na khangmoite uh namsau in ka that a, na sakol matte uh zong kong hawlmangsak hi. Na giahphual uih uh na nak uh ka huksak hangin kei lamah nong kihei tuan kei uh hi," TOPA in cikhia hi.

Amos 5:16

Tua ahi manin Topa Thahatpen TOPA Pasian gen hih ahi hi: "Lampi dung khempeuh le mihon kikhopna mun khempeuh ah nasa-in kapa thumna a om ding hi. Lokho mite a kap dingin kisam dinga, kah siamte a thum dingin kicial ding hi.

Amos 5:23

La sa-in gamlum nawn kei dih un! Na harp gingte uh ka ngai kei ding hi.

Amos 6:4

Saiha lupna tungah lumin tutna zaal ah na kingam hithiat uh hi. Tuuno sa le keelno vakthau sa duh zawkzawk na ne uh hi.

Amos 6:5

David bangin na harp-te uh na ututun na tum uh a, tumtheihte na bawltawm uh hi.

Amos 6:8

Thupipen TOPA amahmah kiciam khin a - TOPA Thahatpen Pasian in genkhia hi: "Jacob kiphatsakna ka kih a, a kulh muanhuaite uh ka hua hi; khuapi le a sunga om na teng ka hukhia ding hi,"

Amos 8:10

Na biakna pawite uh thumna ka suaksak dinga, na la saksakte uh kahna ka suaksak ding hi. Na vekun puan hampi silh kong suaksak dinga na lu uh na mettol ding uh hi. Tua hun ciangin tapa khat neihsun hanga thum kong bangsak dinga, a tawpna ah khaatna ni a bang ding hi.

Nahum 3:3

Sakol galkapte galsimna namsau tee zalzal le teipi kilek zualzual-te! Misi tampi, misisa kiciang venvan, a kisim zo lo misiluang, tua misiluang tungah mi kimuktu lai -

Zephaniah 1:7

TOPA ni nai ta ahi manin Thupipen TOPA mai-ah daitakin om un. Biakna pia dingin TOPA kithawi khin hi; a sapsate siansuah khin hi.