Amos 5:11 - Zokam International Version

¹¹ Mizawngte na tuancil uh a, a antang teng uh ut lopipi-in na kipiasak uh hi. Tua ahi manin suang kiseek inn na lam uh hangin a sungah na teng kha kei ding uh hi; lenggui hoihna lo na neih uh hangin lenggahzu na dawn kha kei ding uh hi.

LAISIENGTHOU CL Bible (BSI)

¹¹ Tuaziehin nouten mizawngte na tuonchil ua, ama ua pat in tangseute na lahpieh ua. Suongkhenthawin innte lam nan u’lachin, asungah na teng sih ding uhi, Grep huon hoitahte na bawl ua, hinanleh grep zu na dawn tuom sih ding uhi.

Zo Bible

¹¹ Tua ahi zehin mizawngte tuoncilin, amau kung panin ankaihte na lah ziehun, suong kilem innte lam nan locin a sungah na tengkha sih ding uhi; a dei huoi lengga lote bawl nan locin lenggazu na dawn kha sih ding uhi.

Amos 5:11 ပူးပေါင်းရင်းမြစ်များ

Job 20:19

Ahang in, amah in mizawngte nengniam a, khasiat loin a nusia hi; ama lam lohpi innte a laksak hi.

Isaiah 16:10

Na singno lei pana nuamna le lungnopna beimangta hi; lenggui lo ah kuamah lasa in kiko nawn lo a; kuamah kikosak nawn lo ka hi manin lengtui sukna-ah kuamah in zu a sukkhia nawn kei hi.

Ezekiel 26:12

Na hauhna hong puakmangsak ding uh a, na sum-buk van a la mang ding uh hi; na kulhte satkham ding uh a, a hoih mahmah na innte phelgawpin suangte, inn singte le leiseek-tangte tuipi sungah a pai ding uh hi.

Ezekiel 34:21

Bang hang hiam cih leh na pang uh le na liangdaak un tuu gina lote khempeuh phu in na hawlkhiat zawh matengun na ki uh tawh na pik uh hi.

Hosea 9:2

Ancilnate le lengtuisuknate in mihing vak lo ding hi; tuate zuthak tawh kilawi ding hi.

Siampi Laibu 26:16

note tungah hihte ka tungsak ding hi: Note tungah patauhna, hong vattum ding cinatnate le na khuamuhna uh siasakin na nuntakna uh a khitkang ding cisa natna kong tungsak ding hi. Lo na pawi uh hangin a mawkna hi ding hi, bang hang hiam cih leh na galte un a ne ding uh hi.

Amos 2:6

Hih in TOPA gen ahi hi: "Israel-te mawhna thumte thamlo lite hangin ka thangpaihna ka dok kik kei ding hi. Amaute in thumaan mite ngun-in zuak uh a, a tasamte khedapkaih bu khatin a zuak uh hi.

Amos 2:7

Leivui lak tuat bangin mizawngte lutung tuancil uh a, a kinengniam mite thu, thutangin a khensak kei uh hi. A pa le a tapa numeino khat kitangkhawm uh a, tua bangin ka min siangtho a zahhuaisak uh hi.

Amos 3:15

Keimah in phalbi inn le khuakhal inn ka phelkhia ding hi; saiha a kizem innte kisusia-in inn thupite a kisia ding hi," TOPA in cikhia hi.

Amos 3:9

Ashdod kulh muanhuaite le Egypt kulh muanhuai-te ah tangko in: "Samaria mualtungah hong kikhawm unla ama mite laka buaina lianpi le kinetniamnate hong en un," ci un.

Amos 4:1

No Samaria Vum a Bashan bawngpite, mizawngte a nengniam no numeite, a cimawhte a sugawpgawpte aw, hih thu za unla na pasalte uh tungah, "Ka dawn ding khat hong pia un," ci-in gen un.

Amos 6:11

Ahang in, TOPA in thu pia khin a, amah in inn liante sukhamin inn neute a sunen ding hi.

Amos 6:12

Sakolte suangkawl lakah tai ahi hiam? Kua in tuate lak bawng tawh kho ahi hiam? Ahi hangin note in thutang, gu na suaksak uh a, thumaan gah, thukhaa na suaksak uh hi.

Amos 8:4

A cimawhte tuancil a, gam sunga mizawngte sumang a,

Amos 9:14

Saltang ka mi Israel-te amau gamah ka puak kik ding hi; b amaute in a kisusiasa khuapite puah kik ding uh a, tuate ah a teng ding uh hi. Amaute in lenggui suanin tuate zu a dawn ding uh hi; huan bawl ding uh a, amau neihsa singgahte a ne ding uh hi

Micah 1:6

"Tua ahi manin Samaria, nin kholna, lenggui cinna mun ka suaksak ding hi. A suangtumte guam sungah ka sung dinga, a khuambul pite ka dawksak ding hi.

Micah 2:2

Amaute in lo a deihgawh uh leh matsak uh a, inn a deihgawh uh leh a laksak uh hi. Amaute in khembawlin mi inn laksak uh a, a lawmte gouluah a sut uh hi.

Micah 6:15

Na suan ding uh a, an na la kei ding uh hi; olive na gawi ding uh a, athau na zangkha kei ding uh hi; lenggah na suk ding uh a, ahi hangin a zu na dawn kha kei ding uh hi.

Zephaniah 1:13

A hauhna uh kilaksak dinga, a innte uh a kisiagawp ding hi. Amaute in inn a lam uh hangin a sungah teng lo ding uh hi; lenggui a suan uh hangin a zu a dawn kei ding uh hi.

Haggai 1:6

Tampitak na suan uh hangin tawmkha bek na at uh hi. Na nek uh hangin na gil uh a vah kei hi. Na dawn uh hangin na duhna uh a kam zo kei hi. Puan na silh uh a na khua uh a lum kei hi. Sum na thalawh uh a sum-ip tawvang khata koih bang lel thaman na ngah uh hi," hong ci hi.

Malachi 1:4

Edom in, "Ei hong kisukzan hangin asia teng i lam kik ding hi," cikha thei ding hi. Ahi zongin Thahatpen TOPA thugen hih ahi hi: "Amaute in a lam theih uh hangin ka susiamang ding hi. Amaute, Tua TOPA thangpaihna nuai-a om tawntung A Gilo Gam mite, kici ding hi.

Thupiakkikna 28:30

Numei khat tawh a teng dingin na kiciam uh hangin midang khat in na la-in a taipih ding hi. Inn khat na lam uh hangin a sungah na tengkha kei ding uh hi. Lenggui na suan uh hangin a gah na nopsakpih man kei ding uh hi.

James 2:6

Ahi hangin note in a zawngte na zahlaksak uh hi. Note hong netum mihaute hi lo uh ahi hiam? Thukhenna mun hong tun amaute hi lo uh ahi hiam?