Amos 3:7 - Zokam International Version

⁷ Hi takpi hi, Thupipen TOPA in ama geelna, a nasem kamsangte tungah a laak lohin bangmah a sem kei hi.

LAISIENGTHOU CL Bible (BSI)

⁷ Adihtah in Mangpa Pasian in asuoh guolneite kunga, Athuguh theisah louin bangma abawl sih hi.

Zo Bible

⁷ A tahtahin Topa in ama’ nasem kamsangte tungah a thusim gen lopi-in na sem lo hi.

Amos 3:7 ပူးပေါင်းရင်းမြစ်များ

Piancilna 18:17

Tua ciangin TOPA in, "Ka hih dek thu Abraham tungah im ding ka hi hiam?

Piancilna 6:13

Tua ahi manin Pasian in Noah tungah, "Ngongtatna tawh leitang kidim ahi manin, amaute hangin mi khempeuh ka beisak ding hi. Leitung le a mite a nih in ka susia khawm taktak ding hi.

2 Kumpite 22:13

"Pai unla hih a kimu laibu sunga kigelh thu kei ading, mite ading le Judah mite khempeuh adingin TOPA va dong un. I pate in hih laibu-a om thute mang lo uh a, eite tawh kisai-a kigelh khempeuh tawh kizui-in gamta lo uh ahi manin eite tungah TOPA hehna lian mahmah hi," ci-in thu a pia hi.

2 Kumpite 22:20

Tua ahi ciangin na pate tawh kong gawmkhawm dinga, lungnuamtakin na kivui ding hi. Hih muna ka tunsak ding siatna na mitin na mu kei ding hi, ci hi,’ ci-in gen un," a ci hi. Tua ciangin amaute in tuanu dawnna kumpipa kiangah a puakkik uh hi.

2 Kumpite 6:12

A uliante khat in, "Ka topa kumpipa aw, kote khat beek ka hi kei uh hi. Israel sunga kamsangpa Elisha in Israel kumpipa kiangah na lupna inndei sunga na gen tektek a gen hi," a ci hi.

Phatna-late 25:14

TOPA in amah a kihtate muang a; a thukhun amaute a theisak hi.

Isaiah 18:4

TOPA in kei tungah, "Nitang sunga a lum hiuhiau bang le anlak nisa-a daitui a paii meii bangin dai dide in ka tenna munah ka om ding hi," hong ci hi.

Jeremiah 23:22

Ahi hangin kei tawh thu kikumin ding khin uh hileh ka mite tungah ka kammalte gen ding uh a, a gitlohna panun kikhelsakin a gamtat hoih lo panun kiheisak ding hi.

Ezekiel 29:21

"Tua ni ciangin Israel innkuante adingin ki b khat ka khangkhiasak dinga, amaute lakah na kam ka hong ding hi. Tua ciangin amaute in keimah TOPA ka hilam hong thei ding uh hi," hong ci hi.

Daniel 10:21

ahi hangin a masapenin thumaan Laibu sunga kigelh thu kong gen ding hi.

Daniel 11:2

"Tua ciangin, tu-in thutak kong geninah: Persia ah kumpi dang thum hong khang dinga, tua khit ciang adang khempeuh sangin a hauzaw tham ding alina hong khang ding hi. Ama hauhna hangin a vangliat ciangin Greece kumpi-gam langpang dingin mi khempeuh a tokbuai ding hi.

Daniel 2:47

Kumpipa in Daniel kiangah "Na Pasian, pasiante’ Pasian hitakpi-in kumpite’ Topa hi a, thuthuk a laakkhiapa ahi hi; ahang in, note in hih thuthuk nong laakkhia thei tazen uh hi," a ci hi.

John 15:15

Silate in a pu nasep thei lo uh ahi manin note silate kong ci nawn kei hi, tua sangsikin ka Pa tung pana ka theih khempeuh note hong theisak khin ka hi manin lawmte kong ci ta hi.

Kilaakna 1:1

Pasian in a sawt lo-a tung pah dingte a nasemte tungah lak dingin amah a piak Jesu Christ kilaakna ahi hi. Amah in ama vansawltakte sawlin ama nasem John tungah theisak a,

Kilaakna 1:19

"Tua ahi manin na muhsate, tu laitak a om le tu nung cianga hong om dingte gelh in.

Kilaakna 10:7

Ahi hangin vansawltak a sagihna in a pengkul a mut kuan laitakin, ama nasemte ahi kamsangte tunga a zaksak bang tektek in, Pasian thuthukte a tungkim ta ding hi," a ci hi.

Kilaakna 4:1

Hih teng khit ciangin ka et leh vantung ah kong kihongsa khat ka mai-ah ka mu hi. Ka aw zak masak pen in pengkul bangin kei tungah, "Hih lai-ah hong paito in, hih khit cianga a tung pelmawh ding kong lak ding hi," hong ci hi.

1 Samuel 9:15

Saul a kuan ma ni khat lai-in TOPA in Samuel tungah laak khin a: