1 Samuel 18:25 - Zokam International Version

²⁵ Saul in, "David kiangah, ‘Kumpipa in a galte phu a lakna-in Philistia-te vundawn zakhat longal moman dang a deih kei hi,’ ci un," ci-in a dawng hi. Saul in ahileh Philistia-te khutah David sihsak a sawm ahi hi.

LAISIENGTHOU CL Bible (BSI)

²⁵ Tualeh Saul in “David kungah, tambangin gen un. Lengpa’n agalte tunga phu alah theina dingin Philistinte vuntep zakhat chilou azi man ding bangma adeisih hi, achi hi,” chi un, achi hi. Hinanleh Saul in David pen Philistin mite khuta shisah atum chinten hi.

Zo Bible

²⁵ Tua ciengin Saul in, “David kungah tam bangin na gen ding uhi, ‘Kumpipa in a galte tungah phu a lah thei nadingin Philistia-te’ vuntep zakhat ci simlo bangma moman a dei sih hi,’ na ci ding uhi,” a ci hi. Tu-in Saul in Philistia-te’ khut lumin David a sisah sawm hi.

1 Samuel 18:25 ပူးပေါင်းရင်းမြစ်များ

Piancilna 29:18

Jacob in Rachel ngai-a, "Na tanu nauzaw Rachel kong thalawhna in kum sagih na na kong sepsak ding hi," ci hi.

Piancilna 34:12

Mo man ding le letsong-a kong puak ding no deih a tam thei zahzah seh un, nong nget bangbang uh kong pia ding hi. Numeino ka zi dingin hong pia hoh peuhmah un," ci hi.

2 Samuel 3:14

Tua ciangin David in Saul tapa Ish-Bosheth kiangah kamtai sawla, "Kei mahmah in ka thalawhsa, Philistia-te vun dawn zakhat man ka zi Michal hong pia in," ci-in a siiksak hi.

Joshua 5:3

Tua ciangin Joshua in meisuang tem bawla, Gibeath Haaraloth d ah Israel-te vun a at hi.

1 Samuel 14:24

Tu-in Saul in Israel tungah, "Ka galte tungah kei mahmah in phu ka lak khit nitak matengin an a ne peuhmah in hamsiatna thuak ta hen!" cih kiciamna khat omsak ahi manin Israel mite a lungdong uh hi. Tua hi-a galkapte khat beek in an a ciam kei uh hi.

1 Samuel 17:26

David in a kianga ding mite kiangah, "Hih Philistia-pa that a, Israel maimawlna a beisak zopa bang kicih ding ahi hiam? A nungta Pasian galkapte a ngapthawh hih vun-at loh Philistia-pa kua ahi hiam?" ci-in a dong hi.

1 Samuel 17:36

Na nasempa in humpi le vompi a nihin ka that hi; hih vun-at loh Philistia-pa in a nungta Pasian galkapte ngapthawh vial ahi manin hihte khat tawh kibang lel ding hi.

1 Samuel 18:17

Saul in David kiangah, "Ka tanu upazaw Merab hiah a om hi. Nang tawh kong kitengsak ding hi; TOPA galte hangtakin do inla ka na sem lel in," a ci hi. Saul in, "Ama tungah ka khut ka liik kei ding hi Philistia-te in sem lel uh hi," ci-in a ngaihsutna ahi hi.

1 Samuel 18:24

Saul nasemte in David gensa thu amah a koh uh ciangin

1 Samuel 19:1

Saul in a tapa Jonathan le amah a cingte khempeuh kiangah David thah ding a gen hi. Ahi hangin Jonathan in David it mahmah a,