1 Timothy 1:5 - Zokam International Version

⁵ Hih thupiakna ngim kung in, lungsim siangtho, eima kitheihna hoih le upna taktak pana piang itna ahi hi.

LAISIENGTHOU CL Bible (BSI)

⁵ Tam thupiehin atup pen lungtang siengthou leh sie leh pha theina hoi leh ginna dihtah akipat a hing um itna nei ahi.

Zo Bible

⁵ Ahi vangin tam bang thuhilna’ a tupna pen lungsim siengtho, ei le ei kitheina hoi, le upna tahtah pana a pei itna ahi hi.

1 Timothy 1:5 ပူးပေါင်းရင်းမြစ်များ

Phatna-late 24:4

Khut siangtho le lungsim siang a nei mi, ama hinna milim lam a ngat lo ahikeh zuauthu-a a kiciam lo mi a ding thei hi.

Phatna-late 51:10

Pasian aw, ka sungah lungsim siang hong piangsak inla akip ka lungsim thak suaksak in.

Jeremiah 4:14

Jerusalem aw, na lungsim a gitlohna sawp inla, suakta in. Na gitlohna lungsimte bang tanvei kemcip lai ding na hi hiam?

Zephaniah 3:7

Khuapi kiangah, ‘Kei hong kihta in hong kibawlphatnate sang nuam ta niteh maw!’ ka ci hi. Tua ciangin ama sunga teng mite kikhenkhia nawn lo dinga, a tungah ka dan piaknate khempeuh zong a tung kei ding hi. Ahi hangin a sep ngeite uh sep ding a lawp lai veve ding uh hi.

Matthew 12:35

Mi hoih in a sunga a kholsa na hoihte pusuah a, migilo in a sunga a kholsa na hoih lote a pusuah hi.

Matthew 5:8

Lungsim siangthote thupha ngah ahi hi, ahang in, amaute in Pasian a mu ding uh hi.

Nasepte 15:9

Amah in amau lungtangte, upna tawh siansuah khin ahi manin eite le amaute hong deidan lo hi.

Nasepte 23:1

Paul in Sanhedrin-te tangtakin en a, "Ka sanggamte aw, tuni dongin Pasian tungah kisuantaakna om loin ka sep ding teng ka tangtun khin zo hi," a ci hi.

Nasepte 24:16

Tua ahi ciangin Pasian le mite mai-ah kisuantakna a om lo dingin gamtat ka sawm tawntung hi.

Rome-te 10:4

A um peuhmah in thumaanna a ngah theih nadingin thukham tawpna Christ ahi hi.

Rome-te 12:9

Itna, a taktak hi pelmawh ding hi. Gitlohna na mudah un, a hoih na pom cinten un.

Rome-te 14:15

Na nek khatpeuh hangin na sanggampa a lungdon leh itna sunga gamta na hi nawn kei hi. Ama adinga zong Christ a si na sanggampa a lungdon leh itna sungah gamta na hi nawn kei hi. Na nekna hangin ama adingin zong Christ a si na sanggampa, siasak kei in.

Rome-te 9:1

Christ sunga om tua thutak ka gen hi - ka zuau hi loin Khasiangtho sunga ka kitheihna lungsim in tua kipsakna,

1 Corinth-te 13:1

Tu-in a hoihpipen lampi kong lak ding hi. Mihingte pau le vansawltakte pau-in c ka pau theih hangin itna ka neih kei leh zam ahikeh daltuah ging bang lel ka hi hi.

2 Corinth-te 1:12

Kote kisialhna hih ahi hi: Leitunga ka gamtatnate uh le a diakdiakin note tawh i kizopna thu ah kote ngaihsutna zang loin Pasian tung pana sianthona le cihtakpina tawh ka gamtatna uh ka lungsim kitheihna un teci a pang hi. Kote in leitung pilna tawh kizui-in hih loin Pasian hehpihna tawh kizui-in tua bangin ka hih uh hi.

Galatia-te 5:22

Ahi hangin Kha gah in: itna, lungnopna, kilemna, thuakzawhna, citna, hoihna, muanhuaina,

Galatia-te 5:6

Ahang in, Christ Jesu sungah vunat, ahi zongin, vunat loh ahi zongin kimanna a nei kei hi. Itna tungtawna kipulak tua upna bek in kimanna a nei hi.

Thupiakkikna 10:12

Israel aw, tu-in ahileh TOPA note Pasian in note tungah bangdang hong ngen loin: TOPA note Pasian kihta a, ama lampite zui-in amah it a, na lungsim khempeuh uh le na hinna khempeuh uh tawh TOPA note Pasian na sem-a,

1 Timothy 1:18

Ka tapa Timothy aw, nang thu tawh kisai, khatvei lai-a genkholhnate tawh kituakin hih lamlahnate kong pia hi. Tua lamlahnate zui-a, upna le lungsim kitheihna hoih lenin galdona hoih na do theih nading ahi hi.

1 Timothy 1:19

Mi pawlkhat in hihte nolh uh a, a upna uh a siasak ngi-ingei uh hi.

1 Timothy 3:9

Amaute lungsim kitheihna siangtak tawh a thuk upna thutakte a lenkipte hi pelmawh ding hi.

2 Timothy 1:3

Ka thungetnate ah sun le zanin nang kong phawk tawntung a, ka pu ka pa-te hihsa bangin lungsim kitheihna siang tawh a na ka sep Pasian tungah lungdam ka ko hi.

2 Timothy 1:5

Na up taktakna ka phawka, tua thu-upna, na pi Lois sungah nungta masa-in, tua khitteh na nu Eunic sungah nungta a, tu-in nang sungah zong nungta hi cih teltakin ka taksang hi.

2 Timothy 2:22

Khangno gitloh lunggulhnate taisan inla, lungsim singtho-a Topa a sam mite tawh thumaanna, upna, itna le lemna na delh in.

Titus 1:15

A siangthote aa in na khempeuh siangtho a, ahi hangin a kisiate le a um lo mite aa in a siangtho khat beek a om kei hi. A taktakin amaute lungsim le a lungsim kitheihna uh a siakhawm hi.

Hebrews 10:22

eite lungsim kisuantakna panin i lungtangte thehsiangsa le i pumpi tuisiang tawh silsa in, upna hanga kitheihtelna kim tawh Pasian kiang zuan ni.

Hebrews 13:18

Ko ading thu hong ngetsak un. Lungsim kisuantakna nei lo le lam khempeuh ah pahtawitaka nuntak ding ka lunggulh lam uh ka telcian uh hi.

Hebrews 9:14

Tua ahileh tawntung Kha tungtawnin amahmah kawk baang lo a; Pasian tunga kipia Christ sisan in sihna hong tun nasepna a panin a nungta Pasian na i sep theih nadingin i lungsim kitheihna hong siangsak zawtham lo ding ahi hiam!

James 4:8

Pasian naih un; amah in zong hong naih ding hi. No mawhneite aw, na khut uh sil un; no lungkate aw, na lungtang uh hahsiang un.

1 Peter 1:22

Tu-in na sanggamte uh itna takpi na neih nading uh le khat le khat na lungsim tawng b uh tawh na ki-it tek nadingun thutak thu mangin no le no na kisiansuah khin zo uh hi.

1 Peter 3:16

Christ sunga om na gamtatna hoih uh langpang a, a simmawhte in a gensiatna uh a maizumpih theih nadingun na lungsim kitheihna uh siangthotakin kem un.

1 Peter 3:21

Hih tui in tu huna note zong hong honkhia baptise na a lak hi; pumpi tung ninte sawpkhiatna hi loin Pasian lamah lungsim kitheihna hoih-a kiciamna e ahi hi. Tua in Jesu thawhkikna hangin note hong honkhia hi.

1 Peter 4:8

Tuate khempeuh banah, itna thukpi-in khat le khat na ki-it un, bang hang hiam cih leh itna in mawhna tampitak a khuh hi.

2 Peter 1:7

le pasian-mina tungah sanggam kikhualna le sanggam kikhualna tungah itna na behlap un.

1 John 3:10

Hih in Pasian tate le dawimangpa tate i theihkak theih nading ahi hi. Mi khatpeuh amaana a gamtat kei a, ama sanggampa a it kei leh Pasian ta ahi kei hi.

1 John 3:23

Ama thupiak hih ahi hi: Ama Tapa Jesu Christ min up ding le amah in eite hong thupiak bangin khat le khat i ki-it ding ahi hi.

1 John 3:3

Ama sunga hih lametna a nei peuhmah, amah a siantho bang tektekin amah le amah a kisiangthosak hi.