2 John 1:4 - Zokam International Version

⁴ Pa in eite hong thupiak bang tektek in, na tate uh pawlkhat thutakin a kalsuan uh ka muh in nakpi-in hong nuamsak hi.

LAISIENGTHOU CL Bible (BSI)

⁴ Pa kunga kipat a thupieh imu banga, natate pawl khat thutah a um ka mu ziehin ka kipah mama hi.

Zo Bible

⁴ Pa in eite ei thupieh bang lienin thuman thutah sungah na tate pawlkhat a kalsuon uh ka mu ziehin ka kipah mama hi.

2 John 1:4 ပူးပေါင်းရင်းမြစ်များ

Hosea 14:9

A pil kua ahi hiam? Amah in hih nate thei ding hi. Thu theikak kua ahi hiam? Tuate a mah in theitel ding hi. TOPA lampite maan hi; thumaante in tuate tawn uh hi, ahi hangin a lehdote tuate ah a kimuktu uh hi.

Malachi 2:6

Ama kam sungah thumaan lahna oma a muk ah khialhna khat beek kimu lo hi. Amah lungnuamtak le tangtakin kei tawh tonkhawm a, mawhna pan mi tampi a kiheisak hi.

1 Corinth-te 13:6

Itna in gitlohna pakta lo a, ahi hangin thutak ah a lungdam hi.

Galatia-te 2:14

Lungdamna-thu amaan bangin amaute in sem lo uh cih ka muh ciangin amaute khempeuh mai-ah Peter kiangah, "Nang Jew mi hi napi, Jew mi bang loin Gentile mi bangin na nungta hi. Tua hi napi Jew ngeina zui dinga Gentile-te na kalh teitei bangci bang hiam?

Ephesa-te 5:2

Christ in eite hong it a, eite adingin Pasian tungah a namtui-a piakna ding le biakpiakna dingin amah le amah a kipiakkhiat bangin itna nuntakna tawh na nungta un.

Ephesa-te 5:8

Ahang in, hun khat lai-in note khuamial na hi uh a, ahi hangin tu-in Topa sungah khuavak na hi uh hi. Khuavak tate bangin na nungta un;

Philippi-te 4:10

Kei nong deihsakna uh na thak suaksak takpi manun, tu petpetin Topa sungah nakpitakin ka lungnuam hi. Nong lunghimawh takpi uh a, ahi hangin nong lah nading uh hun hoih na nei kei uh hi.

1 John 2:6

‘Ama sungah ka nungta hi,’ a ci peuhmah, Jesu gamtat bangin a gamta pelmawh ding hi.