Amos 4:12 - Zokam International Version

¹² "Tua ahi manin Israel aw, hih in nang tunga ka bawl ding ahi hi; Israel aw, nang tungah hih hong bawl ding ka hi manin na Pasian tawh kimaituah dingin kigingkhol in,"

LAISIENGTHOU CL Bible (BSI)

¹² “Tuazieh in, Aw Israel, na tung uah tambangin ka bawl ding hi, tualeh na tung ua tambanga ka bawl ding ziehin, Aw Israel, na Pasian tuoh dingin kimansa in um in.”

Zo Bible

¹² Tua ahi ziehin Israel aw, nang tungah tam bangin kang bawl ding hi: Na tungah tami hing bawl ding ka hi ziehin, Israel aw! na Pasien tawh a kimu dingin kisakhol in.

Amos 4:12 ပူးပေါင်းရင်းမြစ်များ

Isaiah 32:11

No a om hithiat numeite aw, ling un; no awlmawh nei lo tanute aw, lau-in ling un! Na puante uh hawkkhia unla, na kawnguah ippi puan teng un.

Isaiah 47:3

Guaktang na hina kipholak dinga, na maizumna kidawk ding hi. Keimah in phu ka la dinga; khat beek ka hawi kei ding hi," a ci hi.

Isaiah 64:2

Mei in selkang kuangsak a tui a so bangin, hong paisukin na galte tungah na min kitheisak inla na mai-ah minamte lingsak in.

Jeremiah 5:22

Kei hong kihta lo ding na hi uh hiam? TOPA in cikhia hi, "Ka mai-ah ling lo ding na hi uh hiam? Tuipi gamgi dingin sehnel ka bawl a, a kantan theih loh dingin, dai-a kimang den ding ahi hi. Tuihualte a kilok hangin phukhia zo lo uh a; a hawk uh hangin a kantan thei kei uh hi.

Ezekiel 13:5

Israel innkuante in TOPA ni-a gal hong tun ciangin kiptaka a nan zawh nadingin kulh cimte velin na puahpha kei uh hi.

Ezekiel 22:30

"Keimah in gam ka suksiat loh nadingin kulh a lam zo ding, a gam tanga a kisap hun cianga a dingzo ding mi amaute lakah ka zon hangin khatbeek ka mu zo kei hi.

Hosea 13:8

A no kilaksak vompi bangin amaute ka sim dinga, ka balkham ding hi. Humpinelkai bangin amaute ka valh dinga; gamsa gilo khat in amaute a balnen ding hi.

Amos 2:14

A manlangte suakta man loin, a thahatte in amau thaneihzah zang man lo ding uh a, galhangte in amau nuntakna a hu zo kei ding uh hi.

Matthew 24:44

Tua hi-a na lamet loh laitakun Mihing Tapa hong pai ding ahi manin kigingsa in om den un.

Matthew 5:25

"Thukhenna mun hong tun na lawmpa tawh kilem mengmeng in. Na paikhawm laitak un kilem zawh nading hanciam in. Tua hi kei leh thukhenpa tungah hong pia dinga, thukhenpa in bupa khut sungah hong pia-in thong sung hong kidenna kha ding hi.

Kilaakna 3:3

Tua ahi manin na ngahsa le na zaksate ciamteh in; a thu mang inla kisik in. Ahi hangin na khanlawh kei leh guta bangin kong pai dinga, nang kianga kong pai ding a hun na thei kei ding hi.