2 Khangthute 23:3 - Zokam International Version

³ mi kikhawm buppi in Pasian biakinnpi ah kumpipa tawh thukhun khat a bawl uh hi. Jehoiada in amaute kiangah, "David suante tawh kisai-in TOPA ciamsa bangin kumpi tapa in a uk ding hi.

LAISIENGTHOU CL Bible (BSI)

³ Mipi kikhawmte zousie in Pasian biehinn ah leengpa toh thuhun abawl uhi. Jehoiada in amaute kungah; “Ngai un, Mangpa’n David hah lesuonte tungtanga ana chiemsa mabangin, leengpa tapa pen leengpa a apan ding ahi.

Zo Bible

³ Tua ciengin a kikhawm buppi in Pasien’ biehinnpi sungah kumpipa’ tapa Joash tawh thuciemna khat a bawl uhi. Jehoiada in amate kungah, “Kumpipa’ tapa! David’ suonte tawh kisai-in Topa’ ciemsa bangin ama kumpi-in maangsah un.

2 Khangthute 23:3 ပူးပေါင်းရင်းမြစ်များ

2 Khangthute 21:7

Ahi ta zongin TOPA in David tawh thukhun a neihna hangin TOPA in David innkuan a siatsak ding a ut kei hi. Amah in David le ama suante neih den dingin meivak khat a piak ding a ciamsa ahi hi.

2 Khangthute 6:16

TOPA Israel Pasian, tu-in na nasem ka pa David tunga na ciamsa, ‘Nang in ka mai-a na hihsa bangin na tapate in kidawm a, ka thukhamte tawh kituakin a kalsuan nak uhleh ka mai-a Israel kumpi tokhom tunga tu ding na kisam ngei kei ding hi,’ na cihsa lenkip in.

2 Samuel 7:12

Na nite bei-in na pate tawh na khawlkhawm ciangin na zalaih ding nangma suan nang sunga piang dingte mah ka lamto dinga ama kumpi-gam ka phutkip ding hi.

2 Khangthute 7:18

na pa David tawh thu khungin, ‘Israel a uk ding mi na kisam kei ding hi,’ ka cih bangin na kumpi tokhom ka kipsak ding hi.

2 Kumpite 11:17

Tua ciangin Jehoiada in TOPA le kumpipa le mite kikalah amaute TOPA’ mi a suah nadingin thukhun a bawl hi. Amah in kumpipa le mite kikal ah zong thukhun a bawl hi.

1 Kumpite 2:4

tua hileh TOPA in: ‘Nangma suante in a nuntakzia uh a kidop uh a, a lungsim khempeuh uh leh a hinna khempeuh uh tawh ka mai-ah muanhuaitakin a kalsuan uh leh Israel-te kumpi tokhom ah mi khat a tut loh hun a om kei ding hi,’ ci-in kei tunga hong thuciam a zui ding hi.

Phatna-late 89:36

ama khanggui kizomsuak dinga ka mai-ah ni bangin a kumpi tokhom kip hi;

Phatna-late 89:29

Ama khanggui ka kipsak den dinga, vante a kip laisiah ama tokhom ka kipsak ding hi.

2 Khangthute 23:16

Tua ciangin Jehoiada in amah le mipite le kumpipa, bTOPA mi a hih nadingin thukhun khat a bawl hi.

1 Khangthute 11:3

Israel upate khempeuh Hebron a Kumpi David kiangah a pai uh ciangin Hebron a TOPA mai-ah kithukhatna bawl uh a, TOPA in Samuel tunga a ciamsa bangin amaute in Israel tunga kumpi dingin David sathau a nilh uh hi.

1 Kumpite 9:5

na pa David tungah: ‘Israel kumpi tokhom tunga tu ding mi na kisam ngei kei ding hi,’ ci-a ka ciamsa bangin Israel tungah na kumpi tokhom ka kipsak tawntung ding hi.

2 Samuel 7:16

Ka b mai-ah na innkuan le na kumpi-gam a kip tawntung ding hi; na kumpi tokhom a kip den ding hi,’ ci-in gen in," a ci hi.

2 Samuel 5:3

Israel upate khempeuh Hebron a kumpi David kiangah a pai uh ciangin kumpipa in amaute tawh Hebron a TOPA mai-ah kithu-khatna bawl uh a, amaute in Israel tungah kumpi dingin David sathau a nilh uh hi.