2 Khangthute 13:7 - Zokam International Version

⁷ Ama kimkot ah mi helhot pawlkhat kikhawm uh a, a khangmoi lai, thukhentat thei nai lo amaute a lehdo dingin a hat nai lo Solomon tapa Rehoboam a langpan uh hi.

LAISIENGTHOU CL Bible (BSI)

⁷ Mi lungsim sie, namanlou pawlkhat ama nua zui in akikhawm ua, Solomon tapa Rehoboam kal in apang uhi. Khum hun lai in Rehoboam anaupang nalai a, thukhentat dan asiem nai sih a, tualeh amaute nang dingin ahatzou nai sih hi.

Zo Bible

⁷ tuale Rehoboam pen khangno lai a, thukhentat thei nai loin amate a nan zo lo hun laitahin, a kimvelah kimanna a nei lo mi ginalo honkhat kikhawmin Solomon’ tapa Rehoboam a dem bawl uhi.

2 Khangthute 13:7 ပူးပေါင်းရင်းမြစ်များ

2 Khangthute 12:13

Kumpi Rehoboam amah le amah Jerusalem ah khotakin kikipsak a kumpi a semsuak hi. Amah kumpi a suahin kum sawmli le khat hi-a, Israel behte khempeuh lak panin TOPA in a Min koih nadingin a teelsa khuapi Jerusalem ah kum sawm le sagih sung a uk hi. A nu min Naamah hi a; Ammon-te ahi hi.

Thukhente 9:4

Amaute in Baal-Berith biakinnpi panin ngun shekel c sawm sagih pia uh a, Abimelech in ama nungzui mi ngoltolte cialna-in a zang hi.

Hebrews 5:12

A taktak in, siate suakin mite na hilh ding uh hun ta hi napi Pasian thu thutak bulpite hong hilh kik ding mi khat na kisam uh hi. Antak hi lo nawizu na kisam uh hi.

Titus 1:10

Bang hang hiam cih leh a diakdiakin vunat pawlte sungah a lehdo thei mi, a kamsi le a zuauphuak mi tampi a om hi.

1 Corinth-te 14:20

Sanggamte aw, naupang banga na ngaihsutnate uh tawp ta un. Gitlohna lamah naungeekte hi un; ahi hangin lungsim ngaihsutna lamah a khang hamsate na hi un.

Nasepte 17:5

Ahi hangin Jew-te in haza uh a, vanzuakna muna migilo pawlkhat kaikhawmin khuapi sungah mipi khawm uh a, ngongtatna a pan uh hi. Amaute Jason innah lut henhan uh a, mihonte c lak pan kaihkhiat dingin Paul le Silas a zong uh hi.

Isaiah 3:4

Naupangte amau ulian ka suaksak ding hi; naupang melmawlte in amaute a uk ding uh hi.

Thuhilhna 10:16

Nasem a khat kumpi-in nei a, zingsanga pawi bawl gam-uk a nei gam aw, gimna na thuak ding hi.

Paunakte 28:19

Ama leitang a kho mi in an tampi nei dinga, sunmang sansanpa zawng teitei ding hi.

Paunakte 12:11

Ama leitang a nasempa in an tampi nei dinga, sunmang peuh a geelgeelte thu khentel thei lo ahi hi.

Phatna-late 26:4

Zuauthei mi tawh tukhawm loin kineihsiamte tawh ka kikhawl kei hi.

Job 30:8

Amaute min nei lo migilo hontang hi uh a, gamsung panin kihawlkhia mang khin hi.

2 Khangthute 10:16

Kumpipa in Israel-te thu a nial amaute khempeuh in a muh uh ciangin kumpipa tungah: "David ah eite in bang tanh nei a, Jesse tapa ah bang kihelna nei i hi hiam? Israel aw, na puanbuk ciatuah ciah un! David aw, na inn nangmah’n cing un!" ci-in a dawng uh hi. Tua ciangin Israel-te khempeuh inn ah a ciah uh hi.

1 Kumpite 21:13

Tua ciangin mibang lo nih hong pai uh a, amah tawh kigalsai in a tu uh hi; mite mai-ah Naboth mawhsak uh a, "Naboth in Pasian le kumpipa hamsiat hi," a ci uh hi. Tua ciangin amah khuanawl ah paikhiatpih in suangin a denglum uh hi.

1 Kumpite 21:10

Ahi hangin amah tawh kigalsai-in mibang lo nih tusak unla amah in Pasian le kumpipa hamsiat hi cih teci pangsak un. Tua ciangin paikhiatpih unla suangin denglum un," ci-in a gelh hi.

1 Samuel 22:2

A lungdongte ahi a, leiba bate ahi zongin lungkimlohna a nei khempeuh a ma kiangah kikhawm uh a, amah makai a suak hi. Amah tawh mi zali bang a om uh hi.

Thukhente 11:3

Tua ciangin Jephthah a sanggamte kiang panin taikhia a, Tob gamah tengin tua lai-ah mi ngoltol pawlkhat kikhawmin amah a zui uh hi.

Thupiakkikna 13:13

note lakah tua bang migilo khangin amau khuapi sungah mite lam khialh nadingin, "Eite pai-in pasian dangte va bia ni," (na theih ngei loh uh pasiante) ci-a a makaih khialh lam na zak uh leh

2 Samuel 3:39

Tua hi-a, tuni-in sathau kinilh kumpipa ka hi hangin ka tha nem-a, hih Zeruiah’ tapate kei adingin thahat lua uh hi. TOPA in a gamtatsiapa a gamtat siatna bangin thuk ta hen!" a ci hi.