1 Samuel 6:3 - Zokam International Version

³ Amaute in, "Israel’ pasian singkuangpi na puak kik uh leh a hawm guakin puak kei un; khialhna hanga biakna ama tungah khak tektek un. Tua ciangin na ci uh dam dinga, note tungah a khut a liik nawn loh lam na thei ding uh hi," ci-in a dawng uh hi.

LAISIENGTHOU CL Bible (BSI)

³ Tuachi’n amaun “Israelte Pasian bawm na hahkhiet ding u’leh zong aguoh in hakhesih un; ahithei tan in akung ah khelna kithoina lan teitei un, tuachi’n damsah in na um ding ua, tualeh bang ding a akhut khu na tung ua kipat a ladohlou ding ahiei, chi na thei ding uhi,” achi uhi.

Zo Bible

³ Amate in, “Israel-te’ singkuong na sawldawh ding uleh a guohin sawl sih un, bangbang hile khielna zieha biehna pie un. Tua ciengin na dam ding vua, bang zieha note kung pana a khut a khin nai lo lam na thei ding uhi,” a ci hi.

1 Samuel 6:3 ပူးပေါင်းရင်းမြစ်များ

Job 10:2

Pasian kiangah: Kei hong mawhpaih kei inla nong mawhsakna hong gen in, ka ci ding hi.

Paikhiatna 23:15

"Silngo-sawhloh Anlum Pawi na bawl un. Kong thupiaksa bangin ni sagih sung silngo sawh loh anlum na ne un. Abib kha a kiseh hunin na hih un, ahang in, tua kha-in Egypt pan a paikhia na hi uh hi. "Ka mai-ah kuamah khutguakin hong kilaak kei ding hi."

Paikhiatna 34:20

Laa tacil tuuno khatin tan un, ahi zongin na tat kei uh leh a ngawng kuaitan un. Na tapa uh a upa pente khempeuh tan un. "Ka mai-ah khutguakin kuamah hong pai kei ding hi.

Paikhiatna 8:15

Ahi hangin Pharaoh in haksatna bei ta cih a theih ciangin TOPA cihsa bang tektekin a lungtang khauhsak a, Moses le Aaron thu ngai lo hi.

Siampi Laibu 5:6

ama hihsa mawhna dan dingin TOPA tungah mawhna hanga biakna-in ganhon panin tuuno a nu khat ahikeh keel a nu khat paipih ding hi; tua ciangin siampipa in ama adingin a mawhna hanga thoihdamna a bawlsak ding hi.

Siampi Laibu 6:6

Amah in a dantuahna-in siampipa tungah tua pen TOPA tungah ama khialhna hanga biakna dingin tuuhon lak pan aman ding a kisehsa tawh kituak a sit baang lo tuutal khat a paipih ding hi.

Thupiakkikna 16:16

TOPA note Pasian in a teel nading mun ama mai-ah: Silngo-sawhloh Anlum Pawi, Nipikal Pawite le Biakbuk Pawite ah kum simin na mite khempeuh uh pel loin thumvei a kilak ding uh hi. TOPA mai-ah kuamah khutguakin kilak lo dinga;

1 Samuel 5:11

Tua ciangin amaute in Philistia-te upate khempeuh samkhawm uh a, "Israel pasian singkuangpi khakhia mang un; a omna munah puak kik un; na tua cih kei uhleh tua a in kote le ka mite uh hong that ding hi," a ci uh hi. Khuapi sung teng sihna hangin linglawnna tawh kidima; Pasian khut in a nak gawt mahmah hi.

1 Samuel 5:7

Ashdod-te in thupiangte a muh uh ciangin, "Israel pasian singkuangpi eite kiangah om peuhmah kei hen, bang hang hiam cih leh ama khut eite le i pasian Dagon tungah gik lua hi," a ci uh hi.

1 Samuel 5:9

Ahi hangin a khin khit uh ciangin tua khuapi TOPA khut in gawta a linglawng gawp hi. Amah in khuapi mite gimsak gawpin a moi a hamin meimatum naiphual e a veisak hi.

1 Samuel 6:8

TOPA singkuangpi la unla lengtungah suanin khialhna hanga biakna na khakkik uh khama kibawl nate a gei-ah singkuangto khat sungah koih un. A pai nading lamah paisak unla

1 Samuel 6:9

ahi hangin cing un. Tua in ama gam lam a manawh a, Beth Shemesh lam a zuat leh ei tunga gimna lianpi hong tungsak TOPA ahi hi. Ahi hangin a zuat kei leh ama khut a thuak i hi lohlam i thei dinga a hun tungin ei tungah hong tung lel hi ding hi," ci-in a dawng uh hi.