1 Samuel 2:12 - Zokam International Version

¹² Eli tapate mi tatsia hi uh a; TOPA a thusim kei uh hi.

LAISIENGTHOU CL Bible (BSI)

¹² Eli tapate khu migiloutah ahi ua, Mangpa athei sih uhi.

Zo Bible

¹² Tu-in Eli’ tapate pen mi ginalote ahi uhi; amate in Topa ahi a,

1 Samuel 2:12 ပူးပေါင်းရင်းမြစ်များ

1 Kumpite 21:10

Ahi hangin amah tawh kigalsai-in mibang lo nih tusak unla amah in Pasian le kumpipa hamsiat hi cih teci pangsak un. Tua ciangin paikhiatpih unla suangin denglum un," ci-in a gelh hi.

1 Kumpite 21:13

Tua ciangin mibang lo nih hong pai uh a, amah tawh kigalsai in a tu uh hi; mite mai-ah Naboth mawhsak uh a, "Naboth in Pasian le kumpipa hamsiat hi," a ci uh hi. Tua ciangin amah khuanawl ah paikhiatpih in suangin a denglum uh hi.

Jeremiah 2:8

Siampite in ‘TOPA koi-ah om hiam?’ ci-in a dong beek kei uh hi. Thukham zangte in kei hong thei lo uh a, makaite in kei hong lehdo uh hi. Kamsangte in Baal minin thu gen uh a, kimanna a nei lo milimte a zuizui uh hi.

Jeremiah 22:16

Amah in a zawngte le a kitasamte’ thu panpih a, na khempeuh ah a daupai hi. Tua in kei nong theihna uh a khiatna hi lo ahi hiam?" TOPA in cikhia hi.

Jeremiah 9:3

"Amaute in a leii uh thalpeu bangin zuauthu lot nadingin zang uh a, gam sungah a gualzawh b nadingun thutak a zang kei uh hi. Amaute in mawhna khat khit khat bawl uh a, kei hong thei lo uh hi," TOPA in cikhia hi.

Jeremiah 9:6

Khemna lakah nang d na teng a; zuau phuakin kei hong theih ding uh a nial uh hi," TOPA in cikhia hi.

Ezekiel 22:26

A siampite un ka thukham ngawhbawl uh a, a siangtho ka vante a buahsak uh hi; a siangtho vante le van mawkmawkte a khen kei uh hi; anin asiang cih a om tuan kei hi, ci-in hilh uh hi. Amaute lakah ka min dai theih nadingin ka Sabbath-te a tan ding uh a kitheihmawhbawl uh hi.

John 16:3

Kei ka hi a, ka Pa ahi zongin hong thei lo uh ahi manin amaute in tua bangin a hih ding uh hi.

John 17:3

Tu-in hih in nuntak tawntungna ahi: nang bek a maan Pasian na hina le na sawlpa Jesu Christ a theihna uh ahi hi.

John 8:55

Note in amah na theih loh uh hangin ken amah ka thei hi. Amah ka thei kei hi, ci leng note mah bangin zuauphuak ka hi ding hi. Ahi hangin amah ka thei-a a thu ka zui hi.

Rome-te 1:21

Tua hi-a amaute in Pasian thei napi Pasian bangin minthangsak lo in ama tungah lungdamna a ko kei uh hi. Ahi hangin amaute ngaisutte thu ginalo suakin a lungtang haite uh a mialcip hi.

2 Corinth-te 6:15

Christ le Belial c kikal ah bang kithutuahna om ahi hiam? A umte le a um lote in bang neikhawm ahi hiam?

Thupiakkikna 13:13

note lakah tua bang migilo khangin amau khuapi sungah mite lam khialh nadingin, "Eite pai-in pasian dangte va bia ni," (na theih ngei loh uh pasiante) ci-a a makaih khialh lam na zak uh leh

Thupiakkikna 13:14

pel loin a thu kan unla sittelin siangtakin a thu kantel un. Tua thu a maan hi a, note lakah hih a kihhuai na a kisem khin takpi ahileh

Thukhente 19:22

Amaute a kigualnop suah laitakun khuapi sunga mi tatsia pawlkhatin a inn a um uh hi. A kongkhak tumtum uh a, inn nei pisalpa otsanin, "Na inn a hong tung mipa luppih nuam ung, hong pusuaksak in," a ci uh hi.

Thukhente 2:10

Tua khang khat buppi a pate uh kiangah a kigawm khit ciangin TOPA ahi a, Israel ading ama nasepsate ahi zongin a theikha lo khang dang khat a khang hi.

1 Samuel 10:27

Ahi hangin thusia pawi pawlkhat in, "Hih mipa in eite bang hong ci hotkhiat thei ding hiam?" a ci uh hi. Amah simmawhin letsong a puak kei uh hi. Ahi hangin Saul a dai hithiat hi.

1 Samuel 25:17

Tu-in bang hihsak thei na hi hiam, ngaihsun pha in; bang hang hiam cih leh i pu le a innkuanpih tungah tuahsiatna a tung dinga omsa ahi hi. Amah lah a ngoltol kuama hopih theih loh ahi hi," ci-in a gen hi.

1 Samuel 3:13

Ahang in, a tapate amau mahmah a huathuai-in d gamta uh a, amah’n kham lo ahi manin ama theihsa mawhna hangin a innkuan-pihte tungah thu ka khen den ding hi, ci-a ama tungah ka gensa ahi hi.

1 Samuel 3:7

Tu-in Samuel in TOPA thei nai lo hi: Ama tungah TOPA kammal a kilaak nai kei hi.