2 Khangthute 7:9 - Zokam International Version

⁹ A nigiatna ni-in mipite a kikhawm uh hi, ahang in, amaute in ni sagih sung biakna-tau pawi pawl khin uh a, pawibawlna-in adang ni sagih sung a zang lai uh hi.

LAISIENGTHOU CL Bible (BSI)

⁹ Ni giet niin kikhopna siengthou anei uhi, nisagi sung maitam latna lopna anei ua, tualeh ni sagi sungma pawi abawl be nalai uhi.

Zo Bible

⁹ Amate in a ni giet ni-in kikhopna thupi khat a nei uhi; azieh pen amate in maitam apna ni sagi sung a zang vua, pawi ni sagi sung a bawl uhi.

2 Khangthute 7:9 ပူးပေါင်းရင်းမြစ်များ

1 Kumpite 8:2

Israel mite khempeuh a kha sagihna Ethanim kha pawikham hun in Kumpipa Solomon kiangah a kikhawm uh hi.

1 Kumpite 8:65

Tua ciangin Solomon le amah tawh a omkhawm Israel khempeuh - Lebo b Hamath pan Egypt Wadi dunga mipi hon tampi tawh pawi a bawl khawm uh hi. Amaute in TOPA eite Pasian mai-ah ni sagih sung pawi bawlin, ni sagih sung mah pawi bawl beh lai uh a, ni sawm le nili sung a bawl uh hi.

2 Khangthute 30:23

Tua ciangin a kikhawm mihonpi bup in ni sagih sung pawi bawl lai ding thukim uh a, tua ciangin amaute in adang ni sagih sung gualnuamtakin pawi a bawl lai uh hi.

2 Khangthute 7:10

A kha sagihna a ni sawmnih le thumna ni-in TOPA in David le Solomon le ama mi Israel tungah a hoih a bawlnate hangin lungnuamtak le kipaksa in amaute inn ah a ciahsak hi.

Nehemiah 8:18

A ni masa pen ni-a kipan a ni nunung pen ni dong ni khat khit ni khat Ezra in Pasian Thukham Laibu a sim hi. Amaute in ni sagih sung pawi bawl uh a, a nigiatna ni-in zuih ding ngeina-a om bangin mipi kikhopna khat a nei uh hi.

Paikhiatna 29:37

Biakna-tau ading ni sagih sung thoihdamna bawl inla, siansuah in. Tua ciangin biakna-tau a siangtho pen suak dinga, a kisuk-khakpih peuhmah a siang ding hi.

Joel 1:14

A siangtho antan sawmin a siangtho kikhop khat sam un. TOPA note Pasian inn ah upate le gama teng mite khempeuh khawm unla TOPA tungah kikokhia un.

Siampi Laibu 23:36

Ni sagih sung TOPA tungah mei-a hal biaknate pia unla a nigiat ni-in kikhopna siangtho khat bawl un, TOPA tungah mei-a hal biakna khat pia un. Tua in a tawpkhakna kikhopna ahi hi. Na nasep ngei uh bangmah sem kei un.

Misimna 7:10

Biakna-tau sathau a kinilh ciangin tua ki-ap nading makaite in amau biakna puak ciat uh a, biakna-tau mai-ah a pia uh hi.

Thupiakkikna 16:8

Niguk sung silngo sawh loh anlum ne unla a ni sagihna ni-in TOPA note Pasian kiangah mipi kikhawm unla na sem kei un.