1 Timothy 5:6 - Zokam International Version

⁶ Ahi hangin ama noptatna-a nungta meigongnu, a nuntak lai nangawnin a si ahi hi.

LAISIENGTHOU CL Bible (BSI)

⁶ Hinanleh meithai ama nopsahna a hing nu khu adamlai in zong ashi ahi.

Zo Bible

⁶ ahi vangin noptatna lamah a nungta numei nu ahile a hin sung nangawnin a si zo ahi ta hi.

1 Timothy 5:6 ပူးပေါင်းရင်းမြစ်များ

Piancilna 2:17

ahi hangin a sia a pha theihna singkung panin na ne peuhmah kei ding hi; ahang in, tua na nek hunhunin na si pelmawh ding hi," ci hi.

Paunakte 29:21

Mi khat in a inntengpa a neu tungin a hawmthawh bawl leh a tawpna ah dahna a a tun ding hi.

Isaiah 22:13

Ahi hangin en in, tua lai-ah lungnopna le nopsakna, bawng gawhna le tuu gawhna, zu dawnna le sa nekna a om ding hi! "Zing ciang si ding i hi manin ne in dawn ni!" na ci uh hi.

Isaiah 47:1

Babylon Tanu Bit aw, tuaksukin leivui lakah tu in; Babylon mite a tanu aw, tutphah loin leitual ah tu in. Nang a moi ahikeh a ngeek hong kici nawn lo ding hi.

Jeremiah 6:2

A melhoih mahmah a ngek ngi-ingei Zion Tanu ka susia ding hi.

Tamlawhna 4:5

Hun khat lai-a anlim nete kongzing lakah hawmsuak uh hi. Puan hoih pen nuai-a khangkhiate tu-in vutbuakna ah lum ta uh hi.

Matthew 8:22

Ahi hangin Jesu in, "Ka nung hong zui in, misite in amau misite na vui uh hen," ci-in a gen hi.

Luke 12:19

Tua ciangin, ‘Kum tampi man ding na hoih tampi ka koih khin zo hi. Nuntakna nopzatin, nene-in dawndawnin gualnuam in, ka kici ding hi,’ ci hi.

Luke 15:13

"Tua khit a sawt loin a nauzawpa in a neih khempeuh kaikhawmin, gamlapi ah pai-a noptatna-in a sum neih teng a zangbei hi.

Luke 15:24

Ahang in, hih a si khinsa ka tapa tu-in hing kik zo hi; a mangsa hi-a tu-in kimu kik hi,’ ci hi. Tua ahi ciangin amaute in a lawm uh hi.

Luke 15:32

Ahi hangin na sanggampa a si khinsa tu-in hong hing kika, a mangsa tu-in kimu kik ahi manin nuamin i lop a kul hi,’ ci hi," ci-in a gen hi.

Luke 16:19

"Khatvei sumhaupa khat a om hi; tuapa in puan dupsan le saihadial puan silh a, nisimin noptatin a om hi.

Luke 7:25

Ahi kei leh bang en dinga paikhia na hi uh hiam? Puan hoih silhte en dinga pai na hi uh hiam? Hi lo hi. Puan hoih silhte le a noptatte kumpi-inn sungah a om uh hi.

Ephesa-te 2:1

Note na hi uh leh na mawhnate uh le na khialhnate uh sungah na si khin uh a,

Ephesa-te 2:5

khialhna sungah si-a i om laitak nangawnin Christ tawh eite hong nungtasak khawm - hehpihna hangin hotkhiat na hi uh hi.

Ephesa-te 5:14

Ahang in, na khempeuh a kimu theisak khuavak ahi hi. Hih thu hangin: "Ihmu mi aw, khanglo in, misi panin tho in, tua hileh nang tungah Christ a tang ding hi,"a na ci hi.

Thupiakkikna 28:54

Note laka mi lungneem a cikzia thei pente nangawn in a sanggampa ahi a, a it a zi ahi a, a nungtasun a tate ahi zongin khuatuah lo dinga,

Thupiakkikna 28:56

Note lakah mi lungneem a cikzia thei pen numeite - lungneem lua le cikzia lua kisa-in a khenuai le lei a kisukkhak ding nangawn a ut lote in - a it a pasal le ama tanu’ tapate,

Colosse-te 2:13

Note na mawhnate uh le na mawh dim pianngei b vunat lohna sung uhah na sih laitakun Pasian in note c Christ tawh hong nungta khawmsak hi. Amah in i mawhnate khempeuh hong maisaka,

2 Timothy 3:6

Amaute, kinelnelin mi innah va lut uh a, mawhnate tawh kidim lunggulhna namkim in a suknawk a tonawk,

James 5:5

Note, leitung ah noptatna zulhzauna-in na nungta uh hi. Hong kigawh ni-a dingin na kithausak c uh hi.

Kilaakna 18:7

Noptatna le minthanna amah le amah a kipiak zahzah, gawtna le dahna amah pia un. A lungtang ah amah kisathei a, ‘Kumpinu-in ka tu hi; meigong ka hi kei a, ka thum ngei kei ding hi,’ ci hi.

Kilaakna 3:1

"Sardis a pawlpi vansawltak b tungah gelh in: Hihte, Pasian kha c sagihte le aksi sagihte a tawipa kammalte ahi hi: Na nasepte ka thei-a, a nungta-a na than hangin a sisa na hi hi.

1 Samuel 15:32

Tua ciangin Samuel in, Amalek kumpipa Agag kei kiangah hong paipih in," a ci hi. Agag in, "Sihsia-a sihna a bei taktak ta hi buang inteh" ci-in lungmuang a sa-in ama kiangah a pai hi.

1 Samuel 25:6

Ama kiangah, ‘Na khan sawt ta hen! Nang le na innkuanpihte na ci uh dam ta hen! Na neihsa khempeuh cidam ta hen!