2 Peter 2:1 - Zokam International Version

¹ Ahi hangin mihingte lakah kamsang zuaute a na om bang tektek in note lakah zong sia zuau a om ding hi. Amaute in siatna a piangsak thei thu-upna maan lote a simthamin hong lutpihin amaute a lei - thuneipipa Topa nangawn nial ding uh a, amau le amau siatna a kitun pah ding uh hi.

LAISIENGTHOU CL Bible (BSI)

¹ Hinanleh mite lah ah guolnei tahloute zong ana um zel mabangin, na lah uah zong thuhilmi tahloute ahing um ding uhi, amauten, amauh leipa Mangpa nangawn kitheimawbawlin, mi suse thei giindan tuomte aguhin ahing polut ding ua amauh tungah thakhat in sietna atungsah ding uhi.

Zo Bible

¹ Hizongle mite lahah kamsang zuoute a na op bang tehtehin note lahah zong sie zuoute ang om ding a, amate in sietna a piengsah thei ngaisutnate ang dap lutpi ding uhi. Amate a lei pa ahi a pupa nangawn a niel ding vua, amate mama in thakhatin sietna a thuohlaw ding uhi.

2 Peter 2:1 ပူးပေါင်းရင်းမြစ်များ

1 Kumpite 22:6

Tua ciangin Israel kumpipa in kamsangte kikhawmsak a - mi zali khawng - amaute kiangah, "Ramoth Gilead sim dingin ka kuan ding hiam, ahikeh ka thuak lel ding hiam," ci-in a dong hi. Amaute in, "Kuan in, Topa in kumpipa khutah hong pia ding hi," ci-in a dawng uh hi.

Paikhiatna 15:16

amaute tungah a mulkimhuai le launa tung dinghi. Na ban vangliatna tawh suangtum bangin dai dide ding uh - TOPA aw, na mite a paisuak mateng na leisa na mite a paisuak e mateng in.

Isaiah 9:15

a upate le a zahtak baangte a lutang hi-a, zuauthu a hilh kamsangte a mei ahi hi.

Jeremiah 29:21

Israel Pasian Thahatpen TOPA in, keima minin no tungah zuauthu hong hilhin Kolaiah tapa Ahab le Maaseiah tapa Zedekiah-te tawh kisai-a a gen hih ahi hi, "Amaute Babylon kumpipa Nebuchadnezzar tungah ka pia dinga, amah in note muh tektek in a that ding hi.

Jeremiah 37:19

Nang tungah thu hong gena, ‘Babylon kumpipa in nang ahikeh hih gam hong sim lo ding hi,’ a ci na kamsangte koi-ah om ahi hiam?

Jeremiah 6:13

"Aneupen pan alianpen dong a vekpi-un met nading ah huaiham uh a; kamsangte le siampite in a vekun a kibangin zuau a phuak uh hi.

Tamlawhna 2:14

Na kamsangte mangmuhna man loin kimanna a nei kei hi. na koltana pan hotkhiat nadingin na mawhna hong pholak kei uh hi. Nang tunga hong gente uh thusuakte lah man loin hong makaih khial vive ahi hi.

Hosea 9:8

Tua kamsangpa, ka Pasian tawh Ephraim b galvilpa ahi hi; tua hi napi a lampi tengah thang kisiah a, ama Pasian inn sungah kigalneihna a om hi;

Micah 2:11

Zuauphuak le mikhem khat hong pai-in, ‘No ading zu tampi le zucil a om nadingin kam kong sansak ding hi,’ hong cileh amah hih mite deih kamsang hi lian ve!

Micah 3:11

Tuanu makaite in golhguk sum tawh thu khen uh a, ama siampite in thaman ngah nadingin thu hilh uh a, ama kamsangte in sum ngah nading bekin kam a sang uh hi. Tua hi napi TOPA tungah kinga-in, "Eite lakah TOPA om hi lo hiam? Eite tungah siatna hong tung kei ding hi," ci uh hi.

Micah 3:5

TOPA gen hih ahi hi: "No kamsangte in ka mite lam a khialsak, amaute in an hong vak uh leh amaute lungnopna tangkosakin hong vak kei uh leh gal tuah ding na gelkholhsak uh hi.

Malachi 3:5

"Tua ciangin note kiangah thukhen dingin kong pai ding hi. Keimah in aitawi-te, numei tawh mawhte le ciampelte, nasemte thaman a khembawlte, meigongte le pa nei lote a nengniam a, pemtate thutangna a thusim lote le kei hong kihta lote langah teci pangin manlangin thu ka khen ding hi," Thahatpen TOPA in ci hi.

Matthew 10:33

Mite mai-a hong kitheihmawhbawlte peuhmah vantunga om ka Pa mai-ah ka kitheihmawhbawl ding hi.

Matthew 24:11

Kamsang-zuau tampi hong kilangin mi tampi a khem ding uh hi.

Matthew 24:24

Ahang in, Christ-zuaute le kamsang-zuaute hong kilang ding uh a, ahi thei hileh telsate nangawn a khem nadingun lim le na lamdang lianpipite bawl ding uh hi.

Matthew 24:5

Keima minin mi tampi hong pai ding uh a, ‘Keimah, Christ d ka hi hi,’ ci-in mi tampi khem ding uh hi.

Matthew 7:15

"Kamsang zuaute hangin na kigalging un. Amaute tuuvun silhin note kiangah hong pai uh hi; ahi hangin amaute sunglam, ngia hangsan ahi hi.

Mark 13:22

Ahang in, Christ zuaute le kamsang zuaute hong kilang ding uh a, hi thei hi leh teelsate nangawn a khem nadingun limte le nalamdangte a bawl ding uh hi.

Luke 12:9

Ahi hangin mite mai-ah kei hong kitheihmawhbawlte Pasian vansawltakte mai-ah ka kitheihmawh bawl ding hi.

Luke 21:8

Amah in, "Note kuamah in hong khem zawh loh nadingin na kigalging un. Ahang in, keima minin mi tampi hong pai ding uh a, ‘Amah ka hi hi. Hun hong nai ta hi,’ hong ci tangtang ding uh hi. Amaute na zui kei un.

Luke 6:26

Mi khempeuh in note hong phatgen uh ciangin gimna na thuak ding uh hi, ahang in, na pu na pa-te un kamsangzuaute tua bangin a hih uh hi.

Rome-te 16:18

Ahang in, tua bang mite i Topa Christ nasem hi loin amau ankam lim nading bek a sem ahi uh hi. Amaute in kamzolna le mi maitang phatna tawh mi melmawlte lungsim a khem uh hi.

1 Corinth-te 11:19

Note lakah kuate Pasian san hiam, cih a kilat nadingin ngaihsutna kibang lo zong a om ding mah ahi hi.

1 Corinth-te 6:20

note man kipia-a leisa na hi uh hi. Tua ahi manin na pumpi uh tawh Pasian na pahtawi un.

1 Corinth-te 7:23

Note man kipia-a leisa na hi uh hi. Mihingte sila na suak kei un.

Galatia-te 2:4

Christ Jesu sunga i suahtakna hong ensimin sila hong suaksak dingin eite lakah sanggam zuau pawlkhat hong lutsim ahi manin hih thu hong piang ahi hi.

Galatia-te 3:13

Eite tang dingin Christ hamsia hong suakin thukham hamsiatna panin hong tan zo hi. Ahang in, "Sing tunga kikhai peuhpeuh hamsiat ahi hi," j ci-in kigelh hi.

Galatia-te 4:17

Tua mite in note hong zogawp nuam uh hi; ahi hangin a hoih nading lam ahi kei hi. Amaute in kote pan note hong khenkhia in amau adingin nakpi-a na hahkat ding uh a deih uh hi.

Galatia-te 5:20

milim biakna le bumna; muhdahna, kilemlohna, hazatna, hehluatna, angsung khualna, kilungkim lohna, kipawlkhennate le

Ephesa-te 1:7

Pasian hehpihna kicing tawh kizui-in ama sisan hangin ama sungah tatkhiatna le mawh maisakna i ngah a,

Ephesa-te 4:14

Tua ciangin mite in zuau siamna le khelpilna tawh a geel uh amau khemna ah, tuihual in a lapsuk a laptoh, thuhilhna huih citeng in amut kawikawi naungekte i hi nawn kei ding hi.

Thupiakkikna 32:6

A hai, a pil lo mite aw, TOPA na thuk kik nading uh hih bang lam mah hiam? Amah note hong bawl hong siam, hong Piangsakpa b na Pa uh hi lo ahi hiam?

Philippi-te 3:19

Amaute tupna, siatna hi-a, a pasian uh amau gilpi hi-in, a minthanna uh amau maizumna ahi hi. Amaute in leitung nate bek a ngaihsun uh hi.

Colosse-te 2:18

Kiniam khiatna man lo le vansawltakte biakna a pakta mi khatpeuh, tua pahtakman ngah zo lo dingin kibawlsak kei un. Tua bang mite in a muhsa uh thute a neng a tawngin gen a, ama khami lo lungsim in thadah ngaihsutnate tawh amah a kisatheisak hi.

Colosse-te 2:8

Christ tunga kingak sangin mihingte tang ngeinate tung le hih leitung thubulte tunga kinga-a a hawmpi le a khem thei thuguizuihna tungtawnin kuamah in sal-a hong mat loh nadingun kikem un.

1 Timothy 5:8

Mi khatpeuh in ama tanaute a diakdiak in a innkuanpih taktakte kisapna a huh kei leh upna a nial hi-a a um lo mi sangin a siazaw ahi hi.

2 Timothy 4:3

Ahang in, mite in thu-up bucing a cimtak hun hong tung ding hi. Tua sangsikin, amaute lunggulhna tawh kituakin, a bil thakna uh tawh kituak, a zaknophuai lel thu a gen dingin amau kiangah sia tampitak a kaikhawm ding uh hi.

Titus 1:11

Amaute kamhum ding uh hi. Ahang in, a hilh loh ding pipi uh hillhin innkuan sung buppi a siasak uh hi; tua zong a maan lo-a metna zonna ahi hi.

Titus 3:10

Pawl khen nuam mipa khatvei vauhilh inla, tua khitin a nihveina vauhilh lai in. Tua khit ciangin amah thudon nawn kei in.

Hebrews 10:29

Amah a siangsak thukhun sisan, a siangtho lo na bangin simmawh a, hehpihna Kha engko-in, Pasian Tapa a khenuai-a a tuancil mi, bangzah ta-a, a nasiazaw-in gawttakin na ngaihsun hiam?

1 Peter 1:8

Amah mu ngei lo napi na it uh hi; tu-in amah mu lo napi na um uh a, a kigenkhia thei lo a minthang lungnopna tawh na kidim uh hi.

2 Peter 2:3

Hih siate in huaihamin ama phuahtawm tangthute tawh note sumzonna in hong nei ding uh hi. Amaute a kimawhpaihna sawtvei zo a, amau kisiatna a ihsip kei hi.

1 John 2:26

Note lam pialsak hong sawmte tawh kisai-in hih thute kong gelh hi.

1 John 4:1

Kong it lawmte aw, kha khatpeuh um kei un; ahi hangin leitung ah kamsang zuau tampi paikhia khin ahi manin amaute kha Pasian pan hi hiam, hi lo hiam cih sittel un.

Jude 1:18

Amaute in note tungah, "Hun nunung ciangin amau pasian-milo deihna a zui zahkohatte hong om ding uh hi," ci uh hi.

Jude 1:4

Ahang in, sawtpi-a amaute a kimawh paihna thu b a kigelh khin zo mi bangzah hiam khat note lakah hong lutsim zo uh hi. Amaute pasian-neilo mite hi uh a, eite Pasian hehpihna, a kihhuai paktat theihna suaksakin eite in Thuneipipa le Topa a, amah bek i neih Jesu Christ a nial uh hi.

Kilaakna 13:14

Tua limte hangin a masa gamsa tangin vangliatna kipia-a, leitunga tengte a khem hi. Amah in amaute tungah namsau ma tawh liam napi-a, a nungta lai gamsa pahtawina milim khat a bawl ding uh thu a pia hi.

Kilaakna 2:13

Satan in a tokhom a koihna mun - na tenna mun ka thei hi. Tua hi napi ka min tungah na muanhuai lai hi. Satan tenna mun na khuapi sunga ka teci muanhuai a kithatpa Antipas nite nangawnin kei nong upna na tawpsan kei hi.

Kilaakna 2:9

Na zawnna le na thuaksiat nate ka thei hi; tua hi napi na hau hi! Hi lo napi Jew mi a kici mi gensiate ahi hanga lah Satan synagogue a hite ka thei hi.

Kilaakna 3:8

Na nasepte ka thei hi. En in, na mai ah kuama khak theih loh kong honsa khat ka koih hi. Thahatna tawmkha bek na neih lam ka thei hi. Tua hi napi ka thu na kembita ka min na nial kei hi.

Kilaakna 5:9

Amaute in lathak khat, "Nang hong kigo zo a, na sisan tawh Pasian ading mi, beh kim, pau kim, mi kim, nam kim pan lei khin zo na hi manin tua laizial la a, a ciamtehna phel dingin na kilawm hi.

Kilaakna 6:10

Amaute in, "A siangtho le a thumaan Thuneipipen Topa aw, leitunga tengte thu na khen ding le kote sisan phu na lak ma bang tan sawt lai ding hiam?" ci-in nakpi in a kiko uh hi.