Amos 4:9 - Zokam International Version

⁹ "Na huante uh le na lenggui lote uh tam veipi ka siasak khina, tuate maiibuaksakin ka cinghteeksak hi. Na theikungte uh le olive kungte kauphe in kheuhsiang napi, kei lamah nong kihei tuan kei uh hi," TOPA in cikhia hi.

LAISIENGTHOU CL Bible (BSI)

⁹ “Gawna hui leh muotna in ka hing gawt a, na huonte uh, na grep huonte uh, na theipi kungte u’leh na Olive kungte uh, ahing let sem sem chiengin, khaupheten anetum sieng ua, hinanleh ka kungah na hing kinuale nai tuom sih uhi.” Mangpa’n achi hi.

Zo Bible

⁹ Huisapi le maibuoh natna tawh kang sugawp hi; na umte ule na lenggui lote a hawmguohin ka koi hi; kauphe in na theikungte ule na olive kungte uh a netum sieng hi; hinanle ka kungah nang kilekia tuom sih uhi, Topa in ci hi.

Amos 4:9 ပူးပေါင်းရင်းမြစ်များ

1 Kumpite 8:37

Hih gamah kialpi ahi a pulpi ahi zongin a tun a, ahikeh an cinghteekna, an maibuakna, kaukhup, kauphe tunna ahikeh amau khuapite khatpeuh galte in umcih a, haksatna natna khatpeuh a tuah uh a,

2 Khangthute 6:28

"Hih gamah kialpi ahi-a pulpi ahi zongin a tuna, ahikeh ankung cinghteekna, ankung maibuakna, kaukhup, kauphe tunna ahikeh amau khuapite galte khatpeuh in umciha, haksatna, natna khatpeuh a tuah uh a

Isaiah 1:5

Bang hangin note hong kisat beh lailai ding ahi hiam? Bang hangin lehdo lailai na hi uh hiam? Na lutang buppi liam khin a, na lungsim buppi gimlua khin hi.

Isaiah 50:11

Ahi zongin tu-in, nomau mei vakin nomau meikuang a kidette aw, nomau tawhkuangsa mei - nomau meitang mahah pai-in kalsuan un. Ka khut pana na ngah ding uh hih ahi hi: Gawtna thuakin na lumsuk ding uh hi.

Isaiah 9:12

Nisuahna pan Aram mite le nitumna pan Philistia-te kamka-in Israel-te a nawmvalh uh hi. Hihzahta hi khin napi a hehna dai tuan loin a khut liik lai hi.

Jeremiah 3:10

Hih bang teng hi napi a muanhuai lo a sanggamnu Judah, a lungsim neihzahin kei lam hong kihei loin, a kineih bek ahi hi," TOPA in cikhia hi.

Jeremiah 5:3

TOPA aw, na mitte in thutak zong hi lo ahi hiam? Amaute na sat hangin na sa lo uh a, na gawigawp hangin a kibawlpha nuam tuan kei uh hi. A maitang uh suang sangin sakzawsak uh a, a kisik nuam kei uh hi.

Hosea 11:5

"Amaute in kisik ding nial uh ahi manin Egypt ah ciah kikin Assyria in amaute uk lo ding ahi hiam?

Joel 1:4

A keitan kauphete nek bang teng, kauphe hon in gai khin hi. Kauphe honpite nekbang teng, kauphenote in gai khin hi. Kauphenote nekbang teng kauphe dangte a in gai khin hi.

Joel 1:7

Ka lenggui teng netum uh a, ka theikungte siasak uh hi. Ahawng teng kheuhkhia-in lawnmang uh a, a hiang kang sengsang bek nusia uh hi.

Joel 2:25

"Note lakah kong sawl ka galkap tampi - kauphe honpi le kauphenote, kauphe tuante le kauphe dangte f - kauphete hong neksak kum sunga piang teng kong din kik ding hi.

Amos 4:6

"Na khuapi lian tenguah kong gilkialsak a, d khuapi tengah anlum kisamin kong koih hangin kei lamah nong kihei tuan kei uh hi," TOPA in cikhia hi.

Amos 4:8

Mite dangkeusa-in, tui zong dingin khua khat pan khua khatah pai uh a, a dangtak phat nading khopin tui a ngah zo kei uh hi; tua hi napi kei lamah hong kihei tuan lo uh hi," TOPA in cikhia hi.

Habakkuk 3:17

Theikungte a pak kei zongin, lenggui ah lenggah gah loin, olive a gah kei zongin, lote ah an piang loin, tuubuk sungah tuu khatbeek a om kei zongin gankholna khempeuh hawm khin ta leh,

Haggai 2:17

Khuta na sepsate khempeuh uh cinghteeksak, maaibuaksakin, gialpi ka densak hangin kei lamah nong kihei nai kei uh hi,’ TOPA in ci hi.

Malachi 3:11

"Na ankungte uh a kinektum loh nadingin lungnote ka dal dinga, na lo-ua lengguite a gah a mawk pulh kei ding hi," Thahatpen TOPA in ci hi.

Thupiakkikna 28:22

TOPA in note na manthan matengun, hong vat dinga, thazawm nat, cisa nat, cibawk natna, pol nading zaha nisa, guahtui haang, singno taam le maibuak tawh note hong pulsak ding hi.

Thupiakkikna 28:42

Kauphe honpi in na singkung uh le na gamua ankung khempeuh a gai ding hi.