2 Samuel 23:5 - Zokam International Version

⁵ "Ka innkuan Pasian tawh kizopna man hi lo ahi hiam? Amah in kei tawh tawntung thukhun bawl khin a, a khen kimin kipsak hi lo ahi hiam? Ka hotkhiatna gahsuah loin ka deih khempeuh hong pia loin om ding hiam?

LAISIENGTHOU CL Bible (BSI)

⁵ Ka innkuonte Pasian a kipan ahi sih uh amah? kumtawn thuhun ka kungah ahunga, bangkim kitup tah a sudet in, ka hundamna kim leh deidan kim, adawnsuong sah sih ding amah?

Zo Bible

⁵ Ka innkuon zong Pasien tawh tua bangma hi lo amah? Azieh pen ama in kei tawh tawntung thuciemna bawl zo a, na zosie a hoi a kipin a bawl hi. Ama in ka lunggulna le ei panpina zosie ang kibelapsah sih ding amah?

2 Samuel 23:5 ပူးပေါင်းရင်းမြစ်များ

Piancilna 9:16

Meii lakah sakhituihup a kilat simin ka mu dinga Pasian le leitunga om a nungta ganhing nam khempeuh kikalah a kip tawntung thukhun ka phawk ding hi," ci hi.

2 Samuel 12:10

Tua ahi ciangin tu-in na inn le namsau a kikhenkhia ngei kei ding hi, bang hang hiam cihleh kei nong simmawh a Hit mipa Uriah’ zi nang adingin na sut hi,’ ci hi.

2 Samuel 13:14

Ahi hangin a thu ngai lo a tuanu sangin amah hatzaw ahi manin a buangawp hi.

2 Samuel 13:28

Absalom in a mite kiangah, "Ngai un! Amnon in zu a kham mahmah ciangin, ‘Amnon satlum un,’ kong cih ciangin that un. Lau kei un. Thu hong pia khin hi lo ka hi hiam? Kihatsakin kihangsak un," ci-in thu a pia hi.

2 Samuel 18:14

Joab in, "Hih bangin nang hong ngak man nawn kei ning," a ci hi. Tua ciangin teikhawh thum la a, tawi-in tawsaw kawmah a hing lai-a om Absalom lungtang ah tuate in a sun hi.

2 Samuel 7:12

Na nite bei-in na pate tawh na khawlkhawm ciangin na zalaih ding nangma suan nang sunga piang dingte mah ka lamto dinga ama kumpi-gam ka phutkip ding hi.

2 Samuel 7:18

Tua ciangin kumpipa David sungtumin TOPA mai-ah tu a: "Thuneipen TOPA aw, hih ciang nong tunpih dingin kei kua hi-a, ka innkuanpihte bang ahi hiam?

1 Kumpite 1:5

Tu-in a nu Haggith tapa Adonijah amah le amah kikausiphumin, "Kumpi ka suak ding hi," a ci hi. Tua ciangin amai-a tai ding mi sawmnga, sakol-lengte le sakolte a tawh a kithawisak hi.

1 Kumpite 11:38

Nang in kong sawl peuhpeuh hih a, ka lampite tawnin ka nasempa David hih bangin ka ngeina kipte le ka thupiakte zuihna tawh ka mit muhna ah amaanin na gamtat leh nang kong ompih ding hi. David adingin ka kipsak bangin na ukna ka kipsak dinga, nang tungah Israel kong pia ding hi.

1 Kumpite 12:14

khangnote ngaihsutpiakna zui a, "Ka pa in na hakkol uh giksak hi; ke’n ka giksak zaw lai ding hi. Ka pa in khauteep tawh hong sat hi; ke’n aikam tawh kong sat ding hi," a ci hi.

Phatna-late 111:9

Amah in a mite adingin tatkhiatna guan a; a thukhun kipsak denin - a min siangtho-in, lipkhaphuai hi.

Phatna-late 119:81

Na hotkhiatna ngai-in ka hinna zawm a, ahi hangin na thu ah ka lametna ka nga hi.

Phatna-late 27:4

TOPA thu khat ka donga ka zon hih ahi hi: ka nuntak sung tawntung TOPA inn sungah ka ten theih nading, TOPA mel hoihna enin ama biakinnpi ah amah ka zon theih nading ahi hi.

Phatna-late 62:2

Keima suangpi le ka kihotkhiatna amah bek hi a; keima kulhpi amah ahi hi, hong kiling zo kei ding hi.

Phatna-late 89:3

Nang, "Ka teelsapa tawh thukhun ka bawl khin a, ka nasempa David tungah kiciamin,

Isaiah 11:1

Jesse bulpi panin hiang khat selkhia dinga, a zungte lak pan a Hiang khat in gah a gah ding hi.

Isaiah 27:6

Hong tung ding tua ni ciangin Jacob in zungkha dinga, Israel selkhia-in pak dinga, leitung khempeuh ah a gah a dim ding hi.

Isaiah 4:2

Tua ni ciangin TOPA Hiang melhoih in minthang dinga, leitung pana piang gahte, a suakta lai Israel-te kiphatsakpih le a minthanna uh ahi ding hi.

Isaiah 54:10

Mualliante kilokin mualneute kikhin taleh, nang kong itna kip kiling lo dinga, ka lemna thukhun zong a kikhin kei ding hi," nang hong khuatuah TOPA in ci hi.

Isaiah 55:3

Na bil uh hong ngat unla kei hong zuan un; na nuntak theih nadingun ka thu ngai un. David tungah a muanhuai itna ka ciam bangin note tawh tawntung thukhun ka bawl ding hi.

Isaiah 61:8

Ahang in, keimah TOPA in thutang ka it a; mite neihsa suhna le khialhna ka mudah hi. Ka muanhuaina hangin amaute pahtakman ka pia dinga, amaute tawh tawntung thukhun ka bawl ding hi.

Isaiah 7:14

Tua ahi ciangin Topa mahmah in lim khat nang a hong pia ding hi. Tua nungak bit gai-in tapa khat nei dinga ama b min Immanuel c kici ding hi.

Jeremiah 32:40

Amaute tawh tawntung thukhun bawlin amaute hoih nading ka bawl den dinga, kei hong taihsat ngei nawn loh nadingun kei kihtakna ka muam ding hi.

Jeremiah 33:21

tua ciang bekin ka nasempa David tawh ka thukhun le - keima mai-a siampi nasem Levi-te tawh ka thukhun - kisia thei pan dinga, David in ama tokhom a luah ding suan le khak a nei kei pan ding hi.

Ezekiel 37:26

Amaute tawh kilemna thukhun ka bawl dinga, tua pen tawntung thukhun hi ding hi. Amaute kipsakin ka pungsak dinga, amaute lakah ka munsiangtho a tawntungin ka koih ding hi.

Amos 9:11

"Tua ni ciangin a puksa David puanbuk angei ka bangsak kik ding hi. A kisiatna mun teng ka puah dinga, a sia teng angei bangin a kizang thei kik dingin ka lam ding hi.

Nasepte 13:34

a muat ngei nawn lo dinga Pasian in misi pana a thawhsak takpina thu, hih thute: "‘David tunga kamciamsa, a siangtho le a kip thupha nang kong pia ding hi,’ d ci-a,

Hebrews 13:20

Tawntung thukhun sisan tungtawn in a lian Tuu cingpa i Topa Jesu misi pana a thosak tua lemna Pasian in,

Hebrews 6:19

Eite in tua lametna kha adingin sikkipin i nei a, kip mahmah in muanhuai hi. Tua in, puanzak nung mun siangtho sungnung ah lut-a,

1 Samuel 2:35

Keimah mah in ka lungsima om ka ngaihsut bangin a sem ding siampi muanhuai khat ka khangsak ding hi. Ama inn kiptakin ka phut dinga ka sathau nilhpa mai-ah na a sem tawntung ding hi.

1 Samuel 25:28

TOPA in ka pu’ kumpi-gui kizomsuaksak taktak ding ahi manin nong hehpihna-in ka khialhna hong maisak in; bang hang hiam cih leh amah in TOPA galte a do hi. Na nuntak sung tawntung nang tungah khialhna kimu kei ta hen.