2 Samuel 17:14 - Zokam International Version

¹⁴ Absalom le Israel mite khempeuh in, "Ahithophel ngaihsutna sangin Ark-te Hushai ngaihsutna hoihzaw hi," a ci uh hi. Ahang in, Absalom tungah siatna a tun theih nadingin TOPA in Ahithophel piak ngaihsutna a hoihzaw-a a sehsa ahi hi.

LAISIENGTHOU CL Bible (BSI)

¹⁴ Tuachi’n Absalom leh Israel mi zousie in “Ark mi Hushai lemguot khu Ahithophel lemguot sangin ahoizaw,” achi uhi. Aziehpen Mangpa’n Absalom tunga sil hoilou atunsah theina ding a, Mangpa’n Ahithophel lemguotna hoitah dalna dinga ana guotzou ahita hi.

Zo Bible

¹⁴ Absalom le Israel mi zosie in, “Ahithophel’ thumop sangin Archi mi Hushai’ thumop hoizaw hi,” a ci uhi. Bang ding ahei cile Topa in Absalom tungah sietna a tunsah thei nadingin Ahithophel’ thumop khu a guolel mawng dinga Topa’ sesa ahi hi.

2 Samuel 17:14 ပူးပေါင်းရင်းမြစ်များ

Piancilna 32:28

Tua ciangin mipa in, "Na min Jacob hi nawn loin Israel h hi ding hi; bang hang hiam cih leh Pasian le mite tawh na kilai a na zo khin hi," ci hi.

2 Samuel 15:31

Tua hunin David kiangah, "A lehdo mite lakah Absalom tawh Ahithophel kipawl hi," ci-in a kigen hi. Tua ciangin David in thu ngen a, "TOPA aw, Ahithophel kuppihnate haina suaksak in," a ci hi.

2 Samuel 15:34

Ahi hangin khuapi ah kileh kik inla Absalom kiangah, ‘Kumpipa aw, na nasem kong suak ding hi; a beisa hunin na pa’ nasem ka hi hi; tu-in nang nasem kong suak ding hi,’ va ci lecin Ahithophel ngaih-sutpihna lawhsamsakin kei nong huh thei ding hi.

2 Samuel 16:23

Tua hi a, tua hun lai-in Ahithophel ngaihsutna, Pasian dot tawh a kibang ahi hi. Tua bangin David le Absalom in Ahithophel ngaihsutna a thupi sim uh hi.

2 Khangthute 10:15

Tua bangin kumpipa in mipi thu a ngai kei hi; ahang in, hih thukawng-kihekna Pasian pan hi-a, TOPA in Shiloh-te Ahijah tawna Nebat tapa Jeroboam tunga a gensa thu a tangtunna ahi hi.

2 Khangthute 10:8

Ahi hangin Rehoboam in upate piak ngaihsutna nial a, amah tawh a khangkhawm ama nasem khangnote a dong hi.

2 Khangthute 25:16

Amah a paupau laitakin kumpipa in, "Kumpipa thudot khatin nang hong kikoih khin ahi hiam? Khawl in! Bang hangin hong kisattuk ding hiam?" a ci hi. Tua ciangin kamsangpa khawl a, ahi hangin, "Na hici gamtatna hang le kong genpih na ngaih lohna hangin Pasian in nang siatsak dingin a khensat lam ka thei hi," a ci hi.

2 Khangthute 25:20

Ahi zongin amaute in Edom pasiante zong uh ahi manin Pasian in Jehoash tungah amaute a piak theih nadinga a hih ahi manin Amaziah in a mang nuam kei hi.

Nehemiah 4:15

Ka galte un amau hong sawmna ka theih lam le Pasian in amaute geelna a phiatsak ciangin kulha ka nasepna ciat uhah ka kuan kik uh hi.

Job 12:17

Thudotte hawkkhia-in pimanga, thukhente a haisak hi.

Phatna-late 9:15

Minamte, amau tawhsa gum sungah kia khin uh a; amau siahsim lenthang ah a khe uh a awk khin hi.

Phatna-late 9:16

Ama thutang hangin TOPA kithei khin a; migilote amau bawlsa thangah a awk uh hi. e

Paikhiatna 9:16

Ahi hangin ka vangliatna le leitung khempeuhah ka min a kitangko theih nadingin hih thu hangin nang kong sangsak to b hi.

Paunakte 19:21

Mihing lungsim in tampi geel-a, ahi zongin TOPA ngaihsut mah taksuak hi.

Paunakte 21:30

TOPA langkhatah pilna, thugil le ngimna a tangtung zo kei hi.

Isaiah 8:10

Thu vaihawm un, a mawkna hi lel ding hi; geelgeel un, na geelna uh a kip kei ding hi; ahang in, kote tawh Pasian om khawm hi. j

Tamlawhna 3:37

Topa sehkholh lohpi-in kua pau thei a, a ma gen bangin piang thei ahi hiam?

Amos 9:3

Carmel dawn ah amaute a bukuh hangin bengin ka man veve ding hi. Amaute kei hong kihta in tuipi taw ah a buk uh hangin tua lai-ah amaute tu dingin gulpi ka sawl ding hi.

Luke 16:8

"A pu in a simtat nasempa geelsiam mahmah ahi manin a phat hi. Ahang in, khuavak sunga om mite sangin hih leitung mite in amaute kibatpihte tawh kizop zia ah a geelsiam zaw uh hi.

1 Corinth-te 3:19

Ahang in, hih leitung pilna Pasian mitmuh ah haina ahi hi. "Amah in a pilte amau zuau siamna a ah a man hi" a cihleh

Thupiakkikna 2:30

Ahi hangin Heshbon kumpipa Sihon in hong kantansak nuam lo hi. Ahang in, TOPAnote Pasian in tua a sepsa bangin note khut sungah amah hong piak nadingin ama lungsim khauhsakin a lungtang a genhaksak hi.

Joshua 11:20

Ahang in, TOPA in Moses a thupiaksa bangin lainat loin a vekpi un susia mang a a cimansak theih nadingin Israel-te do dingin TOPA in amaute lungsim a khauhsak ahi hi.