1 Samuel 7:3 - Zokam International Version

³ Tua ciangin Samuel in Israel innkuan buppi tungah, "Na lungsim khempeuh un TOPA lamah kihei-a, na gamdang pasiante uh le Ashtoreth-te paikhia-un, TOPA tungah ki-apa ama na bek na sep uh leh, amah in note Philistia-te khut panin hong hukhia ding hi," a ci hi.

LAISIENGTHOU CL Bible (BSI)

³ Tuachi’n Samuel in Israel innkuonte zousie kungah, “Na lungtang zousie u’toh Mangpa kunga hing kinuale nahi u’leh, gamdang pasiente leh Ashtorethte nalah ua kipat in paimang unlen, nalungtang uh Mangpa a dingin kisa kholsah unlen, Ama nna bou sem un; tuachi’n Philistin mite khut a kipat ahing hunkhe ding hi,” chi’n agen hi.

Zo Bible

³ Tua ciengin Samuel in Israel innkuon zosie kungah, “Na lungsim zosie utawh Topa lamah a kiheikia na hi uleh, gamdang pasien-te le note lah panin Astartes-te paimang un. Na lungtang uh Topa lam ngatin ama’ na beh sem un, tua hile ama in Philistia-te’ khut sung panin ang hunkhie ding hi,” a ci hi.

1 Samuel 7:3 ပူးပေါင်းရင်းမြစ်များ

Piancilna 35:2

Tua ciangin Jacob in a innkuanpihte le amah tawh a omte khempeuh tungah, "Na kep uh gamdang pasiante paikhia unla, no le no kisiansuahin na puansilh uh khek un.

1 Kumpite 11:33

Kei mah in hih ka sem ding hi, bang hang hiam cih leh amaute d in kei hong taisan uh a, Sidonte nusian Ashtoreth, Moab-te pasian Chemosh le Ammon-te pasian Molech-te bia -in, ka lampite zui lo uh a, ka muhna ah amaanin gamta loin, Solomon pa David zuih bangin ka ngeina kipte le ka thukhunte a zui kei uh hi.

1 Kumpite 8:48

amaute salin a kai a galte uh gamah a lungsim uh a hinna khempeuh uh tawh nang tungah hong kihei kik uh a, a pate uh na piaksa leitang lam, na teelsa khuapi lam, na Min adingin ka lamsa biakinnpi lam nga-in thu hong nget uh leh,

2 Kumpite 17:39

TOPA note Pasian bia un, na galte khempeuh uh khut panin hong hukhia ding pa amah ahi hi," a ci hi.

2 Kumpite 23:15

Israel mawhna a bawlsakpa Nebat tapa Jeroboam in a bawl Bethel a biakna-tau le munsangte nangawn a phiatmang hi. Amah in a munsangte mei-in hal a gawivui-in Asherah khuam zong a haltum hi.

1 Khangthute 22:19

Tu-in TOPA na Pasian uh zong dingin na lungsim uh le na hinna uh ki-ap un. TOPA Min adingin a ki-ap ding biakinnpi sungah TOPA thukhun singkuangpi le vanzat siangthote na koih theih nadingun TOPA Pasian munsiangtho lam kipan ta un," a ci hi.

1 Khangthute 28:9

Tuateh nang ka tapa Solomon aw, na pa’ Pasian thei in, TOPA in lungsim khempeuh zonga ngaihsutna zui-a gamtatnate theitel ahi manin na lungsim neihzahin ki-ap inla lungsim utsa in ama na sem in. Amah na zon leh na mu ding hi; amah na taisan leh amah in a tawntungin nang hong nolh ding hi.

2 Khangthute 19:3

Ahi zongin gamsung panin Asherah khuamte na phiatkhia a Pasian zon ding na lungsimin ngaihsun na hi manin nang sungah a hoih pawlkhat om sam hi," a ci hi.

2 Khangthute 20:33

Ahi zongin munsangte kiphiat khia lo a, mite in a pate uh Pasian tungah a lungsim uh a nga nai kei lai uh hi.

2 Khangthute 30:19

a lungsima Pasian zong peuhmah - TOPA amaute Pasian aw - munsiangtho ngeina tawh kituakin amah a sian loh hangin maisak in," a ci hi.

Paunakte 16:1

Lungsima geelna mihing aa hi-a, leii a dawnna ahileh TOPA tung pana pai ahi hi.

Isaiah 55:7

Tatsiapa a gamtat nusiasak unla, a gilopa a lungsim kheelsak un; TOPA lamah kiheisak le uh cin amah in lainat dinga, eite Pasian lamah na kiheisak uh leh amah in a mawhna maisak pha mahmah ding hi.

Jeremiah 24:7

Keimah TOPA ka hilam hong theih nadingun lungsim ka guan ding hi. A lungsim khempeuh uh tawh kei kiangah hong kileh kik ding uh ahi manin amaute keima mi hi ding uh a, keimah amaute Pasian ka hi ding hi.

Jeremiah 36:3

Judah mite in amau tunga tunsak dinga ka ngim siatna khempeuh a zak uh ciangin amau gitlohna pan kihei kha ding uh a, tua ciangin amau gitlohna le amau mawhna ka maisak kha ding hi," a ci hi.

Jeremiah 4:1

"Israel aw, nong kileh kik leh, kei kiangah hong kileh in," TOPA in cikhia hi. "Ka muhna panin a kihhuai na milimte uh hemmang-in gammang nawn lo-a,

Ezekiel 14:6

"Tua ahi ciangin Israel innkuante tungah gen in, ‘Hih in Thupipen TOPA gen ahi hi: Kisik un! Na milimte panun kihei unla a kihhuai na gamtatnasa teng uh lehngatsan un!

Ezekiel 18:31

Na gamtatnasa khempeuh panun kikhel unla, lungsim thak le kha thak nei un. Israel innkuante aw, bang hang si ding na hi uh hiam?

Hosea 14:1

Israel aw, TOPA na Pasian lamah kihei in. Nang mawhnate in na pukna ahi hi.

Matthew 15:8

‘Hih mite in a muk uh tawh kei hong pahtawi uh a, ahi hangin a lungtang uh kei panin gamla hi.

Matthew 4:10

Jesu in, "Satan, paikhiamang in! ‘Na Topa Pasian bia inla, ama na bek sem in,’ f ci-in kigelh hi," a cih san hi.

Matthew 6:24

"Kuamah in tonih na semkhawm thei lo hi. Khat itin khat a mudah hiam, khat belin a khat a simmawh hiam, khat zawsang hi ding hi. Note in Pasian nasep le sum nasep na thuahkhawm thei kei ding uh hi.

Luke 4:8

Jesu in, "‘Na Topa Pasian bia inla ama na bek sem in,’ f ci-in kigelh hi," ci-in a dawng hi.

John 4:24

Pasian in kha ahi hi. Amah a biate in kha le thutakin a bia pelmawh ding uh hi," a ci hi.

Thupiakkikna 10:20

TOPA note Pasian kihta unla a na sem un. Amah kiplet unla ama minin kiciam un.

Thupiakkikna 13:4

Na zuih pelmawh ding uh le na zahtak pelmawh ding uh TOPA note Pasian ahi hi. Ama thupiakte zui-in mang unla; ama na semin amah lenkip un.

Thupiakkikna 4:29

Tua lai panin na lungsim khempeuh uh le na hinna khempeuh uh tawh TOPA note Pasian na zon ciang bekun na mu ding uh hi.

Thupiakkikna 6:13

TOPA note Pasian kihta unla ama na bek semin ama min ah kiciam un.

Joshua 13:31

Gilead kimkhat, le Ashtaroth le Edrei (Bashan a Og kumpipa khuapi) ciang ahi hi. Hih in Manasseh tapa Makir suante ading hi-a - Makir tapate alangte in a bawng’bawng’a a tanh ding uh ahi hi.

Joshua 24:14

"Tu-in TOPA kihta in na muanhuai theih tawpun ama na sem un. Gunpi gal le Egypt a na pute uh biak pasiante paimang unla TOPA’ na sem un.

Joshua 24:23

Joshua in, "Tua ahileh tu-in note laka om gamdang pasiante paimang unla TOPA Israel Pasian tungah na lungsimte uh ap un," a ci hi.

Thukhente 10:16

Tua ciangin amaute laka a pasiante uh paikhia-in TOPA’ na a sem uh hi. Tuateh amah in Israel’ gimthuakna a thuakzo nawn kei hi.

Thukhente 10:6

TOPA mit ah Israel-te gamtatsia leuleu uh hi. Amaute in Baal le Ashtoreth-te le Aram’ pasiante, Sidon’ pasiante, Moab’ pasiante Ammon pasiante le Philistia-te’ pasiante’ na a sem uh hi. Israel-te in TOPA taisan uh a, ama na a sep nawn loh uh ciangin

Thukhente 2:11

Tua ciangin Israel-te in TOPA mit ah a hoih lo gamta-in Baal-te’ na a sem uh hi.

Thukhente 2:13

Amaute in amah a nusiatna uh leh Baal le Ashtoreth-te na a sepna uh tawh TOPA a hehsak uh hi.

1 Samuel 31:10

Amaute in Ashtoreth-te biakna innpi sungah a galvante koih uh a, Beth Shan kulh tungah a luang a hen uh hi.