2 Peter 1:17 - Zokam International Version

¹⁷ Ahang in, a Thupi Minthanna pana aw in ama kiangah, "Hih in ka lung hong kimsak mahmah ka it ka Tapa ahi hi," a ci-a a gen lai-in, Pa Pasian tung pana pahtawina le minthanna a ngah hi.

LAISIENGTHOU CL Bible (BSI)

¹⁷ Aziehpen Ama’n Pa Pasian kunga kipata pahtawina leh thupina amu laitahin, Avanglien thupi mama akipat tambangin aw khat ka kungah ahing tunga, “Tami Ka Tapa deitah ahi, atung ah ka lungdam mama hi,” achi hi.

Zo Bible

¹⁷ Bangzieh ahei cile Vanglien Minthang Pa in, “Tam pen ka it ka tapa ahi hi, ama tungah ka lung a kim mama hi,” ci-in tua aw a gin lai-in ama in Pa Pasien tung panin patawina le minthanna a sang hi.

2 Peter 1:17 ပူးပေါင်းရင်းမြစ်များ

Isaiah 42:1

"Hih lai-ah ka letkip, ka lungkimna, ka telsa ka nasempa a om hi. Ama tungah ka Kha ka koih dinga, amah in minamte tungah thutang a puak ding hi.

Isaiah 53:10

Tua bangin kisatnima a kithuaksak ding lah TOPA deih hi a, TOPA in ama nuntakna khialhna hanga biakna-in a bawl f hangin amah in a suan le khakte mu in a nuntak hun sotsak dinga ama gamsungah a khut sungah TOPA deihna a pung ding hi.

Matthew 12:18

"Ka it ka lung hong kimsak, ka teel ka nasempa hih lai-ah om hi; ama tungah ka Kha ka koih dinga, minamte tungah thutang a tangko ding hi.

Matthew 17:3

Tua khit phetin amaute mai-ah Moses le Elijah kilang a, Jesu tawh a kiho uh hi.

Matthew 17:5

Tua banga a pau laitakin meiingo khat in amaute tuama, tua meii lak panin, "Hih in, ka it ka Tapa ahi hi, ama tungah ka lung a kim mahmah hi; ama thu na ngai ta un!" ci-in aw khat a ging hi.

Matthew 28:19

Tua ahi manin pai unla, minamte khempeuh nungzui na suaksak un; Pa, Tapa le Khasiangtho minin d na baptise unla,

Matthew 3:17

Tua laitakin, "Hih in ka it ka Tapa ahi hi. Ama tungah ka lung a kim mahmah hi," ci-in vantung pan aw khat a ging hi.

Mark 1:11

Tua laitakin vantung panin aw khat ginga, "Nang, ka it ka Tapa na hi hi; nang tungah ka lungkim mahmah hi," a ci hi.

Mark 9:7

Tua ciangin meii lompi khat kai-in amaute tuama, tua meii lak panin aw khat in, "Hih in, ka it ka Tapa ahi hi. Ama thu na ngai un," a ci hi.

Luke 10:22

"Ka Pa in na khempeuh kei hong ap zo hi. Tapa kua hiam, cih Pa longal kumah in thei lo-a, Pa kua hiam, cih Tapa le Tapa in a theihsak dinga a teelte longal kuamah in a thei kei uh hi," a ci hi.

Luke 3:22

vakhu bangin Khasiangtho pumpi nei in ama tungah a kumsuk hi. Tua ciangin vantung pan aw khat in, "Nang ka it ka Tapa na hi hi; nang tungah ka lungkim mahmah hi," a ci hi.

John 10:15

Pa in kei hong theih bang tektekin kei zong Pa ka thei hi - tua hi-a ka tuute ading ka nuntakna ka kham hi.

John 10:36

Pasian in ama aa mahmah a, a sehtuampa le leitunga, a sawlpa kua hi ding hiam? ‘Pasian Tapa ka hi hi’ ka cih mana bang hangin Pasian gendai a hong ngawh na hi uh hiam?

John 14:11

Pa sungah kei ka om a, kei sungah Pa a om hi, ka cih ciangin kei hong um un. Tua ahikeh zong nalamdangte kitelsakna beek um un.

John 14:6

Jesu in, "Keimah in, lampi, thutak le nuntakna ka hi hi. Kei tawn loin kuamah Pa kiang a tung thei kei hi.

John 17:21

Pa aw, nang kei sungah na om a, kei nang sungah ka om bang tektekin amaute khat a suah theih nadingun kong ngen hi. Nang, kei nong sawl ahilam leitung in a up nadingin amaute zong ei sungah om uh hen.

John 20:17

Jesu in, "Pa kiangah ciah nai lo ka hi manin hong lenlen kei in. Tua sangin ka sanggamte kiangah pai inla, ‘Ka Pa, na Pa uh, ka Pasian na Pasian uh kiangah a ciah kik dek ta ka hilam amaute va hilh in,’" a ci hi.

John 3:35

Pa in Tapa it a; na khempeuh a khutah a koih hi.

John 5:20

Ahang in, Pa in Tapa it-a a hih khempeuh amah a lak hi. Himah hi, lamdang na sak dingun hihte sanga a lamdangzaw nangawn a lak lai ding hi.

John 5:26

Ahang in, Pa in amah mah-a nuntakna a neih bangin Tapa in zong amah mah-a nuntakna a neih nadingin a pia zo hi.

John 6:27

A sia thei an ngah nadingin na na sep uh sangin Mihing Tapa hong piak ding, nuntak tawntungna donga kimang ding an ngah nadingin sem zaw un. Pa Pasian in amah a sanna ciamtehna ama tungah a koih zo hi," ci-in a dawng hi.

John 6:37

Ka Pa hong piakte khempeuh ka kiangah hong pai dinga, ka kianga hong pai khempeuh ka hawlkhia ngei kei ding hi.

John 6:39

Kei hong sawlpa deih na ahileh, kei hong piak khempeuh khat zong mansuah lo a, nitawp ni ciangin amaute ka thawhsak ding ahi hi.

Rome-te 15:6

Tua hileh lungsim khat le kam khat tawh i Topa Jesu Christ Pasian le Pa na minthangsak thei ding uh hi.

2 Corinth-te 1:3

Eite Topa Jesu Pasian le Pa, khuatuahna Pa le hehnepna khempeuh Pasian kiphat ta hen.

2 Corinth-te 11:31

A tawntunga kiphat ding Topa Jesu Pasian le Pa in ka zuau loh lam a thei hi.

Hebrews 1:3

Tua Tapa in Pasian ahina taktak a kilatkhiatna le a minthanna tankhiatna hi-a, ama kammal vangliatna tawh na khempeuh a lenkip hi. Mawhnate siansak nading a bawl khit ciangin vantung Thupina taklam ah a tu hi.

2 John 1:3

Pa Pasian le Pa’ Tapa Jesu Christ tung panin hehpihna, lainatna le lemna in thutakna le itna tawh eite hong ompih ding hi.

Jude 1:1

Jesu Christ nasem James sanggampa Jude in, Pa Pasian in it a, Jesu Christ in a a kep a kisamsate tungah: