Amos 7:3 - Zokam International Version

³ Tua ciangin TOPA in a hehna a khiam hi. TOPA in, "Hih thu a piang nawn kei ding hi," a ci hi.

LAISIENGTHOU CL Bible (BSI)

³ Tuachi’n tami tungtangah Mangpa’n alungsim ahei a, “Tami kibawl nawn sih va,” Mangpa’n achi ta hi.

Zo Bible

³ Topa in tam tawh kisai-in a lungsim a khel hi; “Tam thu pieng nawn lo ding hi,” Topa in ci hi.

Amos 7:3 ပူးပေါင်းရင်းမြစ်များ

Piancilna 6:7

Tua ahi manin TOPA in "Ka piansaksa mihing - mite le ganhingte, a bokvak ganhingte le huihlak vasate, lei maitang panin ka phiat siang ding hi, ahang in amaute ka bawl ka dah hi," a ci hi.

1 Khangthute 21:15

Tuateh Pasian in Jerusalem susia ding vansawltak khat a sawl hi. Ahi hangin vansawltakin a suksiat ciangin TOPA in mu-in, tua gim thuakna hangin daha, mite a susia vansawltak kiangah, "Pha zo. Na khut dok kik in," a ci hi. Tua ciangin Jebus-te Araunah b ancilna ah TOPA vansawltak a ding hi.

Phatna-late 106:45

amaute a khualna-in a thukhun phawka a itna a liatluatna hangin a kihei kik hi.

Phatna-late 78:38

Hinapi aman lainat veve a; amau tatkhialhnate maisakin a siasak kei hi. Hun khat khit hun khat a hehna ki-ip a, a thangpaihna a kimin a suahkhia kei hi.

Phatna-late 90:13

TOPA aw, hong kileh kik in. Bangtan sawt lai ding na hiam? Na nasemte hong khuatuah in.

Paikhiatna 32:14

Tua ciangin TOPA in a lungsim hei-a, a mite tunga tunsak ding a cih siatna a tungsak kei hi.

Jeremiah 26:19

"Judah kumpipa Hezekiah ahikeh Judah mi khatpeuh in that ahi hiam? Hezekiah in TOPA kihta-in a maipha zongzaw hi lo ahi hiam? Tuateh TOPA in amau tungah tunsak dinga a zaksaksa siatna khel kik hi lo ahi hiam? Eite in i tungah a lauhuai siatna i kitun dektak hi!" a ci uh hi.

Jeremiah 42:10

‘Hih gam ah na omsuak uh leh note hong phelkek loin kong lam dinga; hong botkhia loin kong suan ding hi, ahang in, note tungah siatna kong tunsak ka dah hi.

Hosea 11:8

"Ephraim aw, bang ci-in hong tawpsan thei ding ka hi hiam? Israel aw, bang ci-in mi tungah hong pia thei ding ka hi hiam? Bang ci-in Admah bangin hong bawl thei ding ka hi hiam? Bang ci-in Zeboiim bangin hong bawl thei ding ka hi hiam? Ka sungah ka lungsim kikhel hi; ka khuatuahna teng khang hi.

Joel 2:13

Puansilh bek hi loin na lungsim uh tamzansak un. TOPA note Pasian lam zuan kik un, ahang in, amah migi-in mi khuatuahpa hi a, lungduai-in it na dim a mawhna liante maisak nuam tawntung hi.

Joel 2:14

A lungsim khelin hong hehpih kha thei lo ding hiam? An-a biaknate le dawntheih-a biakna ding TOPA note Pasian piak dingin a thupha hong nusiat mawh ding hiam?

Amos 5:15

Gitlohna mudah un, thu hoih it un; thukhen zum ah amaanin thu khen un. Tua hileh TOPA Thahatpen Pasian in a baanglai Joseph hong lainat kha thei ding hi.

Amos 7:6

Tua ciangin TOPA in a hehna a khiam hi. Thupipen TOPA in, "Hih zong a piang nawn kei ding hi," ci hi.

Jonah 3:10

Pasian in amaute hihnate mu-a, a gitlohnate uh a tawpsan uh a muh ciangin khuatuah a, amau tunga a tunsak ding siatna a tungsak nawn kei hi.

Thupiakkikna 32:36

TOPA in a mite thahatna bei-in sila le sila lo khat beek a om nawn loh a muh ciangin, a mite tungah thu khen dinga, a nasemte a khuatuah ding hi.

James 5:16

Tua ahi manin na ci uh a dam theih nadingin na mawhnate uh kipulak tuahin thu na kingetsak ciat un. A thumaan mi thungetna vanglian in deihna a ngah hi.