1 Timothy 1:4 - Zokam International Version

⁴ tangthu phuahtawm le a bei thei lo khang ciamtehna peuh kana, a kipumpiak nawn loh nadingun thu na piak theih nading ahi hi. Hihte in upna hanga piang Pasian nasepna sangin kinialna a piangsak zaw hi.

LAISIENGTHOU CL Bible (BSI)

⁴ Amauten tangthu bulbal neilou khangthu sut beitheilou, kinielna apiengsah ua, ginna zieh a Pasian nasepna lam a phatuomlou thute taisan dingin thu hil in.

Zo Bible

⁴ upna tawh a kithei Pasien’ vaihawmna ahi lo, kinielna a piengsah thei phuotawm tangmite le mong nei lo khanggui ciemtena po-ah amate a kipumpieh lo nadingun thu na hil thei nadingin kang hanthawn hi.

1 Timothy 1:4 ပူးပေါင်းရင်းမြစ်များ

2 Corinth-te 1:12

Kote kisialhna hih ahi hi: Leitunga ka gamtatnate uh le a diakdiakin note tawh i kizopna thu ah kote ngaihsutna zang loin Pasian tung pana sianthona le cihtakpina tawh ka gamtatna uh ka lungsim kitheihna un teci a pang hi. Kote in leitung pilna tawh kizui-in hih loin Pasian hehpihna tawh kizui-in tua bangin ka hih uh hi.

Ephesa-te 3:2

Note adinga kei tunga hong kipia Pasian hehpihna in na a sepkhiatna thu na za zo tham uh hi.

1 Timothy 3:16

A lian mahmah nial nading a om lo pasian-mina thuthuk ahi: Amah e pumpi-in f hong kilang a, Kha in dik tangsakin vantung mite in mu uh a, minamte lakah a thu kihilhin leitungah ki-um a, minthanna tawh kilato hi.

1 Timothy 4:7

A kiphuaktawm pasian-neilote tangthute le pitekte tangthu gente tawh kisawhkha kei inla, tua tangin na pasian-mi nadingin nang le nang kisin in.

1 Timothy 6:11

Ahi hangin nang Pasian mipa aw, hihte khempeuh taisan inla, thumaanna, pasian-mina, upna, itna, sikdona le lungnemna na delh in.

1 Timothy 6:20

Timothy aw, na kep dinga hong kipia, limtakin cing in. Pasian nei lo thu mawk genna le a maan lopi-a theihna a kici, ngaihsutna kituak lote kiheimang san in.

2 Timothy 2:14

Hih thute amaute phawksak kik den in. Thumalte peuh tawh kisai-a a kitot loh nadingun Pasian mai-ah amaute vauhilh in; tua in kimanna nei loin a ngai mite a siasak bek hi.

2 Timothy 2:22

Khangno gitloh lunggulhnate taisan inla, lungsim singtho-a Topa a sam mite tawh thumaanna, upna, itna le lemna na delh in.

2 Timothy 2:23

A haihuai le thugina lo kiselnate in kitotna piangsak cih thei na hi manin tuate ah kikum kha kei in.

2 Timothy 4:4

Amaute in thutak lehngatsan ding uh a, phuahtawm tangthu lamah a nga ding uh hi.

Titus 1:1

Pasian teelte, upna le pasian-mina - a tun thutak theih nadinga -

Titus 1:14

Jew-te phuahtawm tang thute ahikeh thutak a nial mite thupiakte a thudon loh nadingun khauh takin tai in.

Titus 3:9

Ahi hangin a haihuai kikalhnate, khang tangthute, thukham thu a kiselnate le kitotnate peel in. Bang hang hiam cih leh hihte, phattuamna nei lo le a kimanna bei ahi hi.

Hebrews 13:9

Thuhilhna tuamdangte khempeuh na kipimangsak kei un. A nete adingin kimanna a nei lo biakna ngeina ante sangin, hehpihna hanga a kithakhauhsak i lungtangte adingin a hoih hi.

2 Peter 1:16

Note tungah i Topa Jesu Christ vangliatna le hong pai kik nading thu kong hilh lai-un, piltaka kiphuak tawm tangthute peuh zui hi loin ama thupina mita a mute ka hi zaw uh hi.