Amos 4:1 - Zokam International Version

¹ No Samaria Vum a Bashan bawngpite, mizawngte a nengniam no numeite, a cimawhte a sugawpgawpte aw, hih thu za unla na pasalte uh tungah, "Ka dawn ding khat hong pia un," ci-in gen un.

LAISIENGTHOU CL Bible (BSI)

¹ “Nou Bashan gam bawngpite, Samaria muol tunga umte mizawngte nuoisie a, mi tasamte tuonchil a, na pasalte uh kunga zu hing tawi un, dawnkhawm vai chite, tam thu ngaikhie un.

Zo Bible

¹ Mizawngte nengniemin mi tasamte gawt a, a pasalte kungah, “Ka dawn ding bangkhat ei pie vawi!” ci-in a gen, Samaria Muoltunga a om no Bashan bawngpite aw,” tami thu ngai un.

Amos 4:1 ပူးပေါင်းရင်းမြစ်များ

1 Kumpite 16:24

Amah in Shemer tung panin ngun talent nih a in Samaria mual lei a, mualtungah khuapi khat lamin a mual nei masapa min puasaka, a min Samaria a phuak hi.

Job 20:19

Ahang in, amah in mizawngte nengniam a, khasiat loin a nusia hi; ama lam lohpi innte a laksak hi.

Job 24:4

Lampi ah a tasamte sawnpai uh a, leitunga mizawngte thatang hatthu in a busak uh hi.

Phatna-late 12:5

"A zawngkhalte kinetniamna le a tasamte tauna hangin tu-in ka tho ta ding hi; "A selphote panin amaute ka dal ding hi," TOPA in a ci hi.

Phatna-late 140:12

Mizawngte adingin TOPA thutang a kip lam le a tasamte thu a letkip lam ka thei hi.

Phatna-late 22:12

Bawngtal tampi in kei hong um uh a; Bashan bawngtal hatte in kei hong umcih uh hi.

Paunakte 22:7

A haupa in a zawngpa uk a, a leitawipa in a leitawinapa nasem a suak hi.

Thuhilhna 4:1

Ka et kik leh sunni nuai-a apiang kinetniamna khempeuh ka mu a: A kinengniamte khitui - a huh ding kuamah a neih loh lam; a nengniamte vanglian uh a- tuateh a hehnem ding kuamah a neih loh lam uh ka mu hi.

Thuhilhna 5:8

Gam sungah mizawngte kinengniam a, thumaan le thutang a kinial na muh leh lamdang sa kei in; ahang in, ulian khat amah sanga lianzaw khat in ena, amaute gel tungah a sangzaw dang om lai hi.

Isaiah 28:1

Ephraim-a zukhamte kisaktheihpih a minthang a mel hoih lei hoihna kuam, lutunga kikhusak pakkual le - zudawnna hanga a khua uh a niamsakte tungah gimna tungta hen!

Isaiah 5:8

Mun khat beek awng lo zahin inn khat le inn khat zoma lo khat le lo khat a zom leitang tunga no guak a tengte tungah gimna tung ta hen.

Isaiah 56:12

Amaute in, "Hong pai un, zu kong lup ding hi! I gilpi dimin zucil dawn ni. Zing ciang pen tuni mah bang dinga nuamzaw lai tham ding hi," ci uh hi.

Isaiah 58:6

"Kei teel antan hih bang nam ahi hi: A thutang lo khainiangte kolsak nading le hakkol khaute phel nading, a kinengniamte khah nading le hakkol peuhmah suktan nading hi lo ahi hiam?

Jeremiah 50:11

"Keima gouluah ding lawkgawpin lungnuamin kipakin, lonona khamin lungnuama kimawl bawngla le sakol tal ham hithit-te na bat uh hangin,

Jeremiah 50:27

Ama bawngtalnote khempeuh that unla; a go dingte kiangah paisuksak un! Amaute in gimna thuak ta hen! Ahang in, amaute dan thuak ding, ani le ahun tung ta hi.

Jeremiah 51:34

Babylon kumpipa Nebuchadnezzar in eite hong nawmvalh a, eite hong lawnthalin, leibeel hawm hong suaksak hi. Gulpi bangin eite hong valhin, eite limna-in gil vah a, tua ciangin hong ikkhia kik hi.

Jeremiah 6:6

Thahatpen TOPA gen hih ahi hi: "Sing phuk unla Jerusalem sim nadingin phungin ciang un. Hih khuapi netniamna tawh kidim hi; dan kituaksak pelmawh ding hi.

Jeremiah 7:6

pemtate, pa nei lote le meigongte nuainet loin hih munah mawhpengte sisan na luansak kei uh a, note siat nadingin pasian dangte nung na zuih kei uh leh,

Ezekiel 18:12

Mizawngte le a tasamte nuainet hi. Mi na a mawkna-in sut hi. Sum leitawi tanga a vanlakte pia kik nawn lo hi. Milimte lam nga hi. A kihhuai nate sem hi.

Ezekiel 22:12

Na sungah mite in sisan suahsak nadingin golhsum la uh hi. Nang in a met b na uang laka a thumaan lopi in na vengte tungah a met la-in na sut hi. Tua ciangin kei nong mangngilh hi, Thupipen TOPA in cikhia hi.

Ezekiel 22:27

Tuanu sunga om a uliante, a samatte a balzan keivomte tawh kibang uh hi. Thutang lopi-in a ngah nop manun mihing sisan luangsak uh a mi a that uh hi.

Ezekiel 22:29

A gam sunga mite in mi buluhin a na uh a mawk suh uh hi. Mizawngte le a tasamte nengniam uh a, pemtate bawlsia-in thutangin a khensak kei uh hi.

Ezekiel 22:7

Na sungah nute le pate kisimmawh hi; na sungah pemtate, meigongnute le pa nei lote kinengniam gawp hi.

Ezekiel 34:16

A mangte ka zong dinga lam khialte ka kaikhawm ding hi; a liamnate ka tunsak dinga a zawngkhalte ka khoi ding hi. Ahi hangin athau a hatte ka susia ding hi. Ka tuuhonte thutangin ka cing ding hi.

Ezekiel 39:18

Note in tuutal le tuuno, keeltal le bawngtal tawh kibang mi thahatte sa ne-in, gam-ukte si na dawn ding uh hi - amaute a vekpi un Bashan a kivakthau ganhingte vive ahi uh hi.

Joel 3:3

Ai sanin, ka mite metbawlin sumzonna-in nei uh a, a zu dawn nadingun numeinote a zuak uh hi.

Amos 3:1

Israel mite aw, note langkhata TOPA thugen hih thu za un - Egypt pana kong paikhiatpih innkuante aw, hih thu ngai un:

Amos 3:3

A kithutuak lo minih tonkhawm thei ahi hiam?

Amos 5:11

Mizawngte na tuancil uh a, a antang teng uh ut lopipi-in na kipiasak uh hi. Tua ahi manin suang kiseek inn na lam uh hangin a sungah na teng kha kei ding uh hi; lenggui hoihna lo na neih uh hangin lenggahzu na dawn kha kei ding uh hi.

Amos 6:1

Zion a nuam a sa hithiatte, Samaria Vum a lungmuanga omte minamte ulianpente, Israel paikhiatnate, gimna nak thuak na nucia!

Amos 6:6

Hai lianpipi dimin zu na dawn uh a, nilhthau hoihpente in na kizut uh hi. Tua hi napi Joseph-te siatna hangin na dah kei uh hi.

Malachi 3:5

"Tua ciangin note kiangah thukhen dingin kong pai ding hi. Keimah in aitawi-te, numei tawh mawhte le ciampelte, nasemte thaman a khembawlte, meigongte le pa nei lote a nengniam a, pemtate thutangna a thusim lote le kei hong kihta lote langah teci pangin manlangin thu ka khen ding hi," Thahatpen TOPA in ci hi.

Misimna 21:33

Tua ciangin amaute kihei-in Bashan lampi zui-in pai uh a, Bashan kumpipa Og le a galkap buppi, amaute do dingin Edrei ah a kuankhia uh hi.

Thupiakkikna 24:14

A zawng a cimawh nasema na cialte uh, na sanggam Israel-te ahi-a, na khuapite uh khatpeuh a teng pemtate ahi zongin nopneh kei un.

Thupiakkikna 28:33

Na theih loh uh mite in no gama piang na sepsate uh ne ding uh a, note in bangmah na neih loh uh hangin na nuntak laisiah uh hong kinengniamin hong kikhelbawl ding hi.