2 Timothy 2:2 - Zokam International Version

² Teci mi tampi mai-ah ka gen na zaksa nate midangte zong a hilh thei dinga a cin, a muanhuai mite na kemsak in.

LAISIENGTHOU CL Bible (BSI)

² Theipitu tampite lah a ka thugen na zahte, mi muonhuoi, midangte zong hilsawn thei dingte kungah kemsah in.

Zo Bible

² teci tampite tungtawnin kei tung pana na zahsa thute, midangte zong a hilsawn thei ding mi muonhuoite tungah na ap in.

2 Timothy 2:2 ပူးပေါင်းရင်းမြစ်များ

Ezra 7:10

Ahang in, TOPA Thukham sin ding, tang ding, ama thukipte le thukhamte Israel-te laka hilh dingin amah a kipia khin zo hi.

Ezra 7:25

Tuateh nang Ezra in nangma neihsa na Pasian pilna tawh kizui-in, Euphrates-Gal a om mite na Pasian thukham a thei khempeuh, thutanga a uk ding thu vaihawmte le thukhente seh in. A thei lote na hilh ding hi.

Nehemiah 7:2

Jerusalem a kem dingin ka sanggampa Hanani tawh kumpi khua ukpa Hananiah ka sehkhawm a hi; bang hang hiam cih leh amah a citak mi khat hi-a, midang khempeuh sangin Pasian a kihta zaw hi.

Phatna-late 101:6

Gam sunga mi muanhuaite tungah ka mit tu dinga, kei tawh tengkhawm thei ding uh hi; paubaang lo a kalsuan mi in ka na a sem ding uh hi.

Paunakte 13:17

Migilo kamtaipa in buaina tuak a, a muantak palai in damna a puak hi.

Jeremiah 23:28

Kamsang mang manpa in a mang gen henla ka kammal nei pa in zong muanhuaitak mahin gen ta hen. Buhtu le buhtang bangci kibat thei ding ahi hiam?" TOPA in cikhia hi.

Siampi Laibu 14:42

Tua ciangin amaute in hihte suang dangin laih ding uh a, buan thak la-in inn a zut ding uh hi.

Malachi 2:7

Siampipa kam in theihna a kep kula a mukpanin mite in hilhna a zong ding uh hi - bang hang hiam cih leh amah Thahatpen TOPA thupuakpa ahi hi.

Misimna 12:7

Ahi hangin ka nasem Moses tua bang ahi kei hi; amah ka inn sung khempeuh ah a muanhuai hi.

Matthew 13:52

Amah in amaute kiangah, "Tua ahi ciangin vantung gam thu tawh kisai-a lam a kilaksa thukham siate khempeuh, ama sumkholna pana a gou a lui le a thak a pusuahkhia inn neipa tawh kibang hi," a ci hi.

Matthew 24:25

Thei ta un, hih thute a hun ma-in kong hilh hi.

Luke 12:42

Topa in, "Tua ahileh ama inn sunga nasem dangte ukin, amaute a hunhuna an a pia dinga a pu in a koih, a muanhuai a pil sungtapipa kua ahi hiam?

1 Corinth-te 4:2

Kep ding a kipiakna mite a muanhuai pelmawh ding uh kisam hi.

2 Corinth-te 2:14

Ahi zongin Christ hanga gualzawhna ah hong makaih den kote tungtawna ama theihna namtui mun khempeuh ah a kizelsakpa Pasian tungah lungdamna om ta hen.

2 Corinth-te 3:5

Na khatpeuh ko pana piang hi, ci-a ngaihsun dingin ko mahmah in kicinna ka nei kei uh hi. Kote kicinna Pasian tung pan hizaw hi.

Colosse-te 1:7

Note in ka it uh, ka naseppih uh kote c tanga Christ nasem muanhuai Epaphras tung panin na za uh a,

1 Timothy 1:12

Muanhuai hong sa a, ama nasem dinga hong koih, tha hong guan i Topa Christ Jesu tungah ka lungdam hi.

1 Timothy 1:18

Ka tapa Timothy aw, nang thu tawh kisai, khatvei lai-a genkholhnate tawh kituakin hih lamlahnate kong pia hi. Tua lamlahnate zui-a, upna le lungsim kitheihna hoih lenin galdona hoih na do theih nading ahi hi.

1 Timothy 4:14

Upate in na tungah a khut uh a ngak laitak uh a thu genkholhna thupuak tungtawna hong kipia na letsong thudon loin om kei in.

1 Timothy 4:6

Nang in hih nate, sanggamte kianga na hilhkhiat leh upna le na zuihsa thuhilhna hoih thutakte sunga khangto Christ Jesu nasem hoih khat na hi ding hi.

1 Timothy 5:22

Mi tungah khutngak ding man langlua kei inla, midang mawhna ah va kikum kei in. Nang le nang a siangtho-in kikem in.

1 Timothy 6:12

Upna galdona hoih na do in. Hong theihpih tampite mai-ah kipulakna hoih na neihsa, hong sapna, tua nuntak tawntungna limtakin lenkip in.

2 Timothy 3:10

Bangbang ahi zongin nang, ka thuhilhna thu khempeuh, ka nuntak zia, ka ngim ka tup, upna, lungduaina, itna, sikdona,

2 Timothy 3:14

Ahi hangin nang na hileh na sinsa le na kipsansa ah kip den in. Bang hang hiam cih leh nang in tuate na sinna pa na thei-a,

Hebrews 2:17

Hih thu hangin Pasian na a sepna sungah mi lainat siam le a muanhuai tulpi a suah nading le mite mawhnate thoihdamna a bawl theih nadingin g lam khempeuh ah a sanggamte mah bangin hong suah ding mah ahi hi.

1 Samuel 2:35

Keimah mah in ka lungsima om ka ngaihsut bangin a sem ding siampi muanhuai khat ka khangsak ding hi. Ama inn kiptakin ka phut dinga ka sathau nilhpa mai-ah na a sem tawntung ding hi.