2 Peter 2:4 - Zokam International Version

⁴ Ahang in, vantung mite a mawh uh ciangin Pasian in zah lo a, hell a ah khia in thukhenna thuak dingin kawhawm b mialpi sungah koih ahileh;

LAISIENGTHOU CL Bible (BSI)

⁴ Vansawlsiengte nangawn akhel lai un, Pasian in akhawi sih a, gawtmun ah apai a, vaihawm pieh a um dingin kokhuh miel ah akhum zaw hi.

Zo Bible

⁴ Azieh pen vantungmite a maw ciengin Pasien in dawm vawt loin hell sungah khiesuh a, thukhen ni donga kep dingin khuomiel dum thuhpi sungah na khumcip ahile,

2 Peter 2:4 ပူးပေါင်းရင်းမြစ်များ

Job 21:30

thangpaihna hun panin c amah kihukhia hi, ci-a hong gente uh thusim lo na hi uh hiam?

Job 4:18

Pasian in a nasemte muang lo a, a vansawltakte mawhsak ahileh,

Phatna-late 78:50

Amah in a heh nading lampi khat bawl a; sihna pan amaute hawi tuan loin pulpi a tungsak hi.

Isaiah 14:12

Phalvak tapa zingsol aw, van pan bangci kiatsuk na hiam, khat vei lai-a minamte a niamkhiatpa lei ah hong kikhiasuk mawk hi lo maw!

Ezekiel 5:11

Tua ahi ciangin Thupipen TOPA in ka nuntakna ka lo hi, na bawl tawm uh milimte le a kihhuai na hihnate uh tawh ka munsiangtho ninsak na hi manun kong angvanna ka dokkik dinga hong hehpih loin kong hingkhawi kei ding hi.

Ezekiel 7:4

Hong hehpihin kong zah tuan kei ding hi. Note lakah a kihhuai-a na hihsate uh tawh kizui-in kong thuk taktak ding hi. Tua ciangin note in keimah TOPA ka hilam na thei ding uh hi.

Ezekiel 7:9

Hehpihna tawh hong en loin kong hawi kei dinga; na gamtatna uh le a kihhuai na gamtatnasate uh tawh kizui-in kong thuk kik ding hi. Tua ciangin note in tua banga hong thuaksak keimah TOPA ka hilam na thei ding uh hi.

Matthew 25:41

"Tua khit ciangin a veilam a omte kiangah, ‘Hamsiatna a thuakte aw, kei kiang pan taikhia un, dawimangpa le ama vansawltakte adinga kibawlsa tawntung meikuang sungah pai un.

Matthew 8:29

Amaute in, "Pasian Tapa aw, ko bang cih hong sawm na hi hiam? A kisehsa hun a tun ma-in kote bawlsia dinga hih lai-a hong pai na hi hiam?" ci-in a kiko uh hi.

Mark 5:7

Tuapa in, "A Sang Pen Pasian Tapa Jesu aw, kei bang hong cih nuam na hiam? Kei hong bawlsia lo dingin Pasian tungah kiciam in!" ci-in a aw neih zahin a awng hi.

Luke 10:18

Amah in, "Vantung panin khuaphelep bangin Satan hong kumsuk ka mu zo hi.

Luke 8:31

Tua ciangin amaute Kawhawmpi sungah a paisak loh nadingin ama kiangah a thumthum uh hi.

John 8:44

Note, na pa uh dawimangpa suan na hi uh hi. Tua ahi manin na pa uh deihna na tangtungsak nuam uh hi. Amah a cil panin tualthatpa hi-a, ama sungah thutak om lo ahi manin thutak a len kei hi. Amah zuau thei-a, zuauphuakte pa ahi manin zuau a gen ciangin ama pianpih pau-a pau ahi hi.

Rome-te 11:21

Tua hi-a Pasian in pianngei hiangte hawi lo ahileh nang zong hong hawi tuan kei ding hi.

Rome-te 8:32

Ama Tapa neihsun sit loin eite khempeuh ading hong pia pa in amah tawh na khempeuh hong citpiak khawm loin om ding ahi hiam?

Thupiakkikna 29:20

Ama mawhna TOPA in maisak nuam lo dinga; ama thangpaihna le a hazatna in tua mipa langah a kang ding hi. Hih laibu sunga hamsiatna khempeuh ama tungah tu dinga, TOPA in a min van kikhupsin nuai panin a phiatkhia ding hi.

2 Peter 2:11

Tua hi napi vansawltakte nangawn in, hatzaw in vanglianzaw ta le uh, tua bang mite langpangin Topa mai-ah kosiatna mawhsaknate a tun kei uh hi.

2 Peter 2:5

amah in tanglai leitung zah tuan loin a pasian-milote tungah tuicin tungsak a, ahi hangin thumaan a hilh Noah le adang sagihte hu ahileh;

2 Peter 2:9

hih bang teng hi ahileh Topa in a pasian-mite, zia-etna pan a suahtaksak nading ahi zongin a thumaan lote thukhen ni adingin a gawt c kawmkawma, a koih nading zia a thei hi.

1 John 3:8

A kipatcil-a kipan dawimangpa a mawhden ahi manin mawhna a bawl mi peuhmah dawimangpa pana piang ahi hi. Pasian Tapa hong kilatna ahang pen dawimangpa nasepna a susia ding ahi hi.

Jude 1:13

a zumhuaina uh a phuankhiasak zuahzuah tuipihual huai siate, a leng kawikawi aksite, amau adingin a mial pen khuamial, a tawntung a kisitsakte ahi uh hi.

Jude 1:6

Tua ciangin, a thuneihna dinmun uh kemcing lo a, a inn uh a taisan vansawltakte khuamial sungah khumcipin ni thupi Ni-a thukhen dingin tawntung sikkhainiang tawh a khih hi.

Kilaakna 20:10

Amaute a khem tua dawimangpa gamsa le kamsang zuaute a kipaihna kaat kuang lipi sungah a kilawn hi. Amaute sun le zanin a tawntung gawtna kithuaksak den ding hi.