2 Samuel 2:26 - Zokam International Version

²⁶ Abner in Joab kiangah, "Namsau in a nawmvalh den ding kul ahi hiam? A tawpna ah khaatna ahi ding lam seh thei lo na hi hiam? A sanggamte uh a delh uh a khawl nadingun thu na piak ding bang tanvei sawt khin ahi hiam?" ci-in a otsan hi.

LAISIENGTHOU CL Bible (BSI)

²⁶ Tuachi’n Abner in Joab ahan a, akungah, “Namsau a kidou kumtawn ding ihiei mah? atawp na khu kimudana khat ahi ding chi na thei sih amah? mipite a unaute uh anuadelna ua kipat a nuakia dinga hillou a bangtan vei ahiei na um ding?” achi hi.

Zo Bible

²⁶ Tua ciengin Abner in Joab hlan a, “Namsau in mi a nawmval den ding ma amah? A tawpna ah hamsa zaw ding hi, ci thei lo na hi amah? A sanggamte a nuadelna panin a kihei nadingun na mite thu na pieh ding bang tanvei sawt lai ding ahei?” a ci hi.

2 Samuel 2:26 ပူးပေါင်းရင်းမြစ်များ

2 Samuel 11:25

David in kamtaipa kiangah, "Joab tungah, ‘Hih thu ah kilung-khamsak kei in; namsau-in khat le a dang khat mah a si ngei ahi hi. Khuapi nak sim mahmah unla susia un,’ ci-in Joab hanthawnna-in hih thu na gen in," ci-in a gen hi.

2 Samuel 2:14

Tua ciangin Abner in Joab kiangah, "I tangvalte pawlkhat dingsakin i mai-ah kilaisak ni," a ci hi. Joab in, "Hi mah hen, kilaisak mah ni," a ci hi.

2 Samuel 2:16

Tua ciangin amau kisikpih ciat a lu-in kibawh ciat uh a, a lang ciat uh teneem ah temta in sun ciatin a vekun a tukkhawm uh hi. Tua ahi ciangin Gibeon-a tua mun Helkath Hazzurim b kici hi.

2 Samuel 2:25

Tua ciangin Benjamin mite Abner nungah a kikhung uh hi. Amaute honkhat kisuahin mualtung khatah a pang uh hi.

2 Samuel 2:27

Joab in, "Pasian nuntakna lo a kong geninah, hong gen lo hi lecin mite in zingsang dong a sanggamte uh a delh den ding uh hi," c ci-in a dawng hi.

Job 18:2

"Na paupau khawl hun nei lo ding na hiam? Khawl hun thei lecin ko kong pau thei pan ding uh hi.

Job 19:2

"Bang tanvei hong bawlsia in kammal tawh hong gawizan ding na hi uh hiam?

Phatna-late 4:2

Mihingte aw, ka minthanna bangtanvei maizumna suaksak lai ding na hi uh hiam? c Bang tanvei ngaihsut khialhna itin pasian manlote zong lai ding na hi uh hiam? d

Paunakte 17:14

Kitot kipatna in tuicinna keh tawh kibanga; kisel ma-in khawl zawk ding ahi hi.

Isaiah 1:20

ahi hangin hong langpanga nong lehdo uh leh namsau in hong nawmvalh ding hi," Ahang in, TOPA kam in a gensa ahi hi.

Jeremiah 12:12

TOPA namsau in gammong khat panin mong khat dong a vatmai nadingin sehnel-gam khosang khempeuh panin a susiate hong kuan ding uh a; khat beek a suakta kei ding uh hi.

Jeremiah 2:30

"Na mite a mawkna-a dan pia ka suak hi; amaute a kibawlpha nuam kei uh hi. Humpinelkai gilkial bangin na namsaute un na kamsangte uh a liakmang khin hi.

Jeremiah 4:21

Galsimna bangtan vei mu lai-in pengkul aw bangtan vei ka za lai ding hiam?

Jeremiah 46:10

Ahi hangin tua ni Topa in a galte tunga phulak nading phulak ni hi a, Thahatpen TOPA aa ahi hi. Namsau in a kham mateng valhin a dangtak a kap mateng a sisan dawn ding hi. Ahang in, Topa Thahatpen TOPA in leilu-lam gam Euphrates Gun gei-ah kithoihna-in a nei ding hi.

Jeremiah 46:14

"Hih thu Egypt ah zasak unla, Migdol ah tangko un; Memphis b le Tahpanhes ah zong tangko-in: ‘Na kimkota mite namsau in valh ahi manin kigalging unla kithawi un,’ va ci un.

Hosea 11:6

Amau khuapite sungah namsau kilek dinga, amau kongpi kalhnate kisusia in a geelnate uh kibeisak ding hi.

Nasepte 7:26

A zing ciangin Israel mite nih a kilai laitak Moses in a tuak hi. Amah in amaute lep sawmin, ‘Guaite aw, note sanggam khat hi napi, bang hanga khat le khat kisiasak nuam na hi uh hiam?’ ci hi.