2 Khangthute 18:7 - Zokam International Version

⁷ Israel kumpipa in Jehoshaphat kiangah, "TOPA thu i dotsak theih ding mi khat om lai hi, ahi hangin amah ka muhdah hi; bang hang hiam cih leh kei tawh kisai a hoih khat beek genkhol ngei lo-a a sia hi tawntung hi. Amah Imlah tapa Micaiah ahi hi," a ci hi. Jehoshaphat in, "Kumpipa in tua bang ci kei in," ci-in a dawng kik hi.

LAISIENGTHOU CL Bible (BSI)

⁷ Israel leengpa’n Jehoshaphat adawnga, akungah, “Mangpa hing doh pieh thei ding guolnei khat um nalai mah e, hinanleh ama ka huo hi, aziehpen aman ka tungtang thu ahoilam mawngmawngin agen ngai sih a, aselam ngen in agen hi; ama khu Imla tapa Mikaiah ahi,” achi hi. Tualeh Jehoshaphat in,” Lengpa’n tuabang na chi ding hilou ahi,” chiin adawng hi.

Zo Bible

⁷ Israel kumpipa in Jehoshaphat kungah, “Thu i dawh thei ding Imlah’ tapa Micaiah a kici mi dangkhat omlai hi; ahi vangin ama in kei thu a hoi lamin a gen ngai sih a, gimna nading ngentang a gen ziehin ama ka muda hi,” a ci hi. Jehoshaphat in, “Kumpipa in tua bang mawh ci sin,” a ci hi.

2 Khangthute 18:7 ပူးပေါင်းရင်းမြစ်များ

Micah 2:7

Jacob innkuante aw, "TOPA Kha heh ahi hiam? Hihte ama bawl mah ahi hiam?" kici ding ahi hiam? "A thutang mite adingin ka thugente a hoih hi lo ahi hiam?

Amos 5:10

Note in thukhen zuma thumaan gen siamte na mudah uh a, thumaan gente na hua uh hi.

Luke 6:22

Mite in note hong mudah uh a, Mihing Tapa hangin amaute in note hong puaseh in, hong engko in na min uh siasak a, hong nolh uh ciangin thupha ngah na hi uh hi.

Isaiah 30:10

Amaute in thumute tungah, "Mang mu nawn kei un!" ci uh a, kamsangte tungah, "Ko ading thumaan mangmuhna mu nawn kei un! Thu-nuam hong gen unla, hong khembawl un.

1 Kumpite 21:20

Ahab in Elijah kiangah, "Ka galpa aw, kei hong mu zo mah teh!" a ci hi. Amah in, "Nang hong mu zo mah ing, bang hang hiam cih leh TOPA mitah a gilo dingin na kizuak hi.

1 Kumpite 18:17

Amah in Elijah a muh ciangin, "Nang, Israel a lungkhamsakpa nang na hiam?" a ci hi.

Galatia-te 4:16

Tu-in note thutak kong hilh mana na gal uh suak ka hi hiam?

John 15:24

Amaute lakah kuama bawl loh va bawl kei leng, amaute khialhna hangin a mawh suak lo ding uh hi. Ahi hangin tu-in hih nalamdangte mu zo uh a, tua hi napi amaute in kei le ka Pa hong mudah khawm uh hi.

John 7:7

Leitung in no hong mudah thei kei ding hi. Ahi hangin a gamtat hoih lote lakkhia ka hi manin kei hong mudah hi.

Mark 6:27

Tua ciangin amah in John lutang a paipih nading thupiakna tawh mithatpa khat a sawlpah hi. Tua mipa pai-in thong sunga om John ngawng tana,

Jeremiah 38:4

Tua ciangin uliante in kumpipa kiangah, "Hih mipa thah ding ahi hi. Amah in hih a thugente hangin hih khuapi sunga a kinusia galkapte le mite khempeuh a lungkiasak hi. Hih pa in hih mite hoih nading zong loin a siat nading uh a zong hi," a ci uh hi.

Jeremiah 18:18

Amaute in, "Hong pai un, siampite hong hilh thukham, mipilte i dot thute, kamsangte gen thute a manthan loh nadingin Jeremiah sawmsim ni. Tua hi a hong pai un, i kam mahmah tawh nialin a gen peuhmah va thusim kei ni," a ci uh hi.

Paunakte 29:10

Sisan suah nuamte in mi citakte mudah a, a thutangte thah a sawm uh hi.

Paunakte 25:12

Thu a ngai mite tungah mipil khat taihilhna in, kham bilbah ahikeh kham citak kizepna tawh kibang hi.

Paunakte 9:8

Mi simmawh khat tai kei in, hong mudah ding hi; mipil khat tai lecin hong it ding hi.

Phatna-late 69:14

Buannawi lak panin kei hong hu-inla, hong tumsak kei in; hong mudahte pan le tuithukte panin kei hong hukhia in.

Phatna-late 55:3

galte aw le migilote hong salh gegana hangin ka lunghimawh lua hi; amaute in kei tungah thuakna hong tungsak uh a, hehsa in hong phuisam uh hi.

Phatna-late 34:21

Siatna in migilote that dinga; a thumaan mi’ galte a kimawhpaih ding hi.

2 Khangthute 18:13

Ahi hangin Micaiah in, "TOPA nuntakna lo a ka cihinah, ka Pasian in kei tunga hong gen bek ama tungah ka gen thei hi," a ci hi.

2 Kumpite 9:22

Joram in Jehu a muh ciangin, "Jehu aw, lemna thu-a hong pai na hiam?" ci-in a dong hi. Jehu in, "Na nu Jezebel a milim biakna le a aisannate khempeuh tawh a kidim laisiah bangci bangin lemna om thei ding hiam?" ci-in a dawng hi.

1 Kumpite 19:10

Amah in, "TOPA, Thahatpen Pasian adingin ka aam mahmah hi. Israel-te in thukhun nial uh a, na biakna-taute phelkhia mangin na kamsangte namsau-in a that uh hi. Kei kia bek a omlai sun ka hi-a, tu-in kei zong thah hong sawm uh hi," ci-in a dawng hi.

1 Kumpite 18:4

Jezebel in TOPA kamsangte a thahthah lai-in Obadiah in kamsangte za khat kemin, suanghawm nih sungah sawmnga ta in sel-a, an le tui a puak hi.)

1 Kumpite 22:8

Israel kumpipa in Jehoshaphat kiangah, "TOPA thu i dot theih ding mi khat om lai hi, ahi hangin amah ka mudah hi, bang hang hiam cih leh kei tawh kisai a hoih khat beek genkhol ngei lo-a a sia bekbek a gen hi. Amah Imlah tapa Micaiah ahi hi," ci-in a dawng hi. Jehoshaphat in, "Kumpipa in tua bang ci kei in," ci-in a dawng kik hi.

2 Khangthute 18:6

Ahi hangin Jehoshaphat in, "Hih lai-ah i dot theih dingin TOPA kamsang khat beek om lo ahi hiam?" ci-in a dong hi.

2 Khangthute 18:8

Tua ciangin Israel kumpipa in a uliante khat sama, "Imlah tapa Micaiah hong sampak dih un," a ci hi.