2 Kumpite 4:4 - Zokam International Version

⁴ Tua ciangin nang le na tapate inn sungah inn kikhakkhum un. Beelte khempeuh sungah sathau sung unla a dim masa a pang khatah koih un," a ci hi.

LAISIENGTHOU CL Bible (BSI)

⁴ Tualeh inn sunga na luttah chiengin, na tapate toh kot kikha khum unlen, tuachi’n tua belte ah sathau sung inlen adim masa atuom in koi zelin,” achi hi.

Zo Bible

⁴ Tua ciengin sungtumin na tapate tawh kot kikhalu unlen, tam beel zosie sungah sung in; beel khat a dim sielin tuomkoi paipai in,” a ci hi.

2 Kumpite 4:4 ပူးပေါင်းရင်းမြစ်များ

Matthew 6:6

Note in thu na nget uh ciangin na inndei sunguah pai unla, kong khakin a kimu thei lo na Pa uh kiangah na ngen un. Tua ciangin a sima kihihte a mu na Pa un note pahtakman hong pia ding hi.

Ephesa-te 3:20

Tu-in i nget khempeuh le i lunggeel khempeuh sanga nakpi-a thupi zawtham le, eite sunga a sem a vangliatna tawh kizui-a a hih thei pa tungah

Nasepte 9:40

Peter in amaute khempeuh inndei pua lamah a sawlkhia hi. Tua ciangin khukdin sukin thu a ngen hi. A si numei lamah kihei a, "Tabitha, tho in," a ci hi. Tuanu hakin Peter mu-a a tu to hi.

John 6:11

Tua ciangin Jesu in anlum la a, lungdam ko-in a tu mihonpite lakah a duh zahzah uh a luisak hi. Tua mah bangin ngasa zong a hih hi.

Mark 5:40

Ahi hangin amaute in amah a nuihsan uh hi. Amah in amaute a pusuahsak khit ciangin numeino omna ah numeino nu le a pa le a tonpih a nungzuite a lutpih hi.

Isaiah 26:20

Ka mite aw, pai un, na inndei sunguah lut unla kong kikhaknelh un; ama thangpaihna a bei matengin tawlkhat sung bu phot un.

2 Kumpite 4:3

Elisha in, "Pai inla na vengte beelhawm kawm kawikawi in. A tawm lua kawm kei in.

2 Kumpite 4:5

Tuanu in amah paisana tua khit ciangin amah le a tapate kong a kikhakkhum uh hi. Amaute in tuanu kiangah beelte puak uh a, tuanu in a sungsung hi.