1 Samuel 17:26 - Zokam International Version

²⁶ David in a kianga ding mite kiangah, "Hih Philistia-pa that a, Israel maimawlna a beisak zopa bang kicih ding ahi hiam? A nungta Pasian galkapte a ngapthawh hih vun-at loh Philistia-pa kua ahi hiam?" ci-in a dong hi.

LAISIENGTHOU CL Bible (BSI)

²⁶ Tuachi’n David in akunga ding mite kungah, “Tam Philistin mipa that a Israelte minsietna lamangpa khu banglaw ding adiei? Tami teptanlou Philistin mipi koi ahi phuata, Pasian hing galkapte tambanga atawh mawngmawng ahiei?” achi hi.

Zo Bible

²⁶ David in a gei-a ding mite kungah, “Tam Philistia-pa thatin Israel tung panin zakona a lamang pa adingin bang kibawlpieh ding ahei?” a ci hi. Hingzing Pasien’ galkapte a tawh valiang dingin tami a tep kitan lo Philistia-pa khu koi hi viel ahei?” a ci hi.

1 Samuel 17:26 ပူးပေါင်းရင်းမြစ်များ

2 Kumpite 19:4

A pu Assyria kumpipa in a nungta Pasian a zahpih dinga a sawl galkap mangpipa thugente TOPA na Pasian in na za henla, TOPA na Pasian in a zaksa thute hangin amah na tai hen. Tua ahi ciangin a omlai sunte pana a baanglaite adingin thu ngen in," ci-in a gen uh hi.

2 Khangthute 32:17

Kumpipa in TOPA Israel Pasian engkona laikhakte zong gelh a, ama langkhatah: "Adang gammite pasiante in ka khut panin amau mite a hutzawh loh bang tektekin Hezekiah pasian in zong a mite kei khut panin a hukhia zo kei ding hi," a ci hi.

Nehemiah 5:9

Tua ciangin, "Na nasep uh maan lo hi. I gal Gentile-te hong mawhsak loh nadingin i Pasian kihta kawmin kalsuan lo na hi uh hiam?

Phatna-late 44:13

Ka vengte uh tungah nong maimawlsak a, ka kim ka pam ua omte simmawh le nuihsat nong suaksak hi.

Phatna-late 74:18

TOPA aw, galte in nang hong selphozia uh le mihaite in na min a daisakzia uh phawk gige in.

Phatna-late 79:12

Topa aw, nang tunga mawhsakna hong tutte uh, a zah sagihin ka vengte uh ang denna in.

Isaiah 37:23

Na zahko a na daisak kua ahi hiam? Kua langah na aw sangsakin na kiphatsakna mit tungliik na hi hiam? Israel-te Siangtho Pa langah maw!

Jeremiah 10:10

Ahi hangin amaan Pasian TOPA hi a; amah a nungta Pasian, a tawntunga Kumpipa ahi hi. Amah a heh ciangin leitung kilinga, ama thangpaihna minamte in a nang zo kei uh hi.

Jeremiah 9:25

"TOPA in ci-le-sa beka vunatte -

Jeremiah 9:26

Egypt, Judah, Edom, Ammon, Moab le gamlapi a sehnel-gama tengte khempeuh dan a kituahsak hun hong tung ding hi. Ahang in, hih minamte khempeuh vunat taktak hi lo uh a, Israel innkuan buppi nangawn lungtanga vunat loh ahi uh hi," a ci hi.

Ezekiel 28:10

Gamdang mite khut sungah vun-at lote sih bangin na si ding hi. Ka gensa ahi hi, Thupipen TOPA in cikhia hi,’" hong ci hi.

Daniel 5:23

Tua sangsikin nang le nang vantung Topa langah na pang hi. Ama biakinnpi-a hai-tungte na kiangah la-in nang le na uliante, na zite le na zinote in tuate zangin zu na dawn uh hi. Bangmah a mu thei lo, a za thei lo, a telcian thei lo, kham, ngun, sumngo, sik, sing le suang-a kibawl pasiante na phat uh hi. Ahi hangin na nuntakna le na vaite khempeuh a khut sunga a len Pasian na pahtawi kei hi.

Daniel 6:27

Amah in hu-in honkhia hi; vante le leitungah lim le a lamdangte a bawl hi. Amah in humpinelkaite vangliat na panin Daniel a hukhia hi," ci-in a gelh hi.

Daniel 9:16

Topa aw, amaan na nasepna khempeuh tawh a kituah hangin na khuapi, na mual siangtho Jerusalem tungah hehin thangpai kei in. Kote mawhnate le ka pate uh khialhnate hangin ka kim ka pam-ua mi khempeuh in Jerusalem le na mite hong simmawh uh hi.

Joel 2:19

TOPA in amaute dawng a dinga, "Keimah in an, lenggah zuthak le sathau kong puak hi; na khamtakua na nek dingun kicing ding hi. Minam dangte nuihsatin na om nawn kei ding uh hi.

Thupiakkikna 5:26

Ahang in, a si thei mihing, eite zak bangin mei sungah a nungta Pasian aw za a, a hing lai kiza ngei ahi hiam?

1 THESSALONIKA 1:9

Ahang in, amaute mah in kote nong sanna zia uh hong zasak sawn uh hi. Milimte na biakna uh pan, a nungta a maan Pasian nasem dingin Pasian lama na kihei zia uh le

Joshua 3:10

Hih in a nungta Pasian note lakah a om lam na theih nading uh le amah in note mai-a om Canaan-te, Hit-te, Hiv-te, Periz-te, Girgash-te, Amor-te le Jebus-te hawlkhia takpi ding ahilam na theih nading uh ahi hi.

1 John 5:20

Amah a thumaanpa a hina i theih nadingin Pasian Tapa hong pai zo cihleh theihtelna hong pia hi cih zong i thei hi. Eite tua ama Tapa Jesu Christ thu maanna sungah i om hi. Amah a thumaan Pasian le nuntak tawntungna ahi hi.

1 Samuel 11:2

Ahi hangin Ammon-te Nahash in, "Note khempeuh na taklam mit uh khelkhia-in Israel khempeuh tungah minsiatna no tunga tunsakna bek tawh thukimna no tawh ka bawl ding hi," ci-in a dawng hi.

1 Samuel 14:6

Jonathan in a galhiam pua tangvalpa kiangah, "Hong pai ou, vun-at loh mite galvilna ah pai ni ei; TOPA in ei tangin hong dosak kha thei ding hi. TOPA in hong hon peuh leh tawm le tam in bangmah sai lo hi," a ci hi.

1 Samuel 17:10

Tua ciangin Philistia-pa in, "Tuni-in no Israel galkap uliante kong ngap hi! Mi khat hong kuansak un khat le khat i kisu ding hi," a ci hi.

1 Samuel 17:30

A midang khat kiangah kiheisanin tua thu mah gen a, mite in a masa a bangin a na dawng uh hi.

1 Samuel 17:36

Na nasempa in humpi le vompi a nihin ka that hi; hih vun-at loh Philistia-pa in a nungta Pasian galkapte ngapthawh vial ahi manin hihte khat tawh kibang lel ding hi.

1 Samuel 31:4

Saul in a galvan-puapa kiangah, "Na namsau dok inla hong dawtlet in, tua hi kei leh hih vun-at lohte hong pai-in hong khel-bawl ding uh a, hong dawtlet ding uh hi," a ci hi. Ahi hangin galvan-puapa lau-in hih ngam lo a; tua ciangin Saul in ama namsau dokin a tungah a puk hi.