2 Khangthute 15:2 - Zokam International Version

² Amah Asa tawh kimu dingin paikhia a, "Asa le Judah le Benjamin-te khempeuh aw, ka thugen na ngai un. TOPA tawh na om khawm uh ciangin amah in note hong ompih hi. Amah na zon uh leh note in na mu ding uh hi, ahi hangin amah na taihsat uh leh amah in hong taisan ding hi.

LAISIENGTHOU CL Bible (BSI)

² Tuachi’n Azariah Asa kimupi dingin akuon khie a, akungah, “Asa leh Juda leh Benjaminte zousie in, ka thu na ngaikhie un. Mangpa lam a na pan u’leh ama zong noute lam ah apang dinga, Ama na sui u’leh na mu ding uhi, hinanleh ama na taisan u’leh aman zong noute ahing taisan ding hi.

Zo Bible

² Asa tawh kimu dingin ama pusuohin ama kungah, “Asa, Judah le Benjamin-te zosie aw, ka thugen ngai un. Ama tawh na om laisie uh note tawh Topa ang om hi. Ama na sui uleh ama na mu ding vua, ahi vangin ama na nuasie uleh ama in zong note ang nuasie ding hi.

2 Khangthute 15:2 ပူးပေါင်းရင်းမြစ်များ

1 Kumpite 11:25

Hadad lungkhamsakna behlapin Solomon nuntak sung teng Rezon in Israel a langpang hi. Tua ciangin Rezon in Aram ukin, Israel a hua mahmah hi.

1 Kumpite 18:18

Elijah in, "Ke’n Israel ka lungkhamsak kei hi. Nang le na pa innkuan na hi uh hi. Nang in TOPA thupiakte taisanin Baal-te na zui uh hi.

2 Kumpite 21:14

Ka gouluah a baanglaite ka taisan dinga, a galte uh khut sungah ka pia ding hi. A galte khempeuh uh adingin amaute galmat le van kinusia a suak ding uh hi,

1 Khangthute 28:9

Tuateh nang ka tapa Solomon aw, na pa’ Pasian thei in, TOPA in lungsim khempeuh zonga ngaihsutna zui-a gamtatnate theitel ahi manin na lungsim neihzahin ki-ap inla lungsim utsa in ama na sem in. Amah na zon leh na mu ding hi; amah na taisan leh amah in a tawntungin nang hong nolh ding hi.

2 Khangthute 11:12

Amah in khuapi tengah lumte le teipite koih a, amaute a thakhauhsak mahmah hi. Tua hi-a Judah le Benjamin ama aa ahi hi.

2 Khangthute 12:5

Tua ciangin Shishak kihta in Jerusalem a kikhawm Rehoboam le Judah makaite kiangah kamsangpa Shemaiah pai-in amaute kiangah, "TOPA gen hih ahi hi: ‘Note in kei nong nusia uh hi, tua ahi ciangin tu-in note Shishak tungah kong nusia hi,’ ci hi," a ci hi.

2 Khangthute 13:12

Pasian in kote hong ompih hi; amah kote makai ahi hi. Ama siampite in a pengkulte uh note langah galsimna in a awngsak ding uh hi. Israel mite aw, zo lo ding na hi manun na pate uh Pasian TOPA langah do kei un," a ci hi.

2 Khangthute 13:4

Ephraim mualtung gam sunga Zemaraim Vum ah Abijah dingin, "Jeroboam le Israel khempeuh aw, ka thugen ngai un!

2 Khangthute 15:15

Judah-te khempeuh a lungsim neih zahun kiciam uh ahi manin tua kiciamna hangin a nuam uh hi. Amaute in lawptakin Pasian zong uh a, amah a mu uh hi. Tua ciangin TOPA in amaute a kim a pam panun a tawlngasak hi.

2 Khangthute 15:4

Ahi hangin amaute a lungdon uh ciangin TOPA Israel Pasian lam nga in amah zong uh a, amaute in mu uh hi.

2 Khangthute 20:15

Amah in, "Kumpipa Jehoshaphat le Judah le Jerusalem a tengte khempeuh aw, ngai dih un! No tungah TOPA thugen hih ahi hi: ‘Hih galkap tampite hangin lau kei unla lungkia kei un. Ahang in, gal kidona no aa hi loin Pasian aa ahi hi.

2 Khangthute 20:17

Note in hih galte na do kha kei ding uh hi. Judah le Jerusalem aw, na panmun uh la un; kiptakin ding unla TOPA hong hotkhiat ding en un. Kihta kei un; lungkia kei un; amaute maingat dingin zing ciangin kuankhia un, TOPA in note kong ompih hi,’ ci hi," a ci hi.

2 Khangthute 20:20

Amaute zingsang tungin Tekoa Sehnel-gam zuanin a pai uh hi. A kuankhiat laitakun Jehoshaphat dingin, "Judah le Jerusalem a mite aw, ka thugen na ngai un! TOPA note Pasian muang un, na dingkip ding uh hi; ama kamsangte muang un, na gualzo ding uh hi," a ci hi.

2 Khangthute 24:20

Tua ciangin siampi Jehoiada tapa Zechariah tungah Pasian Kha a tung hi. Amah mite mai-ah dingin, "Hih in Pasian gen ahi hi: ‘Bang hangin TOPA thupiakte mang lo na hi uh hiam? Na mavang kei ding uh hi. TOPA nusia na hi manun amah in no hong nusia hi,’" a ci hi.

2 Khangthute 26:5

Ama tungah Pasian kihtak d ding lam a lakpa Zechariah nuntak sung teng Pasian a zong hi. TOPA a zon laiteng Pasian in a lawhcingsak hi.

2 Khangthute 32:8

Amah a ompih ci-le-sa galhiam hi beka ei hong ompih ahileh eite hong huh i galte hong dosak ding TOPA eite Pasian ahi hi," ci-in thu a gen hi. Tuateh Judah kumpipa Hezekiah gennasa panin mite a lungmuang uh hi.

2 Khangthute 33:11

Tua ciangin TOPA in amaute langah Assyria kumpipa galkap mangte puaka, tuate in thong sungah Manasseh khumin, a nak ah sikawi thuah uh a sumngo kolte bulhsakin Babylon ah a paipih uh hi.

2 Khangthute 33:12

Amah lungdong lua-in TOPA a Pasian angvanna zong a, a pate Pasian mai-ah a kiniamkhiat mahmah hi.

2 Khangthute 34:3

Ama uk a kum giatna, a khangmoi lai mah in a pa David Pasian zon ding a kipanpah hi. A kum sawm leh nihna sungin Judah le Jerusalem a munsangte, Asherah khuamte, a kikhuak milimte le a kisung limte siaksiang ding a kipan hi.

Ezra 8:22

Kote in kumpipa kiangah, "A migi kote Pasian khut in amah a en peuhpeuh ompih a, ahi hangin amah a taisante tungah a hehna a tung hi," ci-a ka gensa uh ahi manin lampi ah galte pana hong hu ding galkapte le sakol-tuangte kumpipa tungah ka nget ding ka maizum hi.

Phatna-late 34:4

TOPA ka zonga aman kei hong dawngin; ka launa khempeuh panin hong hukhia hi.

Phatna-late 53:2

Pasian in van panin mihing tapate ensuk a, a theitel le Pasian a zong khatpeuh a om hiam, cih a en hi.

Isaiah 45:19

Keimah in khuamialna mun khatpeuh panin a simthamin thu ka gen kei a; Jacob suante tungah, ‘A mawkna-in kei hong zong un,’ ka ci kei hi. keimah TOPA in thutak ka gen hi; thumaan bek ka genkhia hi.

Isaiah 51:1

No thumaan delha TOPA a zongte aw, ngai un: Note hong ki-eukhiatna suangpi, hong kitawhkhiatna suangkuak en un;

Isaiah 7:13

Tuateh Isaiah in, "No David innkuante aw, za un! Mihingte lungduaina na zia-et uh kicing sa nai lo na hi uh hiam? Ka Pasian lungduaina zong zia-et lai ding na hi uh hiam?

Jeremiah 2:17

Na Pasian uh TOPA in lampi ah hong makaih lai-in amah na taisan manun hihte no tungah hong tung hi lo ahi hiam?

Amos 5:14

Na nuntak nadingun gitlohna zong loin a hoih zong un. Tua ciangin amah a hi ngeisa hi na cih bang tektekun, TOPA Thahatpen Pasian note tawh hong omkhawm ding hi.

Zechariah 1:3

Tua ahi ciangin mite tungah gen in: Thahatpen TOPA gen hih ahi hi: ‘Kei lamah hong kihei un, Thahatpen TOPA in cikhia a, ‘tua teh no lamah kong kihei ding hi,’ Thahatpen TOPA in ci hi.

Misimna 14:42

Pai to kei un, bang hang hiam cihleh note tawh TOPA a om kei hi. Na galte un hong zo ding uh hi;

Misimna 14:43

ahang in, Amalek-te le Canaan-te in tua lai-ah hong maituah ding uh hi. TOPA panin lampial khin na hi manun, amah note tawh omkhawm lo dinga, namsau-in na puk ding uh hi," a ci hi.

Matthew 13:9

Bil nei peuh in za ta hen," a ci hi.

Thupiakkikna 20:1

Na galte uh sim dingin kuana, note sangin a lianzaw galte, sakolte le lengte na muh uh ciangin lau kei un, bang hang hiam cih leh Egypt pana hong paikhiatpih to TOPA note Pasian in hong ompih ding hi.

Thupiakkikna 31:17

Tua ni ciangin amaute tungah ka heh dinga amaute nusia-in amaute panin ka maitang ka sel dinga, a kisia ding uh hi. Amaute tungah vangsiatna le haksatna tampi tungin tua ni ciangin amaute in, ‘I Pasian in hong ompih nawn lo ahi manin hih vangsiatnate ei tungah hong tung hi lo ahi hiam?’ ci ding uh hi.

Thupiakkikna 4:29

Tua lai panin na lungsim khempeuh uh le na hinna khempeuh uh tawh TOPA note Pasian na zon ciang bekun na mu ding uh hi.

Hebrews 10:38

Ahi hangin ka mi thumaanpa c upna tawh a nungta ding hi. Amah a nungtolh leh ama tungah ka lungkim kei ding hi," d

Hebrews 12:25

Tua thu a genpa na nial loh nading un kikem un. Leitung ah amaute a vauhilhpa a nial uh ciangin suakta lo uh ahileh vantung pana eite hong vauhilhpa nungngatsan lehang i suahtak nading baih lo semsem ding hi lo ahi hiam?

James 4:8

Pasian naih un; amah in zong hong naih ding hi. No mawhneite aw, na khut uh sil un; no lungkate aw, na lungtang uh hahsiang un.

Joshua 22:31

Tuateh Eleazar tapa siampi Phinehas in Reuben, Gad le Manasseh-te tungah, "Hih thu ah note in TOPA lamah a muanhuai loin na sem lo na hi manun tuni-in TOPA in eite hong ompih lam i thei hi. Tu-in TOPA khut panin Israel-te na hukhia uh hi," a ci hi.

Joshua 24:20

TOPA taisanin gamdang pasiante’ na na sep uh leh note tungah hong migit khit ciangin hong lehngatsanin siatna hong tungsak dinga hong beisak ding hi," a ci hi.

Kilaakna 2:11

Pawlpite tunga Kha thugen bil nei peuh in za ta hen. A gualzo mi, a nihna sihna in a nasak kei ding hi.

Kilaakna 2:17

Pawlpite tunga Kha thugen bil nei peuh in za ta hen. A gualzopa tungah a kisel manna pawlkhat ka pia ding hi. Amah a tunga minthak om suangkang khat zong ka pia ding a, tua min a ngah pa bekin a thei ding hi.

Kilaakna 2:29

Pawlpite tunga Kha thugen bil nei peuh in za ta hen.

Kilaakna 2:7

Pawlpite tunga Kha thugen bil nei peuh in za ta hen. A gualzo pa tungah Pasian paradise-a om nuntakna singkung pan a nek theih nading thu ka pia ding hi.

Kilaakna 3:13

Pawlpite tunga Kha thugen bil nei peuh in za ta hen.

Kilaakna 3:22

Pawlpite tunga Kha thugen bil nei peuh in za ta hen," a ci hi.

Kilaakna 3:6

Pawlpite tungah Kha thugen bil nei peuh in za ta hen.

Thukhente 10:13

Ahi hangin kei nong taisan uh a, pasian dangte na na sem uh hi; tua ahi ciangin kong honkhia nawn kei ding hi.

Thukhente 9:7

Jotham kiangah hih thu a kigen ciangin Gerizim Vum dawn ah kahto in amaute otsan a, "Shechem khuamite aw, Pasian in na thu uh hong ngaih theih nadingin ka thugen na ngai un.

1 Samuel 12:14

Note in TOPA kihta in, a thu mangin a na na sep uh a, a thupiakte lehdo loin note le no hong uk kumpipa in na Pasian uh TOPA na zuih khawm uh leh - pha hi!

1 Samuel 12:15

Ahi hangin TOPA thu na man kei uh a, ama thupiakte na langpan uh leh na pate uh langkhatah ama khut a pan bangin note langkhatah zong a pang ding hi.