Amos 4:10 - Zokam International Version

¹⁰ "Egypt gama ka tunsak bangin note lakah gimna ka tungsak hi. Na khangmoite uh namsau in ka that a, na sakol matte uh zong kong hawlmangsak hi. Na giahphual uih uh na nak uh ka huksak hangin kei lamah nong kihei tuan kei uh hi," TOPA in cikhia hi.

LAISIENGTHOU CL Bible (BSI)

¹⁰ “Izipt gam a bangin na lah uah gawtna ka hing sawl a, na khanglaite uh namsau in ka that a, na sakol matte uh pumin ka that khawm a; tualeh na giehphuol uite uh na nahkohawm ua, namse khop in ka bawl a, hinanleh ka kungah na hing kinuale sih uhi,” Mangpa’n achi hi.

Zo Bible

¹⁰ Egypt gama ka tunsah dan bangin note lahah pul natna kang tungsah hi; na tangvalte uh namsau tawh ka satlia hi; na sakolte uh kang kaimangpieh hi; na nahhawm sung vuah na giephuol vua sil uite ka lut tosah hi; hinanle kei kungah nang kilekia tuom sih uhi, Topa in ci hi.

Amos 4:10 ပူးပေါင်းရင်းမြစ်များ

2 Kumpite 10:32

Tua hunin TOPA in Israel kiamsak ding a kipan ta hi. Hazael in Israel gam sung khempeuh,

2 Kumpite 13:3

Tua ciangin Israel tungah TOPA hehna kuanga Aram kumpipa Hazael le a tapa Ben-Hadad khut nuai-ah sawtveipi a omsak hi.

2 Kumpite 13:7

Aram kumpipa in Jehoahaz galkapte susia khina, ancil huna leivui bangsak ahi manin sakol-tuang sawmnga, sakolleng sawm le khe galkap tulsawm longal bangmah a om nawn kei hi.

2 Kumpite 8:12

Hazael in, "Ka topa bang hangin kap na hi hiam?" ci-in a dong hi. Amah in, "Israel-te na natsak nading ka thei hi; nang in kulh-a ki-um amau munte mei-in na hal dinga, a tangvalte uh namsau-in thatin, a naupangte uh leitual na sat nadinga, a nupi naupaiite uh na phelsuah ding ka muh hang ahi hi," ci-in a dawng hi.

Paikhiatna 10:27

Ahi hangin TOPA in Pharaoh lungsim khauhsaka, amaute pai ding a phal kei hi.

Paikhiatna 10:3

Tua ciangin Pharaoh kiangah Moses le Aaron pai uh a ama kiangah, "Hih in TOPA Hebrew-te’ Pasian, gen ahi hi: ‘Ka mai-ah kiniamkhiat ding bangtan vei nial lai ding na hi hiam? Kei hong bia dingin ka mite paisak in.

Paikhiatna 14:4

Pharaoh lungtang ka khauhsak dinga, amaute a delh ding hi. Ahi hangin Pharaoh le ama galkapte tungtawnin kei mahmah in minthanna ka ngah dinga, Egypt mite in keimah TOPA ka hilam a thei ding uh hi," a ci hi. Israel-te in tua mah bangin a hih uh hi.

Paikhiatna 15:26

Amah in, "Note in na Pasian uh TOPA aw limtakin ngai a, ama muhna ah thumaanin na na sep uh leh, a thupiakte thupi sima, a thukipte khempeuh na zuih uh leh keimah in note hong damsak TOPA ka hi manin Egypt-te tunga ka tunsak cinatnate no tungah kong tungsak kei ding hi," a ci hi.

Paikhiatna 8:19

Mitphial siamte in Pharaoh kiangah, "Hih in Pasian khutma ahi hi," a ci uh hi. Ahi hangin TOPA cihsa bang tektekin Pharaoh lungtang khauh a thu a ngai kei hi.

Paikhiatna 9:12

Ahi hangin TOPA in Pharaoh lungsim khauhsak-a, TOPA cihsa bang tektek in Moses le Aaron thu a ngai kei hi.

Paikhiatna 9:17

Nang mahmah in ka mite na langbawla, amaute pai ding na phal kei hi.

Isaiah 34:3

A kithat amau mite kilawnkhia dinga, a misiluangte uh a uihto lualua ding hi. Mual liante amau sisanin kawt khin pikpek ding hi.

Isaiah 50:11

Ahi zongin tu-in, nomau mei vakin nomau meikuang a kidette aw, nomau tawhkuangsa mei - nomau meitang mahah pai-in kalsuan un. Ka khut pana na ngah ding uh hih ahi hi: Gawtna thuakin na lumsuk ding uh hi.

Isaiah 9:12

Nisuahna pan Aram mite le nitumna pan Philistia-te kamka-in Israel-te a nawmvalh uh hi. Hihzahta hi khin napi a hehna dai tuan loin a khut liik lai hi.

Isaiah 9:13

Ahi hangin amaute a satpa lam nga tuan lo uh a, Thahatpen TOPA a zong tuan kei uh hi.

Isaiah 9:17

Tua ahi ciangin khangnote tungah Topa lungkim lo dinga, pa nei lote le meigongte a hehpih tuan kei ding hi; ahang in, mi khempeuh in pasian nei loin gilo uh a, kam khauh vive a pau uh hi. Hizahta hi khin napi a hehna dai tuan loin a khut liikto lailai hi.

Jeremiah 11:22

tua ahi ciangin Thahatpen TOPA gen hih ahi hi: ‘Amaute dan ka thuaksak ding hi. A tangvalte uh namsau in si ding uh a, a tanu a tapate uh kialpi-in a si ding uh hi.

Jeremiah 15:3

Amaute tungah suksiatna nam li ka tungsak ding hi," TOPA in cikhia a, thah nading namsau, a tuahmang dingin ui, a susia ding le a nemang dingin huihlak vasate le leitunga ganhingte ka sawl ding hi.

Jeremiah 16:4

"Amaute sih-natna in a si ding uh hi. Amaute kuamah in kah loin kuamah in zong vui lo dinga, leilakah a ki-ek nusiat ding hi. Amaute namsau le kialpi-in simang ding uh a, a misiluangte uh huihlak vasate le leitung ganhingte an a suak ding hi," a ci hi.

Jeremiah 18:21

Tua hi-in a tate uh kialpi vatsak inla; amaute namsau vangliatna-in beisak in. A zite uh ta nei lo le meigongin omsak in; a mite uh sisak inla, a khangnote uh gal sungah namsau in kithatsak in.

Jeremiah 48:15

Moab kisusia-in a khuapite kisim dinga; a tangval hoihpente gawh dingin a kipaisukpih ding hi," a min Thahatpen TOPA a kici Kumpipa in cikhia hi.

Jeremiah 49:26

A tangvalnote lamdungah tuk taktak ding uh a; a galkapte khempeuh sunin a kidaisak ding hi," Thahatpen TOPA in cikhia hi.

Jeremiah 5:3

TOPA aw, na mitte in thutak zong hi lo ahi hiam? Amaute na sat hangin na sa lo uh a, na gawigawp hangin a kibawlpha nuam tuan kei uh hi. A maitang uh suang sangin sakzawsak uh a, a kisik nuam kei uh hi.

Jeremiah 6:11

Ahi hangin TOPA thangpaihna tawh ka kidim a, ka thuak zo nawn kei hi. "Lamdunga naupangte tung le a kikaikhawm khangnote tungah ka hehna ka sungkhia hi; zite le pasalte pitek luate le putek luate tawh kiman khawm ding hi.

Jeremiah 9:22

"TOPA cihkhiat hih ahi hi: "‘Mihing siluangte gamlakah ki-ek nusiat dinga, anlate nunga ankung bangin kuamah in amaute a khawm kei ding hi,’ ci un," a ci hi.

Hosea 11:5

"Amaute in kisik ding nial uh ahi manin Egypt ah ciah kikin Assyria in amaute uk lo ding ahi hiam?

Joel 2:20

"Leilu-lam galkapte no kiang pan gamlapi-ah hawlkhia-in leigawtak keugaw gamah ka sawngawp dinga, a madawkte nisuahna tuipi b sungah khia-in a nungdalte nitumna tuipi c sungah ka khia ding hi. Tuate uihin a gimnam lansia mahmah ding hi," a ci hi. Amah in na lianpite d bawl khin takpi hi.

Siampi Laibu 26:16

note tungah hihte ka tungsak ding hi: Note tungah patauhna, hong vattum ding cinatnate le na khuamuhna uh siasakin na nuntakna uh a khitkang ding cisa natna kong tungsak ding hi. Lo na pawi uh hangin a mawkna hi ding hi, bang hang hiam cih leh na galte un a ne ding uh hi.

Siampi Laibu 26:25

Thukhunte na palsatna uh pulakna-in note tungah namsau kong tungsak ding hi. Note khuapi sungah na nung kik uh ciangin note lakah pulpi kong tungsak dinga, na galte uh khut sungah hong kipia ding hi.

Amos 4:6

"Na khuapi lian tenguah kong gilkialsak a, d khuapi tengah anlum kisamin kong koih hangin kei lamah nong kihei tuan kei uh hi," TOPA in cikhia hi.

Amos 8:3

"Tua ni ciangin biakinnpi sunga la kisa khempeuh thumna e suak ding hi. Misi luang tam na lawmlawm e - mun khempeuh lah a dim a! Dai dide tah!" TOPA in a ci hi.

Haggai 2:17

Khuta na sepsate khempeuh uh cinghteeksak, maaibuaksakin, gialpi ka densak hangin kei lamah nong kihei nai kei uh hi,’ TOPA in ci hi.

Thupiakkikna 28:21

Note neih dinga na lutna uh gam panin hong siatsak khit matengin TOPA in natnate in hong pulsak ding hi.

Thupiakkikna 28:22

TOPA in note na manthan matengun, hong vat dinga, thazawm nat, cisa nat, cibawk natna, pol nading zaha nisa, guahtui haang, singno taam le maibuak tawh note hong pulsak ding hi.

Thupiakkikna 28:60

Note in na kihtak uh Egypt natna khempeuh no tungah hong tungsak dinga, note tungah belh den ding hi.

Thupiakkikna 7:15

TOPA in natna namkim panin hong suaktasak ding hi. Egypt a na theihsa uh natna nasiapite hong thuaksak lo dinga, ahi hangin no hong mudahte a thuaksak ding hi.