Amos 5:14 - Zokam International Version

¹⁴ Na nuntak nadingun gitlohna zong loin a hoih zong un. Tua ciangin amah a hi ngeisa hi na cih bang tektekun, TOPA Thahatpen Pasian note tawh hong omkhawm ding hi.

LAISIENGTHOU CL Bible (BSI)

¹⁴ Na hin theina dingun, silhoi sui unlen, silhoilou sui sih un. Tuachi’n na gen bangun, galkapte Mangpa Pasian in ahing umpi ding hi.

Zo Bible

¹⁴ Na hin thei nadingun hoina sui un, gitlona sui sih un; na gensa bangun Vanglien Topa Pasien in note ang ompi ding hi.

Amos 5:14 ပူးပေါင်းရင်းမြစ်များ

Joshua 1:9

Thu hong pia khin hi lo ka hi hiam? Hat inla hang in. Lauthawng kei in; na paina peuhah TOPA note Pasian in hong ompih ding ahi manin lungkia kei in," a ci hi.

Matthew 6:33

Ahi hangin Pasian kumpigam le ama thumaanna zong masa un. Tua hileh hih nate khempeuh hong piathuah ding hi.

Micah 6:8

Mipa aw, amah in a hoih hong lak zo hi. Tua hi-a TOPA in nang tungah bang hong kal ahi hiam? Thutangin gamta inla, lainatna it-in, kiniamkhaitin na Pasian tawh kalsuan khawm in.

Micah 3:11

Tuanu makaite in golhguk sum tawh thu khen uh a, ama siampite in thaman ngah nadingin thu hilh uh a, ama kamsangte in sum ngah nading bekin kam a sang uh hi. Tua hi napi TOPA tungah kinga-in, "Eite lakah TOPA om hi lo hiam? Eite tungah siatna hong tung kei ding hi," ci uh hi.

2 Timothy 4:22

Topa in na kha hong ompih ta hen. Hehpihna in nang hong ompih ta hen.

Amos 3:3

A kithutuak lo minih tonkhawm thei ahi hiam?

1 Khangthute 28:20

David in a tapa Solomon kiangah zong, "Hat inla hangin na sem in. Pasian, TOPA keima Pasian in nang hong ompih ahi manin kihta kei inla lungkia kei in. Amah in TOPA biakinnpi sep a kizawh matengin hong lawhsamsak loin hong taisan kei ding hi.

Matthew 1:23

"Tua nungak bit gaii-in tapa khat nei dinga, ama min Immanuel kici ding hi" c a khiatna in, "Eite tawh Pasian om khawm" cihna ahi hi.

Isaiah 55:2

Anlum leina loin bang hangin sum zanga, gilvahna ding lopi-in na sem na hi uh hiam? Ngai un, ka thu ngai-un, anlim ne un, na hinna un anlim pen ne-in a tai ding hi.

Paunakte 11:27

A hoih zongte in deihsakna mu uh a, gitlohna a zongte tungah gitlohna mah a tung ding hi.

Phatna-late 46:11

Thahatpen TOPA in eite hong ompih a; Jacob Pasian eite kulh muanhuai ahi hi.

Isaiah 8:10

Thu vaihawm un, a mawkna hi lel ding hi; geelgeel un, na geelna uh a kip kei ding hi; ahang in, kote tawh Pasian om khawm hi. j

2 Khangthute 15:2

Amah Asa tawh kimu dingin paikhia a, "Asa le Judah le Benjamin-te khempeuh aw, ka thugen na ngai un. TOPA tawh na om khawm uh ciangin amah in note hong ompih hi. Amah na zon uh leh note in na mu ding uh hi, ahi hangin amah na taihsat uh leh amah in hong taisan ding hi.

Misimna 16:3

Moses le Aaron langpan dingin kuankhawm uh a, "Ki-uangsak lua uh teh! Mihon buppi a vekpi un siangtho uh hi, amaute TOPA in ompih hi. Tua hi napi bang dinga TOPA mite sangin a thupi zawa kikoih na hi uh hiam?" a ci uh hi.

Paikhiatna 3:12

Tua ciangin Pasian in, "Nang kong ompih ding hi. Nang hong sawl keimah ka hina na theih nading lim hih ahi hi: Tua mite Egypt panin na paikhiatpih khit ciangin hih mual tungah Pasian na a bia ding hi," a ci hi.

Piancilna 39:23

Thongukpa in Joseph ukna nuai-a om peuhmah a don vet kei hi. Bang hang hiam cih leh TOPA in Joseph ompiha, a hihna khempeuh a lamzangsak hi.

Matthew 28:20

kong thupiak khempeuh a zuih nadingun na hilh un. Khanghun a bei tektek dong a tawntungin note kong ompih taktak ding hi," a ci hi.

Amos 5:6

TOPA zong unla nungta un, tua hikei leh Joseph innkuante tungah mei bangin hong kuang dinga, tua in hulin, Bethel in a phelh ding kuamah a ngah kei ding hi.

Zephaniah 2:3

Leitung ah kiniamkhiatin ama thupiak banga gamta note khempeuh aw, TOPA zong un.Thumaanna zong unla kiniamkhiatna zong un; tua hileh TOPA hehna ni ciangin note hong kiliah kha thei ding hi.

Phatna-late 97:10

TOPA in ama tunga muanhuaite kemin migilote khut panin amaute hukhia ahi manin amah a itte in gitlohna mudah uh hen.