2 Khangthute 5:2 - Zokam International Version

² Tua ciangin Solomon in David Khuapi Zion pan TOPA thukhun singkuangpi puato dingin Israel upate, beh a lutangte khempeuh le Israel-te innkuan ukpi-te Jerusalem ah a kikhawmsak hi.

LAISIENGTHOU CL Bible (BSI)

² Tuachi’n Solomon in Israel upate leh nam chin a lamkaite tualeh Israel innkuonte lah a alutang pente uh, David khopi Zion a kipat a Mangpa thuhun bawm latou dingin Jerusalem ah ahankhawm hi.

Zo Bible

² Tua ciengin Solomon in Zion a kici David’ khuopi panin Topa’ thuciemna singkuong a puoto dingin Jerusalem ah Israel upate, minam lutangte, le Israel minam pupa innkuon makai zosie a kikhawmsah hi.

2 Khangthute 5:2 ပူးပေါင်းရင်းမြစ်များ

2 Samuel 5:7

Ahi hangin, David in mun muanhuai Zion David khuapi a la hi.

2 Samuel 6:12

Kumpipa David tungah, "Pasian singkuangpi hangin Obed-Edom le a neihsa khempeuh TOPA in thupha pia hi," ci-in a kigen hi. Tua ciangin David paisuk a, Obed-Edom inn panin David khuapi ah Pasian singkuangpi lungnuamtakin a pua to hi.

1 Khangthute 15:1

David Khuapi sungah David in ama adingin inn a lam khit ciangin Pasian Singkuangpi koih nading mun khat bawla, tua koih nadingin puanbuk khat a zal hi.

1 Khangthute 15:12

Amah in amaute kiangah, "Note, Levi innkuan lutangte na hi uh hi; no le na kithuahpih uh Levi-te no le no ki-apin TOPA Israel Pasian singkuangpi koih nadinga ka bawlsa munah na puato ding uh hi.

1 Khangthute 15:25

Tua ciangin David le Israel upate le tulkhat ukte, Obed-Edom inn panin TOPA thukhun singkuangpi puato dingin lungnuamtakin a kuankhia uh hi.

1 Khangthute 15:3

David in TOPA singkuangpi koih nadingin a bawlsa muna a puato dingin Israel khempeuh Jerusalem ah a kikhawmsak hi.

1 Khangthute 16:1

Amaute in Pasian singkuangpi pua uh a, David in tua dingin a zalsa puanbuk sungah koihin amaute in meihal biakna, kilawmtakna biakna c, Pasian mai-ah a pia uh hi.

1 Khangthute 24:31

Amaute in zong Aaron suan a sanggamte uh hih bang tektekin Kumpi David le Zadok, Ahimelech le siampite le Levi-te innkuan lutangte omin ai a lawn uh hi. Innkuante sungah sanggam pasal upapen le a nautum pen a kibangin a hih uh hi.

1 Khangthute 24:6

Levi-te khat Nethanel tapa lai theipa Shemaiah in kumpipa le uliante muhin amaute min ciamteh hi: siampi Zadok, Abiathar tapa Ahimelech le siampite le Levi-te innkuante lutangte muhin- Eleazar innkuan panin khat la-a tuateh Ithamar innkuan panin khat a kila ahi uh hi.

1 Khangthute 26:26

Shelomith le amau tanaute in, kumpipa David le a tulte le a zate a uk innkuan lutangte le galkap mang dangte in a apsa nate koihna goukholnate khempeuh a uk uh hi.

1 Khangthute 28:1

David in Israel ulian khempeuh: behte a uk uliante, kumpi nasem galkap khen a uk galkap mangte, a tulte a ukte le a zate a ukte le van khempeuh le kumpipa neihsa ganhonte le a tapate a uk uliante tawh kumpi inn uliante, mi thahatte le galsiam mi hangsan khempeuh Jerusalem ah a kikhawmsak hi.

2 Khangthute 1:4

Tu-in David in Kiriath Jearim panin a om nadinga a bawlsa munah singkuangpi a puakto khin hi, bang hang hiam cih leh amah in Jerusalem ah tua koih nading puanbuk a zak khitsa ahi hi.

2 Khangthute 5:1

Solomon in TOPA biakinnpi-a sep ding khempeuh a zawh khit ciangin a pa David in a apsa nate - ngun le kham le vanzatte khempeuh - le Pasian biakinnpi sunga a koih gou khempeuh a sungah a tum hi.

2 Khangthute 5:12

Tumtheih tum Levi-te khempeuh - Asaph, Heman, Jeduthun le amaute tapate le a tanaute uh - biakna-tau nisuahna lam pangah dingin, saihadial puan hoih silh uh a, daltuahte, harp-te le lyre-te a tum uh hi. Amaute pengkul mut siampi 120 tawh a kithuah uh hi.

Phatna-late 2:6

"Ka mual siangtho Zion tungah ka Kumpipa c ka tusak khin hi." a ci hi.

Phatna-late 87:2

TOPA in Jacob tenna khempeuh sangin Zion kongpite a itzaw hi.

Siampi Laibu 9:5

Amaute in Kikhopna Puanbuk mai-ah Moses thupiak tua nate la uh a, a kiangah mipi buppi pai-in TOPA mai-ah a ding uh hi.

Misimna 10:33

Tua ciangin TOPA mual panin dingkhia uh a, ni thum sung a pai uh hi. Amaute khawl nading mun a zonsak dingin tua nithum sungin TOPA thukhun singkuang amaute mai-ah a pai hi.

Misimna 10:36

A khawl peuhpeuh ciangin amah in, "TOPA aw, Israel tul tampi simzawh lohte kiangah hong kileh in," a ci hi.