2 Samuel 15:21 - Zokam International Version

²¹ Ahi hangin Ittai in kumpipa kiangah, "TOPA nuntakna le ka topa kumpipa nuntakna lo in ka gen hi, sih nading ahi-a hin nading ahi zongin ka topa kumpipa omna peuhpeuh ah na nasempa ka om ding hi," ci-in a dawng hi.

LAISIENGTHOU CL Bible (BSI)

²¹ Tualeh Ittai in leengpa adawnga, akungah “Mangpa hinna leh kapu hinna lou in kagen ahi, shina hiin hinna hitaleh kapu leengpa umna lam lam ah na suohpa ka um ding hi,” achi hi.

Zo Bible

²¹ Hinanle Ittai in kumpipa dawng a, “Topa hing a, ka pu kumpipa zong a hing ahi ma bangin, ka pu kumpipa opna popo-ah si leng hing leng na nasempa kang pei ding hi,” a ci hi.

2 Samuel 15:21 ပူးပေါင်းရင်းမြစ်များ

2 Samuel 15:22

David in Ittai kiangah, "Pai ou leh," a ci hi. Tua ciangin Gath mi Ittai a mite khempeuh le ama tonpih a innkuanpihte in a zuisuak uh hi.

2 Kumpite 2:2

Elijah in Elisha kiangah, "Hih lai-ah na om in; TOPA in Bethel ah kei hong sawl hi," a ci hi. Ahi hangin Elisha in, "TOPA nuntakna le nang nuntakna lo in ka cih inah nang kong nusia kei ding hi," a ci hi. Tua ciangin Bethel ah a paisuk khawm uh hi.

2 Kumpite 2:4

Tua ciangin Elijah in ama kiangah, "Elisha hiah na om in; TOPA in Jericho ah kei hong sawl hi," a ci hi. Tuateh, "TOPA nuntakna le nang nuntakna lo in ka cih inah, nang kong nusia kei ding hi," ci-in a dawng hi. Tua ciangin Jericho ah a paikhawm uh hi.

2 Kumpite 2:6

Tua ciangin Elijah in ama kiangah, "Hiah na om in TOPA in Jordan ah kei hong sawl hi," a ci hi. Tuateh, "TOPA nuntakna le nang nuntakna lo-in ka cih inah, nang kong nusia kei ding hi," ci-in a dawng hi. Tua ciangin amaute gel a tonkhawm uh hi.

2 Kumpite 4:30

Ahi hangin naupangno’ nu in, "TOPA nuntak na le nangma nuntakna lo in ka cih inah nang kong paisan kei ding hi," a ci hi. Tua ciangin amah dingin tuanu a zui hi.

Paunakte 17:17

Lawm khat in hong it tawntung a, sanggam pen haksat huna dinga suak ahi hi.

Paunakte 18:24

Kithuahpih tampi a neite kisia thei a, ahi hangin sanggam sangin a kicianzaw lawm a om hi.

Nasepte 11:23

Amah tungin, Pasian hehpihna a tunzia a muh ciangin a nuam mahmah hi. Amaute khempeuh in a lungsim khempeuh uh tawh Topa tungah a muanhuai nadingun a hanthawn hi.

Nasepte 21:13

Tua ciangin Paul in, "Bang hangin note kapa, ka lungtang tamkhamsak na hi uh hiam? Hong kihen bek tham loin Topa Jesu min hangin Jerusalem a sih ding nangawn a kigingkholsa ka hi hi," hong ci hi.

2 Corinth-te 7:3

Note mawhpaih nadinga hih thu hong gen ka hi kei hi. Note tawh sihkhawm ahi zongin nuntak khawm nading zah dongin kote lungsim sungah note na teng uh hi, cih kong genkhol khin zo hi.

1 Samuel 20:3

Ahi hangin David kiciama, "Nang tungah maipha ka ngah lam na pa in teltakin a thei hi; tua hi-a, amahmah in, ‘Jonathan dah kha ding ahi manin amah theisak peuhmah kei ning,’ ci ding hi. TOPA nuntakna le nang nuntakna lo-a ka cih in kei le sihna kikal, kal khat bekin sam lai hi," a ci hi.

1 Samuel 25:26

"Ka topa aw, nang sisan luansak nading le phu na lak nading panin na khut mahmah TOPA in hong khoh nungsang, TOPA nuntakna le nang nuntakna ka lo hi, nangma galte le ka pu a nasak nuam khempeuh Nabal tawh kibang ta hen.