2 Peter 1:3 - Zokam International Version

³ Ama minthanna le a hoihna tawh hong sampa, amah i theihna tungtawnin nuntak nading le i pasianmi theih nadinga kisam khempeuh ama Pasian vangliatna in hong pia zo hi.

LAISIENGTHOU CL Bible (BSI)

³ Ama thupina leh hoina a eite hing hanpa theina ziehin Pasian silbawltheina bangin hinna leh Pasian ngaisahna lam thu ah sil zousie ahing peta hi.

Zo Bible

³ Ama’ minthanna le a hoinate tawh eite ei hlan, ama i theina tungtawnin i nuntah thei nading le Pasien’ mi i hi thei nadingin ama’ Pasien vanglietna in eite kisapna zosie ei pie zo hi.

2 Peter 1:3 ပူးပေါင်းရင်းမြစ်များ

Phatna-late 110:3

Kido ni-in na galkap honte lawp ding uh hi; thupina siangtho-in kithuam ding uh a phalvakna sul panin na moina a daitui na ngah ding hi.

Phatna-late 84:11

Ahang in, TOPA Pasian in, tungsun ni le lum ahi hi; TOPA in angvanna le pahtawina pia a; a kal suanna kawkbaang lote ading na hoih khat beek a sit kei hi.

Paunakte 12:4

A nampi gamtat zi in a pasal’ kumpi lukhu hi-a, a daisak zi ahileh a pasal guhsung muat tawh kibang hi.

Paunakte 31:10

f A nampi gamtat zi kua in mu zo hiam? Ruby suang sangin manphazaw tham hi.

Paunakte 31:29

"Numei tampi in na thupite sem taleh tuate khempeuh na khup hi," ci-in a phat hi.

Matthew 28:18

Tua ciangin amaute kiangah Jesu pai a, "Vantung le leitungah thuneihna khempeuh kei hong kipia khin hi.

Rome-te 8:32

Ama Tapa neihsun sit loin eite khempeuh ading hong pia pa in amah tawh na khempeuh hong citpiak khawm loin om ding ahi hiam?

Rome-te 9:24

Jew-te pan bek hilo Gentile-te laka eite nangawn hong sam ahileh bang gen nawn ding i hi hiam?

1 Corinth-te 1:9

A Tapa i Topa Jesu Christ tawh kipawlna sunga note hong sampa Pasian a muanhuai hi.

2 Corinth-te 12:9

Ahi hangin amah in, "Ka hehpihna nang adingin kicing hi; ahang in, thanemna sungah ka vangliatna kicing hi," hong ci hi. Tua ahi manin Christ vangliatna kei tungah a om theih nadingin lungdam semsemin ka thanemna ka kisialhpih ding hi.

Ephesa-te 4:1

Tua ahi ciangin Topa adingin thongkia keimah in na ngahsa uh hong sapna tawh kilawm-a na nuntak ding uh kong kun hi.

Ephesa-te 4:4

Pumpi khat le Kha khat - note hong kisap lai-a lametna khata hong kisap bangin -

Philippi-te 3:8

Tua tham loin ka Topa Christ Jesu theihna a thupi luatna tawh tehin na khempeuh supna-in ka sima, ama hangin na khempeuh ka taan zo hi. Tuate khempeuh ninneng bangin ka ngaihsun hi, Christ ka ngah nading le

Philippi-te 4:8

A nunung penin sanggamte aw, a maan peuhmah, a zahtakhuai peuhmah, a dik peuhmah, a siang peuhmah, a ithuai peuhmah, a pahtakhuai peuhmah, na khatpeuh a hoih pen hi-a, a phattak nak leh tua bang nate na ngaihsun un.

Colosse-te 1:16

Ahang in, na khempeuh ama piansak hi a: vantung le leitunga om nate, muh theih le muh theih lohte, kumpi tokhomte ahi zongin, vangliatna ahi zongin, ukte ahi zongin, thuneite ahi zongin, na khempeuh amah in ama adingin a piansak ahi hi.

1 THESSALONIKA 2:12

ama gam le a minthanna sunga hong sampa Pasian tawh kilawma nungta dingin note kong hanthawn uh a, hong hehnem in kong kun uh hi.

1 THESSALONIKA 4:7

Ahang in, Pasian in a nina nungta dingin hong sam lo-a, a siangtho-a nungta dingin hong samzaw hi.

2 THESSALONIKA 2:14

I Topa Jesu Christ minthanna na ngah theih nadingun amah in note, hih ka gen uh lungdamna-thu tungtawnin hong sam zo hi.

1 Timothy 4:8

Ahang in, pumpi kisinna in manphatna pawlkhat nei a, ahi hangin pasian-mina ahileh tu huna nuntak nading le hong tung ding nuntakna ah thuciam nei khawm ahi manin na khempeuh ah a manpha hi.

2 Timothy 1:9

Eite sepsa khatpeuh hang hi loin ama ngimna le hehpihna hangin hong honkhia a, nuntakna siangtho-a nungta dingin hong sam hi. Hun kipat ma-in hih hehpihna Christ Jesu sungah eite hong kipia zo hi.

Hebrews 1:3

Tua Tapa in Pasian ahina taktak a kilatkhiatna le a minthanna tankhiatna hi-a, ama kammal vangliatna tawh na khempeuh a lenkip hi. Mawhnate siansak nading a bawl khit ciangin vantung Thupina taklam ah a tu hi.

1 Peter 1:15

Note hong sampa a siantho mah bangin na hihna khempeuh uhah na siangtho un;

1 Peter 1:5

hun beina-a hong kilang ding a baihsa-a om tua hotkhiatna hong tun mateng Pasian vangliatna tawh upna tungtawnin note hong kiliah ahi hi.

1 Peter 2:21

Hih ding mah a note hong kisam ahi hi, bang hang hiam cih leh Christ in note adingin thuak khin zo a, ama khekhap na zuih dingun etteh dingin hong nusiat hi.

1 Peter 2:9

Ahi hangin note na hi uh leh khuamial sung pan hong samkhia-a, ama khuavak lamdang sunga hong tunpa phatna na tangko theih nadingun hong teeltuam mi pawl, kumpi nam, siampi, minam siangtho, Pasian mite na hi uh hi.

1 Peter 3:9

Gitlohna, gitlohna in na thuk kei un; hong engkote engko thuk loin thupha na pia zaw un. Bang hang hiam cih leh thupha khat na luah theih nadingun hih thu dinga note hong kisam ahi hi.

1 Peter 5:10

Christ sunga a tawntung minthanna ngah dinga hong sampa, hehpihna khempeuh Pasian in, tomcik sung na thuak khit uh ciangin amahmah in na ngei uh hong bangsak dinga, hong hatsak in, hong kipsak hong khosak ding hi.

2 Peter 1:10

Tua ahi manin sanggamte aw, note hong kisapna le hong kiteelna a ki ciansak dingin na lawp semsem un. Ahang in, hih nate na hih uh leh na puk ngei kei ding uh a,

2 Peter 1:2

Pasian le i Topa Jesu theihna tungtawnin hehpihna le lemna adimin note aa hi ta hen.

2 Peter 1:5

Hih thu hang mahmah in, na theih tawpun na upna uh tungah hoihna, hoihna tungah theihna;

2 Peter 1:6

theihna tungah pumpi ki-ukzawhna; pumpi ki-ukzawhna tungah sikdona; sikdona tungah pasian-mina

2 Peter 1:8

Ahang in, hih hoihnate ah na khan semsem uh leh i Topa Jesu Christ na theihna uhah muibut lohna le gahsuah lohna panin hong hu ding hi.

2 Peter 2:20

Eite Topa le Honpa Jesu Christ a theihna uh hangin leitung siatna pan suakta khin napi, tua lai mah ah awk kikin a pianzia nunung, a masa sangin a sia zawtham hi.

2 Peter 3:18

Ahi hangin i Topa le Honpa Jesu Christ hehpihna le theihna-ah na khangto un. Ama tungah tu le a tawntungin minthanna om ta hen! Amen.

Ruth 3:11

Tua hi-a ka tanu aw, tu-in lau kei in. Nong nget peuhpeuh kong hihsak ding hi. Ka khua sungua na lawmte khempeuh in numei gina na hilam hong thei uh hi.