2 Khangthute 32:7 - Zokam International Version

⁷ "Hat unla hang un. Assyria kumpipa le ama ompih galkap honpi sangin eite hong ompihpa vanglianzaw ahi manin kihta kei unla lungkia kei un.

LAISIENGTHOU CL Bible (BSI)

⁷ “Hattah leh hangsan tahin um un, Asiria leengpa leh akunga um galkap hon tampite zieh in zau sih unlen, lungke vawt sih un, aziehpen ama lam a pang sangin eilam a pang atam zaw hi.

Zo Bible

⁷ “Thakhauh unlen hang un. Assyria kumpipa le ama tawh a om mihon zosie mai-ah zau sih unlen, zong lungkie sih un; bangzieh ahei cile ama tawh a omte sangin eite tawh a om pa lienzaw hi.

2 Khangthute 32:7 ပူးပေါင်းရင်းမြစ်များ

2 Kumpite 6:16

Kamsangpa in, "Lau kei in, amaute a ompihte sangin ei hong ompihte tamzaw uh hi," ci-in a dawng hi.

Rome-te 8:31

Tua ahileh hih thu dawn nadingin bang i gen ding hiam? Pasian eite lamah a pan leh ei langah kua pang zo ding ahi hiam?

Ephesa-te 6:10

A nunung penin, Topa sung le ama thahat vangliatna sungah thakhauh un.

1 John 4:4

No, kong it ka tate Pasian pan na hi uh a, leitunga om pa sangin no sunga om pa lianzaw ahi manin amaute na zawhsa uh ahi hi.

2 Khangthute 20:15

Amah in, "Kumpipa Jehoshaphat le Judah le Jerusalem a tengte khempeuh aw, ngai dih un! No tungah TOPA thugen hih ahi hi: ‘Hih galkap tampite hangin lau kei unla lungkia kei un. Ahang in, gal kidona no aa hi loin Pasian aa ahi hi.

2 Kumpite 18:30

Hezekiah in note tungah, ‘TOPA in eite hong hukhia taktak ding hi, Assyria kumpipa khutah hih khuapi kipia peuhmah lo ding hi,’ ci-in TOPA muang dingin hong zol hangin kizolzosak kei un.

Zechariah 8:9

Thahatpen TOPA gen hih ahi hi: "Thahatpen TOPA inn ding abul kiphuh hun lai-a om kamsangte thugen tu-a a za note aw, biakinnpi kilam theih nadingin na khut uh khauhsak un.

Isaiah 35:4

A lauthawng mite tungah, "Kihatsak un, lau kei un; na Pasian uh hong pai dinga phula dingin hong kuanin a siangtho dantuahsakna tawh note hong hon ding hi," ci un.

1 Khangthute 28:20

David in a tapa Solomon kiangah zong, "Hat inla hangin na sem in. Pasian, TOPA keima Pasian in nang hong ompih ahi manin kihta kei inla lungkia kei in. Amah in TOPA biakinnpi sep a kizawh matengin hong lawhsamsak loin hong taisan kei ding hi.

Zechariah 8:23

Thahatpen TOPA thugen hih ahi hi: "Tua ni ciangin kam khempeuh le minamte khempeuh sung pan mi sawm in Jew khat a puanmongteep panin lenkipin, ‘Nang tawh tonkhawm ni, bang hang hiam cih leh nang tawh Pasian omkhawm hi, a kicih ka za uh hi,’ ci ding uh hi," a ci hi.

Daniel 10:19

"A kithupi sim mahmah mipa aw, lau kei in, lungnuam in! Kihatsak in; tu-in kihatsak in," hong ci hi. Amah in kei hong hopih ciangin ka tha hat a, "Nong hatsak khin hi topa aw, thu hong gen ta in," ka ci hi.

Thupiakkikna 31:23

TOPA in Nun’ tapa Joshua tungah hih thupiak pia a: "Keimah kiciama amaute ka khapsa gamah Israel-te tunpih ding na hi manin hat inla hang in, keimah in kong ompih ding hi," a ci hi.

2 Timothy 2:1

Tua ahi ciangin nang ka tapa aw, Christ Jesu sunga om hehpihna hangin thahat in.

1 Khangthute 28:10

Tu-in TOPA in mun siangtho ding biakinnpi khat lam dingin nang hong teel khin ahi manin ngaihsun in. Hat inla na sem in," a ci hi.

1 Khangthute 22:13

Tua ciangin Israel adingin TOPA in Moses tunga a piak thukipte le thukhamte limtaka na zuih leh na ma a vang ding hi. Hat inla hang in. Lau kei inla lungkia kei in.

Thupiakkikna 20:1

Na galte uh sim dingin kuana, note sangin a lianzaw galte, sakolte le lengte na muh uh ciangin lau kei un, bang hang hiam cih leh Egypt pana hong paikhiatpih to TOPA note Pasian in hong ompih ding hi.

2 Khangthute 16:7

Tua hun laitakin Judah kumpipa Asa kiangah thumupa Hanani pai a: "TOPA nangma Pasian tungah kinga loin Aram kumpipa tungah kinga na hi manin Aram kumpipa galkapte na khut panin a suakta hi.

Phatna-late 118:8

Mihing i muan sangin TOPA belh hoihzaw hi.

Jeremiah 42:11

Tu laitaka na kihtak uh Babylon kumpipa kihta kei un. Keimah in note hong ompihin ama khut pan kong hu dinga hong hon ding ka hi manin amah kihta kei un, TOPA in cikhia hi.

Zechariah 4:6

Tua ciangin amah in kei kiangah, "Hih in Zerubbabel tunga tung TOPA thu ahi hi: Thahatna hi lo, vangliatna zong hi loin keima Kha hang ahi hi,’ Thahatpen TOPA in ci hi.

2 Kumpite 18:5

Hezekiah in TOPA Israel Pasian a muang hi. Ama nung le ama ma-a Judah kumpite khempeuh lakah amah bang a om kei hi.

2 Khangthute 15:7

Ahi hangin nang na hileh na pahtakman sang ding na hi manin hat inla tawpsan peuhmah kei in," a ci hi.

2 Khangthute 20:17

Note in hih galte na do kha kei ding uh hi. Judah le Jerusalem aw, na panmun uh la un; kiptakin ding unla TOPA hong hotkhiat ding en un. Kihta kei un; lungkia kei un; amaute maingat dingin zing ciangin kuankhia un, TOPA in note kong ompih hi,’ ci hi," a ci hi.

Nehemiah 4:8

Amaute khempeuh kuanin Jerusalem simin buaisak ding a sawm uh hi.