1 Samuel 17:36 - Zokam International Version

³⁶ Na nasempa in humpi le vompi a nihin ka that hi; hih vun-at loh Philistia-pa in a nungta Pasian galkapte ngapthawh vial ahi manin hihte khat tawh kibang lel ding hi.

LAISIENGTHOU CL Bible (BSI)

³⁶ Na suohpa’n humpibahnei leh vompite ka thata, tualeh tam teptanlou Philistin mipa zong tuate mabangin a um mai ding hi, Pasian hing galkapte atawh phuat a.”

Zo Bible

³⁶ Na nasempa in humpi le vompi a nipi-in a that ngai zo ta hi; ama in hingzing Pasien’ galkapte a tawh viel ziehin a tep kitan lo tami Philistia-pa zong tuate khat tawh kibang lel ding hi,” a ci hi.

1 Samuel 17:36 ပူးပေါင်းရင်းမြစ်များ

2 Khangthute 32:17

Kumpipa in TOPA Israel Pasian engkona laikhakte zong gelh a, ama langkhatah: "Adang gammite pasiante in ka khut panin amau mite a hutzawh loh bang tektekin Hezekiah pasian in zong a mite kei khut panin a hukhia zo kei ding hi," a ci hi.

Isaiah 10:15

Azangpa tungah hei kiliansak ding ahi hiam, ahikeh a zangpa tungah sing-attem kisathei ding ahi hiam? Ciangkhut in a khunpa a vei loh bangin khetbuk in sing ahi lo khat a vik kei ding hi.

Isaiah 36:15

Hezekiah in, ‘TOPA in eite hong hu taktak dinga, hih khuapi Assyria kumpipa khut sungah a kipia kei ding hi,’ ci-a hong zolna tawh na TOPA uh muang kha kei un.

Isaiah 36:18

"Hezekiah in, ‘TOPA in eite hong hu ding hi,’ ci-a hong genna tawh kimakaih khialsak kei un. Assyria kumpipa khut panin minamte pasian khatpeuh in kua hu zo ngei ahi hiam?

Ezekiel 28:10

Gamdang mite khut sungah vun-at lote sih bangin na si ding hi. Ka gensa ahi hi, Thupipen TOPA in cikhia hi,’" hong ci hi.

Ezekiel 32:19

Amaute tungah, ‘Midangte sangin nang hong ki-angvan zaw ahi hiam? Paisuk inla vun at lote tawh kisial khawm in,’ ci in.

Daniel 5:23

Tua sangsikin nang le nang vantung Topa langah na pang hi. Ama biakinnpi-a hai-tungte na kiangah la-in nang le na uliante, na zite le na zinote in tuate zangin zu na dawn uh hi. Bangmah a mu thei lo, a za thei lo, a telcian thei lo, kham, ngun, sumngo, sik, sing le suang-a kibawl pasiante na phat uh hi. Ahi hangin na nuntakna le na vaite khempeuh a khut sunga a len Pasian na pahtawi kei hi.

Zechariah 12:3

Leitunga minam khempeuh amah do dinga a kikhop hun tua ni ciangin minam khempeuh adingin Jerusalem a kiliikkhia zo lo suangpi ka suaksak ding hi. Liikkhiat a sawm khempeuh amau le amau a kiliamsuah ding uh hi.

Zechariah 2:8

Ahang in, Thahatpen TOPA thugen hih ahi hi: "Amah in kei hong pahtawi khina, nang hong luhgawp minamte langah kei hong sawla - nang hong khoihkha peuhmah ama mit nauta khoihkha ahi hi -

1 Samuel 14:6

Jonathan in a galhiam pua tangvalpa kiangah, "Hong pai ou, vun-at loh mite galvilna ah pai ni ei; TOPA in ei tangin hong dosak kha thei ding hi. TOPA in hong hon peuh leh tawm le tam in bangmah sai lo hi," a ci hi.

1 Samuel 17:10

Tua ciangin Philistia-pa in, "Tuni-in no Israel galkap uliante kong ngap hi! Mi khat hong kuansak un khat le khat i kisu ding hi," a ci hi.

1 Samuel 17:26

David in a kianga ding mite kiangah, "Hih Philistia-pa that a, Israel maimawlna a beisak zopa bang kicih ding ahi hiam? A nungta Pasian galkapte a ngapthawh hih vun-at loh Philistia-pa kua ahi hiam?" ci-in a dong hi.

1 Samuel 17:35

a nungah ka delh a, satin a kam panin tuute ka hukhia hi. Kei hong bawh ciangin a mulin ka mana satin ka that hi.

1 Samuel 17:37

Humpi khecin pan le vompi khecin pana hong hukhia TOPA in hih Philistia-pa khut panin kei hong hu ding hi," a ci hi. Saul in David kiangah, "Va kuan in, TOPA in nang hong ompih ta hen," a ci hi.

1 Samuel 18:17

Saul in David kiangah, "Ka tanu upazaw Merab hiah a om hi. Nang tawh kong kitengsak ding hi; TOPA galte hangtakin do inla ka na sem lel in," a ci hi. Saul in, "Ama tungah ka khut ka liik kei ding hi Philistia-te in sem lel uh hi," ci-in a ngaihsutna ahi hi.

1 Samuel 31:4

Saul in a galvan-puapa kiangah, "Na namsau dok inla hong dawtlet in, tua hi kei leh hih vun-at lohte hong pai-in hong khel-bawl ding uh a, hong dawtlet ding uh hi," a ci hi. Ahi hangin galvan-puapa lau-in hih ngam lo a; tua ciangin Saul in ama namsau dokin a tungah a puk hi.