2 Samuel 24:16 - Zokam International Version

¹⁶ Vansawltak in Jerusalem susia dingin a khut a zan ciangin tua siatna hangin TOPA dah a, mite a gimsak vansawltak kiangah, "Pha zo! Na khut dokkik in," a ci hi. Tua ciangin Jebus-te Araunah’ an cilna ah TOPA vansawltak a om hi.

LAISIENGTHOU CL Bible (BSI)

¹⁶ Tualeh Pasian vansawlsieng in suse dinga Jerusalem tunga akhut alaptou laitahin Mangpa’n sil hoilou abawl tup akipat alungsim ahenga, tualeh mipite sumangtu vansawlsieng kungah, “Hunta, na khut zah nawn sin,” achi hi. Tuachi’n Mangpa vansawlsieng khu Jebusmi Araunah phuol kungah a um hi.

Zo Bible

¹⁶ Ahi vangin Jerusalem a susie dingin vantungmi in a khut a zah laitahin Topa in sil hoi lo bawl ding ki-awi loin mite lahah sietna bawlpa vantungmi kungah, “Pha zo ta; tu-in khawl ta’n,” a ci hi. Tua ciengin Jebus-te Araunah’ ancilna gei-ah Topa’ vantungmi a om hi.

2 Samuel 24:16 ပူးပေါင်းရင်းမြစ်များ

Piancilna 10:16

le Jebus-te, Amor-te, Girgash-te,

Piancilna 6:6

Leitungah mi a bawl TOPA dah a, a lungsim na mahmah hi.

2 Samuel 24:18

Tua ni-in David kiangah Gad pai a, "Paito inla Jebus-te Araunah ancilna munah TOPA adingin biakna-tau khat dawh in," a ci hi.

2 Samuel 5:8

Tua ni-in David in, "Jebus-te a zo peuhmah in David galte a ahi ‘mittaw le khebaite’ omna mun a tun nadingun tuidum b a zang ding uh hi," ci hi. Tua hangin amaute in, "Tua mittaw le khebaite kumpi inn sungah a lut kei ding uh hi," ci uh hi.

1 Kumpite 19:4

amah guak sehnel-gam ah ni khat lam a pai lai hi. Amah poding kung phung khat tunga, a nuai-ah tu-in a sih nading thu a ngen hi. Amah in, "Kicing ta hi, TOPA aw, ka nuntakna la in; ka pu ka pate sangin ka hoih zaw kei hi," a ci hi.

2 Kumpite 19:35

Tua zanin TOPA vansawltak kuankhia a, Assyria-te giahphual ah mi tul zakhat le tul sawmgiat le tulnga a that hi. A zingciang zingsang mite a thawh uh ciangin - tua lai-ah mi sisa luang khempeuh a na om hi!

1 Khangthute 1:14

Jebus-te, Amor-te, Girgash-te

2 Khangthute 3:1

Tua ciangin Solomon in a pa David tunga TOPA a kilaakna mun Jerusalem a Moriah Vum ah TOPA biakinnpi lam a kipan hi. Tua mun pen Jebus-te Araunah d ancilna David gelnasa mun ahi hi.

2 Khangthute 32:21

Tuateh TOPA in Assyria kumpipa giahphual-a om galkapte le makaite le uliante khempeuh a susiamang ding vansawltak khat a sawl hi. Tua ciangin amah lungkia-in a gamah a nungkik ta hi. Tuateh ama pasian biakinn sungah a pai ciangin a tapate pawlkhat in namsau-in amah a thatlum uh hi.

Phatna-late 135:14

Ahang in, TOPA in a mite tungah thu khenin a nasemte a khuatuah ding hi.

Phatna-late 35:6

TOPA vansawltak in a delh amaute lampi mialin nal ta hen.

Phatna-late 78:38

Hinapi aman lainat veve a; amau tatkhialhnate maisakin a siasak kei hi. Hun khat khit hun khat a hehna ki-ip a, a thangpaihna a kimin a suahkhia kei hi.

Phatna-late 90:13

TOPA aw, hong kileh kik in. Bangtan sawt lai ding na hiam? Na nasemte hong khuatuah in.

Paikhiatna 12:13

Na omna uh inn-a sisan kinuh pen note adingin lim hi ding hi; tua sisan ka muh ciangin note kong paisan ding hi. Egypt-te ka vat ciangin a nasia gimna bangmah in note hong sukha kei ding hi.

Paikhiatna 12:23

Egypt mite satlum dingin gamsung khempeuhah TOPA a pai ciangin kongmung tung le a pangtuaka sisan mu dinga, tua kongvang paisanin, amah in a susiapte na inn sungah tumsak loin no hong kisatlum lo ding hi.

Paikhiatna 32:14

Tua ciangin TOPA in a lungsim hei-a, a mite tunga tunsak ding a cih siatna a tungsak kei hi.

Paikhiatna 9:28

Gialpi le vanging ka kham ta uh hi, TOPA kiangah thu ngen un. No kong paisak ta ding hi; tu-a ban na omlai ding uh kisam nawn lo hi," a ci hi.

Isaiah 27:8

Kidona a hanga saltang amah tawh a mawh khawmte - nisuahna huih nun ni bangin ama huih hat in tuanu a delhkhia hi.

Isaiah 57:16

Mihing huu ka piansaksa hi a - ka mai-ah mihing lungsim gim ding ahi manin ka mawhsak suak kei dinga, ka heh tawntung kei ding hi.

Jeremiah 26:19

"Judah kumpipa Hezekiah ahikeh Judah mi khatpeuh in that ahi hiam? Hezekiah in TOPA kihta-in a maipha zongzaw hi lo ahi hiam? Tuateh TOPA in amau tungah tunsak dinga a zaksaksa siatna khel kik hi lo ahi hiam? Eite in i tungah a lauhuai siatna i kitun dektak hi!" a ci uh hi.

Jeremiah 42:10

‘Hih gam ah na omsuak uh leh note hong phelkek loin kong lam dinga; hong botkhia loin kong suan ding hi, ahang in, note tungah siatna kong tunsak ka dah hi.

Amos 7:3

Tua ciangin TOPA in a hehna a khiam hi. TOPA in, "Hih thu a piang nawn kei ding hi," a ci hi.

Amos 7:6

Tua ciangin TOPA in a hehna a khiam hi. Thupipen TOPA in, "Hih zong a piang nawn kei ding hi," ci hi.

Habakkuk 3:2

TOPA aw, na minliatna ka za khin a, na sepsate lamdang ka sa mahmah hi, TOPA aw. Ko hunin hong thaksuaksakin, ko hun mahin kitheikhiasak inla, na thangpaih hunin nong lainat ding phawk in.

Zechariah 9:7

Amaute kam panin sisan ka lakhia dinga, amaute hakawm panin a kikham ante ka lakhia ding hi. A kinusia laite i Pasian aa hi dinga Judah-te tungah makaite suakin, Ekron ahileh Jebus mite abang ding uh hi.

Mark 14:41

A thumveina va pai kika, amaute kiangah, "Note ihmu lailai-in tawlnga lailai na hi uh hiam? Pha zo ta! A hun hong tung ta hi. En un, mawhneite khut sungah Mihing Tapa a kilehhek hun hong tung petmah hi.

Nasepte 12:23

Herod in, Pasian phatna pia lo ahi manin Topa vansawltak khat in, amah sattukin than in ne-a a si hi.

1 Corinth-te 10:10

Amaute pawlkhat phun uh a, a thatgam thei vansawltak in amaute a thah bangin eite phun kei ni.

2 Corinth-te 2:6

Mi a tamzawte in ama tungah gawtna a piak uh ama adingin kicing khin hi.

Joshua 15:63

Judah in Jerusalem a teng Jebus-te a hawlkhia zo kei hi; tuni dongin Jebus-te tua lai-ah Judah mite tawh a tengkhawm uh hi.

Thukhente 1:21

Ahi zongin Benjamin-te in Jerusalem a teng Jebus-te a nawhkhia zo kei uh hi; tuni dongin Benjamin-te tawh Jebus-te a tengkhawm uh hi.

Thukhente 19:11

Jebus kiang a tun uh ciangin ni tum dektaka a nasempa in a pu kiangah, "Hong pai un, hih Jebus-te khuapi ah tungin zantaam ni," a ci hi.

1 Samuel 15:11

"Saul in kei hong pialsanin ka lamlah bangin sem lo ahi manin kumpi ka suahsak ka dah hi," a ci hi. Samuel lungmanga, tua zan tawntung TOPA tungah a kiko hi.