2 Peter 3:7 - Zokam International Version

⁷ Tua thu mahin thukhen ni le a pasian-milote kisiat ni cianga mei-a hal dingin tu-a vantungte le leitung a kisit lai ahi hi.

LAISIENGTHOU CL Bible (BSI)

⁷ Hinanleh tua um vante leh leitung khu Pasian thu main, Pasian ngaisahlou mite vaihawmna leh manthaina ni a mei a suhsiet dinga kholkhawm ahita hi.

Zo Bible

⁷ Hizongle tua Pasien’ thu ma tawh tulai taha a om van le lei pen mei tawh haltum dinga kikoikhol ahi a, Pasien’ thu mang lote thukhenna hun ding le a kisuhsiet ding hun donga kikemcing ahi hi.

2 Peter 3:7 ပူးပေါင်းရင်းမြစ်များ

Phatna-late 102:26

Amaute mangthang ding uh a, nang na om den ding hi; amaute khempeuh puan bangin patkhia ding hi. Puan silh lai bangin tuate na kheng dinga, amaute a kinilkhia ding hi.

Phatna-late 50:3

Eite Pasian hong pai-in a dai kei ding hi; a mai ah mei khat in valhtum a, a kimkot ah pingpei a kinuai hi.

Isaiah 51:6

Daktoin vante ento unla, nuai-a leitung zong en un; vante meikhu bangin mang dinga, leitung puan bangin paatkhia-in a tunga tengte tho bangin a si ding uh hi. Ahi hangin ka hotkhiatna kip tawntung dinga ka thumaanna a bei ngei kei ding hi.

Isaiah 66:15

En un, mei tawisa-in TOPA hong pai a, ama sakollengte pingpei tawh kibang hi. A hehna in a thangpaihna hong puaksuk dinga, amah in meikuangin a taai ding hi.

Daniel 7:9

"Ka etet laitakin, "kumpi tokhomte kiphah a, Tangkum Pu hong tu hi. A puansilhte vuk bangin pak a; a lu-a samte tuumul bangin a ngo hi. A kumpi tokhom meikuang zuahzuah hi a, a tokhom peite khempeuh a tang leelaa hi.

Zephaniah 3:8

TOPA in cikhia hi, "Tua ahi ciangin ka mawhsak a ding ni na ngak un; ka hehluatna khempeuh- amaute tunga ka thangpaihna a thuak dingin minamte kumpi-gamte tawh kaihkhop ding ka lungsim ka khentat khin zo hi. Haza a ka hehluatna meikuang in leitung buppi a kangtum ding hi.

Malachi 4:1

"A ni hong tung takpi ta hi; pummei-a kang hong bang ding hi. A kiphasakte le migilote khempeuh ninpa keu tawh kibang ding uh a, hong tung ding tua ni-in amaute meikhuk ah a khul ding hi," Thahatpen TOPA in ci hi. "A bul a hiangin amaute a kinusiat kei ding hi.

Matthew 10:15

Thutak kong geninah, thukhen ni ciangin tua khua thuak nading sangin Sodom le Gomorrah thuakna a zangzaw ding hi.

Matthew 11:22

Ahi hangin ken kong geninah, thukhen ni ciangin no thuak ding sangin Tyre le Sidon-te thuakna zangzaw ding hi.

Matthew 11:24

Ahi hangin thukhen ni cianga nang thuak ding sangin Sodom thuakna zangzaw ding hi," a ci hi.

Matthew 12:36

Ahi hangin mite in amau motpaunasate uh tawh kisai-in thukhen ni ciangin a telin a gen ding uh hi.

Matthew 24:35

Van le lei a mangthang ding hi; ahi hangin ka thute a mangthang ngei kei ding hi.

Matthew 25:41

"Tua khit ciangin a veilam a omte kiangah, ‘Hamsiatna a thuakte aw, kei kiang pan taikhia un, dawimangpa le ama vansawltakte adinga kibawlsa tawntung meikuang sungah pai un.

Mark 6:11

Note hong ngai lo, na thu uh a ngai nuam lo munte na nusiat uh ciangin amaute langa teci panna-in na khepek ua leivuite singkhia un," a ci hi.

John 12:48

Kei hong nial a, ka thugente a sang lo mi ading thukhenpa khat a om hi. Ni nunung ni ciangin tua ka thu genkhiat tektek in amah a mawhpaih ding hi.

Rome-te 2:5

Ahi hangin na lungkhauhna le na kisik theihlohna lungtang hangin Pasian thukhenna maan a kilaak hun ahi Pasian’ thangpaihna ni adingin nang le nang tungah thangpaihna a khol na hi hi.

1 Corinth-te 3:13

tua Ni in tua nasep khuavak ah pholak ding ahi manin ama nasep bang ahi hiam cih a kilakkhia ding hi. Mei tawh tua nasep kilakkhia dinga, mei in mikim nasep ahina bangbang a zia-et ciat ding hi.

Philippi-te 1:28

note hong langpangte in bangmah lamah hong lausak zo lo cih zong ka thei ding hi. Hih in Pasian in amaute susia dinga note hong hon ding ahi na amaute tungah lim hi ding hi.

2 THESSALONIKA 2:3

Lam khat peuhpeuh ah kuamah na kikhemsak kei un, ahang in, lehdona piangin, siatna-a kisehsa thukham palsatna c mipa hong kilak mateng in tua ni hong tung lo ding hi.

1 Timothy 6:9

Ahau nuam mite ahileh khemna le thang, a haihuai le a nasak thei lunggulh-luatnate hangin siatna le manthanna sungah a puk uh hi.

Hebrews 12:29

Ahang in, eite Pasian pen a haltum mei ahi hi d.

2 Peter 2:9

hih bang teng hi ahileh Topa in a pasian-mite, zia-etna pan a suahtaksak nading ahi zongin a thumaan lote thukhen ni adingin a gawt c kawmkawma, a koih nading zia a thei hi.

2 Peter 3:10

Ahi hangin Topa ni, guta bangin hong tung ding hi. Aw ngaihpi tawh vantungte mangin, a bulpite mei-in kisiasak dinga, leitung le a sunga om na khempeuh kitol g mangsak ding hi.

2 Peter 3:12

Pasian ni hong tunpah ding na ngaklah kawmun h a siangtho le a pasianmi-a na nuntak ding uh kilawm hi. Tua ni in vantungte mei-a halsiatna tun dinga, a satna sungah a bulpite a tuisuak ding hi.

1 John 4:17

Thukhen ni cianga muang taka i om nadingin hih bangin eite lakah itna hong kicingsak hi. Bang hang hiam cih leh hih leitung ah amah tawh i kibang hi.

Jude 1:7

Tua bang zia in Sodom le Gomorrah le a kima khuapite in numei-pasal paktatna le lehtatna ah amau le amau kipia uh hi. Amaute, tawntung meikuang sunga gawtna thuak dingte etsakna a suak uh hi.

Kilaakna 17:11

Khat vei a omsa tu-a om lo gamsa pen, kumpi a giatna ahi hi. Amah tua sagihte aa ahi manin a kisia ding hi.

Kilaakna 17:8

Khat vei lai-a na muhsa tua gamsa, tu-in a om nawn kei hi. Kawhawmpi sung pan hong pusuakkhia-in ama kisiatna ah a pai ding hi. Lei kipiansak cila kipan, nuntakna laibu sunga a min kigelh nai lo leitunga teng mi khempeuh in, tua gamsa a muh uh ciangin, khat vei a om khin, tu-in om nawn lo napi hong pai ding ahi manin lamdang a sa mahmah ding uh hi.

Kilaakna 20:11

Tua ciangin alian akang kumpi tokhom le a tunga tupa ka mu hi. Ama mai-ah van le lei om nading mun om lo ahi manin a taimang hi.

Kilaakna 21:1

Tua ciangin a masa van le a masa lei mangthang a, tuipi lah om nawn lo ahi manin van thak le lei thak ka mu hi.